Apocalipsis 13:6 - Kaqchiquel Bible

⁶ Y kan keri' k'a xuben ri chikop ri'. Itzel xch'on chirij ri Dios, xuyoq' ri rubi', itzel chuqa' xch'on chirij ri rachoch ri Dios y chikij ri ek'o chila' chikaj.

Tuilleadh tionndaidhean

Kaqchikel Santo Domingo (Xenacoj)

⁶ Y ri itzel chikap xchꞌaꞌa, y xuyaqꞌ ri Dios, y xerubꞌilaꞌ yoqꞌonik teq tzij chirij rubꞌiꞌ ri Dios, chirij ri rachoch ri Dios, y chuqaꞌ chikij ri ekꞌo chiriꞌ.

Kaqchikel Santa Maria de Jesus

⁶ Y quireꞌ xuꞌon ri bestia reꞌ. Itziel xchꞌoꞌ chirij ri Dios; itziel xchꞌoꞌ chirij ri rubꞌeꞌ, altíra itziel tak tzij xaꞌruꞌej chirij ri rachuoch ri Dios y chiquij jeꞌ ri icꞌo chicaj.

Kaqchikel Central Guatemala

⁶ Y can que vi c'a ri' xuben ri chicop ri'. Itzel xch'on chirij ri Dios. Xuyok' rubi' ri Dios. Itzel chuka' xch'on chirij ri rachoch ri Dios y chiquij ri ec'o chila' chicaj.

Re C'ac'a Testamento pa Kach'abal

⁶ Y can quire' xuban re chicop re'. Itzel xch'o chij re Dios. Xuyok' rube' re Dios. Itzel chuka' xch'o chij re rachoch re Dios y chiquij re jec'o chila' chicaj.

Kaqchikel Western Solola

⁶ Y can que wi c'a ri' xuben ri chicop ri'. Xuchop xyok'on chrij ri Dios; xuyok' rubi' ri Dios, y xyok'on chrij ri rachoch ri Dios y chiquij ri yec'o chila' chicaj.

Apocalipsis 13:6 Iomraidhean Croise

Wuj Richin ri Achin Job 3:1

K'ari' ri Job xch'on k'a, y rija' kan xretzelaj k'a ri q'ij toq xalex;

Wuj Richin Bix Chire ri Dios 73:9

Nikiyoq'-q'anej ri Dios ri k'o chikaj, nikitzijola' ri nikiben chuwech re ruwach'ulew.

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Dn 7:25

Ri q'atoy-tzij ri k'o pa ruwi' re jun ajawaren re' kan xtuyoq' k'a ri nimalej Dios y kan xtuben chike richin nikitej poqon richin yek'is ri rutinamit ri Dios. Kan xtrajo' k'a xtujel ri rubanik ri pixa' y ri nimaq'ij ri e tz'ibatel kan chupan. Ri rutinamit ri Dios kan xkejach k'a pa ruq'a' rija' y kan xkek'oje' k'a pa ruq'a' k'a toq xtitz'aqet na ri oxi' juna' rik'in nik'aj.

Dn 7:8

Y rokik k'a yin ninmey ri lajuj uk'a' ri', kan xbek'ulun chik k'a pe chikikojol jun chik ti ko'ol uk'a', y k'o chi xe'elesex-el oxi' richin chi xk'oje' kan ri jun ti ko'ol. Ri ti ko'ol uk'a' ri' kan k'o k'a runaq'-ruwech achi'el ri wineq. K'o chuqa' ruchi', y yerubila' k'a janila itzel taq ch'abel.

San Mateo 12:34

Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Romanos 3:13

Kan xaxe k'a ri q'oloj ri k'o pa kichi'. Ri pa kichi' kan achi'el k'a jun muqubel kamineq ri jaqel. Ri kaq' kan achi'el ri kamisanel-ya' ri nel pa ruchi' ri kumetz, Kan ruyon k'a q'oloj nikiben ri winaqi'.

