Apocalipsis 11:4 - Kaqchiquel Bible

⁴ Y xbix k'a chuwe chi ri e ka'i' samajela' ri', ja ri ka'i' che' oliwo y ri ka'i' kandelero ri ek'o-apo chuwech ri Dios ri xbanon ri ruwach'ulew.*f3*

Tuilleadh tionndaidhean

Kaqchikel Santo Domingo (Xenacoj)

⁴ Ri ekaꞌiꞌ yoꞌol rutzijol nutzij, ja ri kaꞌiꞌ cheꞌ olivos y ri kaꞌiꞌ candeleros, rejeꞌ ekꞌo apu chuwech ri Dios Rajaw ri rochꞌulew, xchajeꞌ.

Kaqchikel Santa Maria de Jesus

⁴ Y ja ri caꞌyeꞌ samajiel reꞌ i-incheꞌl ri caꞌyeꞌ mata olivos y ri caꞌyeꞌ candeleros ri icꞌo-apa choch ri Dios, ri Rajaf ri roch-ulief.

Kaqchikel Central Guatemala

⁴ Y ri e ca'i' c'a ri', je ri ca'i' achi'el che' olivos y ri e ca'i' achi'el candeleros ri ec'o-apo chuvech ri Dios, ri Rajaf ri ruvach'ulef.

Re C'ac'a Testamento pa Kach'abal

⁴ Y re je ca'e' rusamajela' re Dios re' ancha'l re je ca'e' che' olivos y ancha'l chuka' re je ca'e' candeleros re jec'o-apo chach re Dios, re Rajaf re ruch'ulef.

Kaqchikel Western Solola

⁴ Y ri ye ca'i' c'a ri' ri xquetzijon ri xtuk'alajsaj ri Dios chique, ye junan riq'ui ri ca'i' che' olivos, chuka' ye junan riq'ui ri ca'i' candeleros, ri yec'o apo chuwech ri Dios ri Rajaf ri ruwach'ulef.

Apocalipsis 11:4 Iomraidhean Croise

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

Wuj Richin Bix Chire ri Dios 52:8

Jak'a yin ink'o chupan ri rachoch ri Dios, achi'el jun ruche'el olivo ri rex-rex rubanon, roma yin, rik'in k'a ri rujoyowanik ri Dios nukuquban-wi nuk'u'x jantape'.

Ex 8:22

Toq xtibanatej k'a keri', ri pa ruwach'ulew Gosen ri akuchi ek'o-wi ri israelita, kan man jun k'a botzaj amolo' xtapon chiri'. Y keri' xtawetamaj k'a chi yin Jehová ink'o chikikojol rije'.

Wuj Richin ri Isaías 54:5

roma yin kan xkixinchajij achi'el nuben jun achijlonel. Ja yin ri in k'iytisanel iwichin, y ri nubi' ja ri Jehová k'iytisanel richin ronojel. Ja yin ri in loq'olej ri xtikolon iwichin rix israelita, y ri winaqi' kan nikibij chuwe chi ja yin in Dios richin chijun ruwach'ulew.

Wuj Richin ri Jeremías 11:16

Yin kan nubanon chiwe chi yixbe pa jotol, achi'el jun che' olivo ri rex-rex rubanon y janila ruxaq y nojineq rik'in jebelej ruwech. Jak'a re wakami xkenteq-pe itzel taq winaqi' achi'el jun koqolajay richin xkixruk'et y xkixkik'is.

Wuj Richin ri Miqueas 4:13

Ri Jehová nubij chike ri aj-Sión: ¡Kixyakatej richin nich'ey ri trigo! Yin xtinya' iwuchuq'a' achi'el ruchuq'a' jun achij wákix ri k'o ruk'a' ri banon rik'in q'eqapueq y ri rupi'ch banon rik'in q'enq'oj-pueq. Rix xke'ik'is janila tzobaj winaqi' richin ri ruwach'ulew. Xtimej ri beyomel ri xk'oje' kik'in roma ri kamisanik y xtiya' chuwe yin, ri in rajaw ri ruwach'ulew.

San Lucas 11:33

Rix kan man jun bey k'a nitzij ta jun q'aq' richin nisaqirisan, y nijupuba' ta kan jun bojo'y pa ruwi'. Ri q'aq' ri nitzij, kan richin k'a nisaqirisan; roma ri' nikanoj jun k'ojelibel ri nitz'uyuba-wi, richin keri' kan yerusaqirisaj konojel ri ek'o pa jay. Ri wineq ri nutzij jun q'aq', nutzeqeba' richin keri' yerusaqirisaj ri ye'ok-apo pa jay.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

Romanos 11:17

K'o k'a jun q'ij xtik k'a jun che' richin oliwo. Chirij ri' xelesex-el jun ruq'a'. Chuqa' xtun-apo jun ti ruq'a-che' oliwo ri xa choj k'iyineq-pe pa juyu'. Ri nuwinaq judío kan e achi'el ri ruq'a-che' ri xelesex-el. Y rix ri man ix judío ta xa ix achi'el ri ti ruq'a-che' ri' ri xtun-apo pa kik'exel rije'. Xixtun-apo rik'in ri che' oliwo y k'iy utzil nik'ul.

Deut 10:8

Chupan ri q'ij ri' ri Jehová xucha' ri tzobaj richin kan ri Leví richin chi ja rije' ri ye'uk'uan ri káxa richin ri rujikibel-tzij, y richin nikisuj kamelabel y nikik'utuj urtisanik pa qawi', achi'el nikiben k'a re q'ij re'.

Apocalipsis 1:20

Wakami xtinq'alajirisaj ri man q'alajirisan ta pe pa nabey. Ri wuqu' ch'umila' ri xatz'et pa wijkiq'a' nel chi tzij ri e wuqu' ángel ri yechajin kichin ri wuqu' molaj nimanela'. Y ri wuqu' kandelero ri e banon rik'in q'anapueq, nel chi tzij ri wuqu' molaj nimanela'.