10 Ri winaqi' ri banon chike chi ye'uk'uex-el pa ximonri'il, kan xke'uk'uex-wi-el. Ri winaqi' ri banon chike chi yeken rik'in espada, kan chi espada xkekamisex-wi. Re' nel chi tzij chi ri e ralk'ual ri Dios k'o chi tikikoch'o' y tikuqer más kik'u'x.
10 Chupan teq ri qꞌij riꞌ, si kꞌo jun ri bꞌiꞌin chik pa ruwiꞌ chi ndukꞌuꞌex pa cheꞌ, Pa cheꞌ ndeyoꞌox wi, Si kꞌo jun bꞌiꞌin chik chi ndikamisex rikꞌin espada, Rikꞌin espada ndikamisex. Rikꞌin ri keriꞌ ndibꞌanatej, ndikꞌatzin chi ngekochꞌon ri loqꞌolej ralkꞌuaꞌl ri Dios, y ndikꞌatzin chuqaꞌ chi ma ndikiyaꞌ kan chi kuqul kikꞌuꞌx rikꞌin ri Dios.
10 Ri nibꞌano cha jun chic chi niꞌa priexa, quireꞌ jeꞌ xtiꞌan cha jajaꞌ. Y ri niquimisan cha espada, can cha espada jeꞌ xtiquimisas. Mareꞌ ri quiniman ri ruchꞌabꞌal ri Dios ticꞌujieꞌ qui-paciencia, y can tiquicukubꞌaꞌ quicꞌuꞌx riqꞌuin ri Dios.
10 Ri vinek ri yebanon chique ri ch'aka' chic richin ye'oc preso, can que c'a chuka' ri' xtiquic'ulvachij rije'. Y ri yecamisan chi machet, can chi machet c'a chuka' xquecamisex-vi. Roma c'a ri' ri lok'olej tak ralc'ual ri Dios, xaxe c'a quecoch'on y ticuker más quic'u'x.
10 Re vinak re ye'bano chique re nic'aj chic che ye'oc preso, reje' chuka' xque'ba presos. Y re ye'quimisan che espada, can che espada chuka' xque'quimisas reje'. Mare' re je rajc'ual chic re Dios, xaxe que'coch'on, y más tiquibana' confiar-qui' riq'uin re Dios.
10 Ri winek ri nibano chare jun chic riche (rixin) chi ntoc preso, can queri' c'a chuka' xtiban chare riya'. Y ri nicamisan riq'ui ri espada, can riq'ui c'a chuka' espada nicamisex wi riya'. Rumac'ari' ri lok'olaj tak ralc'ual ri Dios, xaxu (xaxe) wi c'a quecoch'on y ticuke' más quic'u'x.
Kan xkekik'en k'a pe ri ch'aqa' chik tinamit chupan ri kiruwach'ulew. Y ri qawinaq kan xkekiben chike richin yeyuqe' pa samaj kik'in. Chi achi'a' chi ixoqi' xke'ok-qa aj-ik'a' chiri'. Keri' k'a kan xkekiya' pa ximonri'il ri xeya'on pa ximonri'il rije', y keri' k'a xkek'oje' pa kiwi' ri xetz'ilon kichin.
Roma ri Jehová kan xtel-pe chiri' ri akuchi k'o-wi, richin chi nuya' ri ruk'ayewal pa kiwi' ri winaqi', roma ri kimak ri xkiben chuwech rija'. Y ri ruwach'ulew kan man xtrewaj ta chik jun kamik, jak'a xa kan xtuk'ut ronojel kamik ri e banon chuwech rija'.
Toq'ex iwech rix aj-Asiria ri ye'ik'is konojel winaqi', jak'a chiwe rix man jun bey kibanon keri'. Chuqa' kan ye'iq'ol, jak'a rix man jun bey ix q'olon. Jak'a toq rix xkixtane' richin ye'ik'is, chuqa' rix kan xkixk'is. Y toq xkixtane' richin ye'iq'ol rije', chuqa' rix xkixq'ol.