Colosenses 1:19

Kan rurayibel wi k'a ri Tata'ixel; chi rik'in ri K'ajolaxel nik'oje-wi ronojel ri rubanik rija'.

Colosenses 2:9

Ronojel ri rubanikil ri Dios, rik'in ri Cristo nilitej-wi.

Hebreos 9:2

Y ri jay banon rik'in tzieq, kere' k'a rubanik: Chupan k'a ri nibix loq'olej chire k'o ri candelabro y k'o chuqa' ri mesa richin ri kaxlan-wey ri nisuj chire ri Dios.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.

Apocalipsis 11:12

Xintz'et chi ri e ka'i' q'alajirisey ruch'abel ri Dios ri xk'oje' chik el jun bey kik'aslen, xkak'axaj k'a jun ch'abel ri chila' chikaj ri xubij: xkijote-pe wawe', xcha'. Y rije' xejote-q'anej chikaj pa jun sutz', ri e etzelanel kichin kan jebel k'a xekitz'et-el toq xebe chikaj.

Apocalipsis 12:12

Roma ri' rix ri ixk'o chila' chikaj tikikot ri iwánima. Jak'a kan toq'ex iwech rix ri ixk'o chuwech ri ruwach'ulew y ri pa ruwi' taq ya'. Roma ri Itzel-Wineq xxule-qa iwik'in rix rik'in janila royowal, roma rija' retaman chi man k'iy ta chik q'ij ri ya'on chire, xcha'.

Apocalipsis 15:5

Y toq nutz'eton chik qa ronojel re', xintz'et chi ri chikaj xjaqatej ri ruchi' ri rachoch ri Dios ri banon rik'in tzieq.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.

Apocalipsis 4:1

Y k'ari' yin Juan, chupan ri achi'el achik', xintz'et chi ri chikaj jaqel jun achi'el ruchi-jay. Y xinwak'axaj chik ri ch'abel ri kan achi'el niq'ajan trompeta ri xinwak'axaj pa nabey y xubij k'a pe chuwe: Kajote-pe y xtink'ut k'a chawech ri xkebebanatej ri xtibe-apo, xcha'.

Apocalipsis 4:4

Y kan sutin k'a rij rik'in chik juwineq kaji' tz'uyubel. Y ri e tz'uyul ri chiri' e juwineq kaji' achi'a' ri k'o kiq'ij, ri e kikusalon seq taq tzieq, y ri pa kijolon e kikusalon corona ri e banon rik'in q'anapueq.

Apocalipsis 5:13

Y xenwak'axaj k'a chuqa' konojel ri e ruk'iytisan ri Dios ri ek'o chupan ri kaj, re ek'o chuwech re ruwach'ulew, ri ek'o chuxe-qa ri ruwach'ulew y ri ek'o chupan ri palou; y nikibij: Chire ri tz'uyul chupan ri tz'uyubel y chuqa' chire ri Karne'l, xtiya'ox ronojel matioxinik, ruwaq'ijaj, k'ojlemal y ronojel uchuq'a' richin jantape', yecha'.

Apocalipsis 7:15

Roma ri' ek'o-apo rik'in ri Dios, chupan ri rachoch y chi paq'ij chi chaq'a' nikisamajij. Y ri Dios ri tz'uyul chupan ri rutz'uyubal xtik'ase' chikikojol y xkeruchajij re winaqi' re'.

Apocalipsis 7:9

Chirij ri' yin xintz'et k'a chi e janila winaqi' ri kan man e ajlatel ta, richin jalajoj ruwach'ulew, ijatzul, tinamit y ch'abel. Konojel re winaqi' re' e pa'el-apo chuwech ri tz'uyubel richin ri Dios y chuwech apo ri Karne'l. E kikusalon k'a seq ta tzieq y e kik'ualon ruq'a' palma richin nikik'ut ri kikoten.