Apocalipsis 10:5 - Kaqchiquel Bible

⁵ K'ari' xintz'et chi ri ángel ri ruya'on jun raqen chupan ri palou y chuqa' ri pa ruwi' ri ruwach'ulew, xutzeqej ri rijkiq'a' chikaj,

Tuilleadh tionndaidhean

Kaqchikel Santo Domingo (Xenacoj)

⁵ Ri ángel ri xintzꞌet chi peꞌel pariꞌ ri mar y ri rochꞌulew, xujotobꞌaꞌ ri rikiqꞌaꞌ ruqꞌaꞌ chikaj,

Kaqchikel Santa Maria de Jesus

⁵ Y ri ángel ri xintzꞌat chi ruyoꞌn jun rakan paroꞌ ri mar y ri jun chic paroꞌ ri ulief, xupilisaj ri rukꞌaꞌ chicaj,

Kaqchikel Central Guatemala

⁵ Y ri ángel ri ruyo'on jun raken pa mar y chuka' ri pa ruvi' ri ruvach'ulef, xintz'et c'a chi xutzekej ri rajquik'a' chicaj,

Re C'ac'a Testamento pa Kach'abal

⁵ Y re ángel re ruyi'on jun rakan pa rue' re mar y jun rakan pa rue' re ruch'ulef, xintz'at che xutzekej re rajquik'a' chicaj,

Kaqchikel Western Solola

⁵ Y ri ángel ri ruya'on jun raken pa ruwi' ri mar y jun raken pa ruwi' ri ruwach'ulef, xintz'et c'a chi xuyec ri ruk'a' chicaj,

Apocalipsis 10:5 Iomraidhean Croise

Wuj Richin ri Rutikeribel 14:22

Y ri Abram xubij k'a chire ri rey richin Sodoma: Yin ninjikiba' k'a nutzij chuwech ri Jehová Dios, ri man jun chik achi'el rija', ri banayon ri kaj y ri ruwach'ulew,

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.

Wuj Richin Bix Chire ri Dios 146:5

Jebel ruwa-ruq'ij ri wineq, ri kan ja ri qa-Dios roj israelita ri nito'on richin, ri kan nukuquba' ruk'u'x rik'in ri Jehová ri qa-Dios.

Ex 20:11

Roma yin Jehová, pa waqi' q'ij xinben ri kaj, ri ruwach'ulew, ri palou y ronojel ri ek'o chupan, jak'a chupan ri ruwuq q'ij, yin kan xinuxlan chire ri samaj ri'. Roma ri' ri ruwuq q'ij kan xinch'er richin uxlanen.

Ex 6:8

Xkixink'uaj chupan ri ruwach'ulew ri nusujun-pe chike ri Abraham, ri Isaac y ri Jacob, Y YIN RI JEHOVÁ xtinya' k'a kan chiwe rix, richin xtiwichinaj, kacha' chike, xcha' ri Jehová.

Ez 20:15

Chuqa' chiri' pa tz'iran ruwach'ulew xinjikiba' k'a chike chi man xtinya' ta chike ri ruwach'ulew ri nuya'on chik chike, ri kan más jebel chikiwech ri ch'aqa' chik ri akuchi niwachin ronojel ruwech tiko'n.

Ez 20:23

Chuqa' chiri' pa tz'iran ruwach'ulew xinya' nutzij y xinbij chike chi xkentaluj-el chuwech chijun ruwach'ulew,

Ez 20:28

Yin xenkusaj chupan ri ruwach'ulew ri xinya' chike, jak'a rije' toq xkitz'et jun juyu' o jun che' jebel ruxaq, kan chiri' k'a xkisuj-wi ri kikamelabal, chiri' k'a xkiya-wi ri kisipanik, chiri' k'a xkisuj-wi ri jebelej pom y chuqa' xkitix ri sipanik richin vino chikiwech ri wachibel. Y ronojel re' xa kan xuben chuwe richin xuyek janila woyowal.

Ez 20:42

Rix kan xtiwetamaj k'a in achike yin Jehová, ri rubanik ri nuna'oj, toq kan xkixink'en-pe chupan re ruwach'ulew richin Israel, ri ruwach'ulew ri kan nubin chi kan ninya-wi chike ri iwati't-imama'.