Y wi nikik'utuj akuchi yebe-wi, tabij chike: Ri kan k'o chi yeken roma ri nima-yabil, kan xkeken roma ri', ri k'o chi xkeken pa labal, kan xkeken roma ri', ri k'o chi xkeken roma wayjal, kan xkeken roma ri' y ri k'o chi xke'uk'uex-el pa ximonri'il, kan xkebe pa ximonri'il.
Rija' xtipe richin xtoruya' ruk'ayewal pa ruwi' ri ruwach'ulew Egipto. Ri winaqi' ri k'o chi yeken, kan xkeken; ri xkebe pa ximonri'il, kan xkebe pa ximonri'il y ri xkekamisex chi espada, kan chi espada xkeken-wi.
Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.
Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.
Nik'atzin chi rix niben keri' richin man tipe iq'oral. Xa kan ke'itzeqelibej ri ch'aqa' chik ri rik'in ri kikuqubabel-k'u'x y ri koch'onik nikichinaj ri rusujun kan ri Dios.
Yin Juan, ri in iwach'alal, ri kan in iwachibil chupan ri tijoj-poqonal, y ri rajawaren ri Dios y jantape' nutzeqeliben ri Cristo rik'in koch'onik. Yin xik'oje' k'a pa ti ruwach'ulew Patmos ri k'o chukojol ya', roma nintzijoj ri ruch'abel ri Dios y roma chuqa' ri xuq'alajirisaj ri Jesucristo chinuwech.
Ri tzobaj winaqi' richin re ruwach'ulew yakatajineq koyowal chawij, jak'a kan xoqaqa ri q'ij richin chi ri awoyowal rat xqaqa pa kiwi' rije'. Kan xoqaqa ri q'ij richin naq'et-tzij pa kiwi' ri kaminaqi'. Q'ij richin chi xtaya' rajel ruk'exel chike ri asamajela' y ri e q'alajirisey ri ach'abel, chike ri awalk'ual y ri yeya'on aq'ij, chi ch'uti'q chi nima'q. Kan xoqaqa k'a chuqa' ri q'ij chi rat ye'ak'is ri winaqi' ri yebanon chire ri ruwach'ulew richin nik'is, yecha'.
Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.
Chirij ri', kan ja ri chikop ri xk'oje' y wakami maneq chik tz'eton, jari' ri xtok ruwaqxaq rey. Rija' jun chike ri wuqu' rey ri e q'axineq chik. Y xtuq'et chik tzij jun bey, y k'ari' xtibe chupan ri tojbel-mak.
Ri chikop ri xatz'et, xk'oje' ojer kan y wakami maneq chik. Jak'a xa xtibek'ulun chik pe y xtel-pe chupan ri itzel siwan ri ruyon q'equ'm rupan richin xtibe chupan ri tojbel mak. Y ri janila chi winaqi' ri man xtz'ibex ta kibi' chupan ri wuj richin k'aslen, ri kan pa rutikeribel-pe ri ruwach'ulew, kan xtikimey k'a ri chikop ri xk'oje' ojer kan y xa maneq chik tz'eton, y xa kan xtibek'ulun chik pe jun bey.
Yin wetaman ronojel ri ibanobal, wetaman chi kan yixajowan, chi kan kuqul ik'u'x wik'in, chi kan yixto'on, chi kan iwetaman-wi yixkoch'on, y kan más yixsamej wakami ke chuwech ri pa nabey.
Yin wetaman ronojel ri ibanobal ri xiben. Wetaman ri janila isamaj y janipe' ruk'ayewal ikoch'on. Wetaman chuqa' chi man ik'amon ta qa kiwech ri winaqi' ri xa kan e itzel. Y e itejtoben ri yebin chi e nutijoxela' y xe'iwil chi xa man e qitzij ta roma xa kiyon e tz'ukuy taq tzij.
Y roma kan itaqen rik'in koch'onik ri nubij ri nuch'abel; yin kan xkixinchajij k'a chuwech ri ruk'ayewal ri xtipe pa ruwi' ri ruwach'ulew richin yetejtobex konojel ri winaqi'.
Toqaqa chi'ik'u'x ri tijonik ri ik'ulun, titzeqelibej y titzolej-pe ik'u'x. Roma wi xa man xkixk'ase' ta; xkipe pan iwi' achi'el jun eleq'om y man xtinabej ta k'a achike ramaj toq xkinoqaqa.