Apocalipsis 10:6 - Kaqchiquel Bible

⁶ y xuya' rutzij pa rubi' ri Dios ri kan k'es ri tibe-q'ij tibe-seq, ri xbanon ri kaj y ronojel ri ek'o chuwech, ri xbanon ri ruwach'ulew y ri ek'o chuwech, ri xbanon ri palou y ri ek'o chupan; chi ri q'ij jari' xtz'aqet yan.

Tuilleadh tionndaidhean

Kaqchikel Santo Domingo (Xenacoj)

⁶ y pa rubꞌiꞌ ri Dios ri kin jumul wi kꞌo rukꞌaslen, y kin bꞌanayon ri kaj y nojel ri kꞌo chuwech, ri rochꞌulew y nojel ri kꞌo chuwech, y ri mar y nojel ri kꞌo chupan, kereꞌ xubꞌen jurar: ¡Ma kꞌiy chi ta tiempo ndeqꞌax chin ndibꞌanatej ri rubꞌiꞌin ri Dios!

Kaqchikel Santa Maria de Jesus

⁶ y xuꞌej: Inreꞌ niꞌan jurar pa rubꞌeꞌ ri cꞌo richin nojiel tiempo, ri xbꞌano ri rocaj y ri icꞌo choch, ri xbꞌano ri ulief y ri icꞌo choch, ri xbꞌano ri mar y ri icꞌo chupan, can pa rubꞌeꞌ jajaꞌ niꞌan jurar; chi man chic xtakꞌax ta más tiempo.

Kaqchikel Central Guatemala

⁶ y xubij c'a: Yin ninben jurar chuvech ri can c'o-vi jantape', ri xbanon ri caj y ri ec'o chupan, ri xbanon ri ruvach'ulef y ri ec'o chuvech, ri xbanon ri mar y ri ec'o chupan; can chuvech c'a rija' ninben-vi jurar chi man chic xtik'ax ta más tiempo.

Re C'ac'a Testamento pa Kach'abal

⁶ y xubij: Yen nimban jurar chach re Dios re c'o nojel tiempo, re xbano re rocaj y re jec'o chupan, re xbano re ruch'ulef y re jec'o chach, re xbano re mar y re jec'o chupan, can chach reja' nimban-va jurar che man chic xtak'ax-ta más tiempo.

Kaqchikel Western Solola

⁶ y xubij c'a: Riyin nben jurar chuwech ri can c'o wi petenak k'ij, petenak sek y c'o riche (rixin) xtibe k'ij xtibe sek, ri xbano ri caj y ri yec'o chuwech, ri xbano ri ruwach'ulef y ri yec'o chuwech, ri xbano ri mar y ri yec'o chupan; can chuwech c'a Riya' nben wi jurar chi ma xtik'ax ta chic más tiempo.

Apocalipsis 10:6 Iomraidhean Croise

Wuj Richin ri Rutikeribel 14:22

Y ri Abram xubij k'a chire ri rey richin Sodoma: Yin ninjikiba' k'a nutzij chuwech ri Jehová Dios, ri man jun chik achi'el rija', ri banayon ri kaj y ri ruwach'ulew,

Ex 20:11

Roma yin Jehová, pa waqi' q'ij xinben ri kaj, ri ruwach'ulew, ri palou y ronojel ri ek'o chupan, jak'a chupan ri ruwuq q'ij, yin kan xinuxlan chire ri samaj ri'. Roma ri' ri ruwuq q'ij kan xinch'er richin uxlanen.

Ex 6:8

Xkixink'uaj chupan ri ruwach'ulew ri nusujun-pe chike ri Abraham, ri Isaac y ri Jacob, Y YIN RI JEHOVÁ xtinya' k'a kan chiwe rix, richin xtiwichinaj, kacha' chike, xcha' ri Jehová.

Ez 20:5

Y tabij chike chi toq yin xencha' ri ite-itata', xinjikiba-nutzij kik'in y xink'ut k'a wi' chikiwech rije' ri chiri' pan Egipto. Kan xinya' k'a nutzij y xinbij k'a chike chi ja yin Jehová ri in ki-Dios.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Wuj Richin ri Q'axanri'il 14:30

Kan qitzij ninbij chiwe chi rix man xkixok ta chupan ri ruwach'ulew ri nusujun chiwe, ri akuchi yixbek'oje-wi; jak'a ri Caleb, ri ruk'ajol ri Jefuné y ri Josué, ri ruk'ajol ri Nun, kan xke'ok k'a chupan ri ruwach'ulew ri'.

Apocalipsis 1:18

Ja yin ri kan in k'es, kan xiken na wi jak'a re wakami k'o nuk'aslen richin tibe-q'ij tibe-seq. Y k'o chuqa' q'atbel-tzij pa nuq'a' pa ruwi' ri kamik y pa ruwi' ri akuchi ek'o-wi ri kaminaqi'.

Apocalipsis 12:12

Roma ri' rix ri ixk'o chila' chikaj tikikot ri iwánima. Jak'a kan toq'ex iwech rix ri ixk'o chuwech ri ruwach'ulew y ri pa ruwi' taq ya'. Roma ri Itzel-Wineq xxule-qa iwik'in rix rik'in janila royowal, roma rija' retaman chi man k'iy ta chik q'ij ri ya'on chire, xcha'.

Apocalipsis 16:17

Y kan jari' k'a toq ri ruwuq ángel xuq'ej pa kaq'iq' ri ruk'uan chupan ri qumbel, y xinwak'axaj k'a chi k'o nich'on-pe ri akuchi k'o-wi ri rutz'uyubal ri Dios ri chiri' pa rachoch. Y kan rik'in k'a ruchuq'a' nubij-pe: Jare' xk'achoj yan, xcha'.

Apocalipsis 21:6

Ronojel xk'achoj yan. Ja yin ri xitikeriban-pe y ja yin ri xik'ison pa ruwi'. Y ri nichaqi'j ruchi', yin xtinsipaj ruya' ri elesan-pe pa jun alaxibel-ya' richin k'aslen.

Apocalipsis 4:10

ri e juwineq kaji' achi'a' ri k'o kiq'ij, yexuke' chuwech ri kan k'es tibe-q'ij tibe-seq; nikelesala' ri ki-corona y yekiya-apo chuwech, y nikibij k'a:

Apocalipsis 4:11

Qajaw Dios, kan ruk'amon k'a chi nak'ul aq'ij-ak'ojlen y ronojel uchuq'a'. Kan ja rat k'a xabanon ronojel ri k'o y xe'ak'iytisaj, roma kan jari' ri arayibel, yecha'.

Apocalipsis 4:9

Y ronojel k'a mul toq ri e kaji' ri k'o k'iy runaq' taq kiwech, nikiya' ruq'ij-ruk'ojlen y yematioxin chire ri tz'uyul chiri', ri kan k'es tibe-q'ij tibe-seq,

Apocalipsis 6:11

Y jari' k'a toq xjach kitziaq seq chikijujunal, y xbix chike chi k'a tikoyobej na chik juba', roma k'a ek'o na ri kachibil pa rusamaj ri Cristo y chuqa' ri kach'alal ri k'a man jani yekamisex koma ri winaqi', achi'el ri xkik'uluwachij-el rije'.