Ez 20:5

Y tabij chike chi toq yin xencha' ri ite-itata', xinjikiba-nutzij kik'in y xink'ut k'a wi' chikiwech rije' ri chiri' pan Egipto. Kan xinya' k'a nutzij y xinbij k'a chike chi ja yin Jehová ri in ki-Dios.

Ez 36:7

Roma ri' yin Jehová ninya' k'a nutzij chi rije' kan xkek'ixbitej k'a.

Ez 47:14

Yin xinya' nutzij richin xinya' re ruwach'ulew re' chike ri iwati't-imama' y roma ri' kan xtich'er k'a junan chiwech richin xtiwichinaj.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Hechos 14:15

¿Achike roma toq rix niben kere'? Roj oj winaqi' achi'el rix, y oj peteneq iwik'in richin noqabij chiwe chi timestaj kan re na'oj ke taq re', ri xa man jun utz nuk'en-pe chiwe, y tinimaj k'a ri k'aslik Dios ri banayon ri kaj y ri ek'o chupan, ri banayon re ruwach'ulew y ri ek'o chuwech, ri banayon ri palou y ri ek'o chupan.

Hechos 17:23

Roma toq yin xiq'ax ri akuchi niya-wi kiq'ij konojel i-dios, xintz'et k'a jun porobel ri akuchi nubij-wi: Richin ri Dios ri man qetaman ta ruwech, nicha'. Ja Dios k'a ri man iwetaman ta ruwech, y kan niya' ruq'ij rix, jari' ri ninq'alajirisaj yin chiwech re wakami.

Romanos 1:20

Ri Dios man tz'etel ta. Jak'a ri ruwach'ulew y ri ch'aqa' chik ri xeruben, ri' e tz'etel, y jari' ri yeq'alajirisan ri Dios chikiwech. Kan pa rutikeribel-pe re ruwach'ulew kiq'alajirisan-pe chi k'o jun Dios y k'o ruchuq'a' ri man k'isel ta. Roma ri' ri winaqi' ri' kan man xketikir ta xtikibij chi rije' man ketaman ta chi k'o jun Dios.

Deut 32:40

Rija' xtuyek k'a ri ruq'a' richin nujikiba' ri nubij, y xtubij k'a: Xaxe k'a yin ri in qitzij Dios ri tibe-q'ij tibe-seq.

Hebreos 6:13

Ri ojer kan, toq ri Dios xubij chire ri Abraham chi xtuya' ri rutzil chire, kan pa rubi-qa rija' xuya-wi rutzij chi qitzij xtuya' ri xusuj chire, roma man jun ri más ta nim chuwech ri rubi' rija' richin ninatex.

Apocalipsis 1:18

Ja yin ri kan in k'es, kan xiken na wi jak'a re wakami k'o nuk'aslen richin tibe-q'ij tibe-seq. Y k'o chuqa' q'atbel-tzij pa nuq'a' pa ruwi' ri kamik y pa ruwi' ri akuchi ek'o-wi ri kaminaqi'.

Apocalipsis 10:2

Ri pa ruq'a' ruk'uan jun ti wuj ri jaqel. K'ari' xuya-qa ri raqen ri k'o pa rijkiq'a' pa ruwi' ri palou, y ri jun chik raqen xuya-qa pa ruwi' ri ruwach'ulew.

Apocalipsis 14:7

Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.

Apocalipsis 16:17

Y kan jari' k'a toq ri ruwuq ángel xuq'ej pa kaq'iq' ri ruk'uan chupan ri qumbel, y xinwak'axaj k'a chi k'o nich'on-pe ri akuchi k'o-wi ri rutz'uyubal ri Dios ri chiri' pa rachoch. Y kan rik'in k'a ruchuq'a' nubij-pe: Jare' xk'achoj yan, xcha'.

Apocalipsis 4:11

Qajaw Dios, kan ruk'amon k'a chi nak'ul aq'ij-ak'ojlen y ronojel uchuq'a'. Kan ja rat k'a xabanon ronojel ri k'o y xe'ak'iytisaj, roma kan jari' ri arayibel, yecha'.

Apocalipsis 4:9

Y ronojel k'a mul toq ri e kaji' ri k'o k'iy runaq' taq kiwech, nikiya' ruq'ij-ruk'ojlen y yematioxin chire ri tz'uyul chiri', ri kan k'es tibe-q'ij tibe-seq,