Apocalipsis 12:2 - Kaqchiquel Bible

² Y re ixoq re' kan niq'alajin chi nralaj yan jun ak'ual, y kan janila nisik'in roma jari' k'o chupan ri ruq'axo'n.

Tuilleadh tionndaidhean

Kaqchikel Santo Domingo (Xenacoj)

² Ri ixaq riꞌ ndisikꞌin roma ri qꞌaxomal ndunaꞌ, porque pataneq alanik chirij y ja ndajin ruqꞌaxon roma ndalex ri ral.

Kaqchikel Santa Maria de Jesus

² Y ri ixok reꞌ kꞌalaj chi ya nicꞌujieꞌ ruxuluꞌ. Rumareꞌ can altíra nisiqꞌuin. Can altíra ruquiy nunaꞌ.

Kaqchikel Central Guatemala

² Y re ixok re' can nik'alajin chi nralaj yan jun ac'ual. Can ruchapon c'a jiloj romari'. Can janíla c'a k'axomal ri nuc'ovisaj.

Re C'ac'a Testamento pa Kach'abal

² Y re ixok re' can k'alaj che nic'ue-yan ac'ual riq'uin. Mare' camas nijelo y camas k'axon nuk'asaj.

Kaqchikel Western Solola

² Y ri ixok ri' can nik'alajin chi nralaj yan jun ac'al. Can ruchapon chic c'a jiloj. Can sibilaj c'a k'axomal ri nuk'axaj.

Apocalipsis 12:2 Iomraidhean Croise

Wuj Richin ri Isaías 26:17

Ri xaben qik'in chupan ri tijoj-poqonal kan xqana' rukiy achi'el nuna' rukiy jun ixoq toq royoben jun ak'ual, y toq napon ri q'ij richin nalan.

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Wuj Richin ri Isaías 54:1

Ri Jehová nubij: Kan kixkikot k'a rix ixoqi' ri man jun bey xixyawej kan chirij jun ak'ual. Rix ri man xek'oje' ta iwal, kan kixbixan rik'in kikoten, roma rix ri ix malin kan, kan xkek'oje' más e k'iy iwal chikiwech ri ixoqi' ri ek'o chik kal.

Wuj Richin ri Isaías 66:6

¿Niwak'axaj rix ri niq'ajan ri peteneq pa tinamit? ¿Niwak'axaj achi'el kich'abel winaqi' ri pa rachoch ri Dios? Jari' ri ruch'abel ri Jehová. Jare' noruya' rutojbalil-mak pa kiwi' ri e etzelanel richin.

Wuj Richin ri Miqueas 4:9

Jak'a re wakami, rix yixsik'in roma maneq chik i-rey y xa xeken-el ri ipixabanela'. Rix nina' janila q'axo'n achi'el ruq'axo'n jun ixoq ri nalex yan ti ral.

Wuj Richin ri Miqueas 5:3

Y re' k'a man jani tibanatej, roma ri Dios xkerumalij k'a kan ri qawinaq israelita, k'a xtapon na ri q'ij toq xtalex ri rey ri'. Chupan ri q'ij ri' xketzolej-pe pa taq ruwach'ulew konojel ri qawinaq.

San Mateo 24:8

Jak'a ri' ri nabey taq q'axomal, y k'ari' xkepe chik ch'aqa' kiwech tijoj-poqonal.

San Juan 16:21

Ri bis k'a ri' junan rik'in ri q'axo'n ri nuk'owisaj jun ixoq toq napon yan ruq'ijul richin nralaj jun ak'ual. Toq ri ak'ual alaxineq chik, ri te'ej ri' man k'a noqaqa ta chik chuk'u'x achike chi q'axomal ri xuk'owisaj, roma janila nikikot ránima chi xalex chik jun ak'ual chuwech re ruwach'ulew.

Gálatas 4:19

Toq rix man jani tikuquba' ik'u'x rik'in ri Cristo, yin kan janila q'axo'n xink'owisaj, achi'el ruq'axo'n jun ixoq ri nibe'alex yan ti ral. Y wakami jun bey chik ja q'axo'n ri' ninna' pa wánima. Ri q'axo'n ri' jantape' xtink'uaj, k'a toq rix xtiya' q'ij chi ri Cristo xtiq'alajin chi utz chupan ri ik'aslen.

Gálatas 4:27

Y chirij k'a ri' nich'on-wi ri ruch'abel ri Dios ri tz'ibatel kan, toq nubij:*f11* Kan kakikot k'a rat ixoq ri man jun bey xayawej kan chirij jun ak'ual. Rat ri man xek'oje' ta awal, kan kabixan rik'in kikoten, roma stape' at malin kan, kan xkek'oje' más e k'iy awal chikiwech ri ixoqi' ri k'o kachijil kik'in, nicha'.

Apocalipsis 12:4

Y re itzel chikop re', xaxe k'a rik'in ri rujey xerumes-pe jun chire ri oxi' chike ri ch'umila' ri ek'o chikaj, y xeruk'eq k'a pa ruwi' ri ruwach'ulew. K'ari' xbek'oje-apo chuwech ri ixoq ri nik'oje' yan ral. Ruchajin-apo jampe' xtik'oje' ri ak'ual, richin nutej-el.