Apocalipsis 10:3 - Kaqchiquel Bible

³ Re ángel re', rik'in k'a ronojel ruchuq'a' xch'on, kan achi'el toq niq'ajan jun koj. Y toq ch'owineq chik qa, chuqa' ek'o wuqu' achi'el koqolajay ri xech'on-pe chire.

Tuilleadh tionndaidhean

Kaqchikel Santo Domingo (Xenacoj)

³ Y kaw xsikꞌin pe, achel ruchꞌabꞌel jun koj. Y atoq xsikꞌin, xechꞌaꞌa pe wuquꞌ rayos y xqꞌajan kichꞌabꞌel.

Kaqchikel Santa Maria de Jesus

³ Ri ángel reꞌ, altíra cof xchꞌoꞌ, y ri rukul ri xuꞌon, can incheꞌl rukul jun león (coj). Y antok xchꞌoꞌ, icꞌo i-siete (ivukuꞌ) incheꞌl ráya ri xaꞌchꞌo-pa jeꞌ.

Kaqchikel Central Guatemala

³ Re ángel c'a re', riq'uin c'a ronojel ruchuk'a' xch'on, can achi'el tok nik'ajan jun coj. Y tok ch'ovinek chic ka, ec'o c'a vuku' achi'el cokolajay ri xech'on-pe.

Re C'ac'a Testamento pa Kach'abal

³ Re ángel re', jun pa ruchi' xch'o, can ancha'l tak nisiq'uin jun león. Y tak xch'o-yan-ka, jec'o vuku' ancha'l tempestades re xquibam-pa contestar.

Kaqchikel Western Solola

³ Ri ángel c'a ri', can nurek ruchi' tek nich'o, can achi'el tek nurek ruchi' jun coj. Y tek ch'onak chic ka, yec'o c'a wuku' achi'el coklajay ri xebech'o pe.

Apocalipsis 10:3 Iomraidhean Croise

Wuj Richin Bix Chire ri Dios 29:3

Ri ruch'abel ri Jehová kan niq'ajan pa ruwi' ri palou; kan achi'el k'a ruch'abel ri koqolajay, keri' ri ruch'abel ri Dios. Ri ruch'abel ri Jehová kan niq'ajan pa ruwi' ronojel ri nima'q taq ya'.

Wuj Richin Etamabel-Tzij 19:12

Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal; jak'a toq rija' nuben jun utzil, kan ch'u'ul-ch'u'ul y niwalel, achi'el toq niqaqa ri raxq'ab pa ruwi' ri q'ayis.

Wuj Richin ri Isaías 31:4

Ri Jehová k'iytisanel richin ronojel xubij chuwe chi kan xtipe pa ruwi' ri juyu' Sión richin xtorubana' oyowal richin xtuto' ri rutinamit, achi'el nuben jun koj toq rukamisan chik jun karne'l, y kan niq'ajan-pe chirij ri napon-apo rik'in. Y stape' xtikimol-ki' e k'iy yuq'unela' chirij rija', man xtuxibij ta ri', ni man jun chire rija' ri kiraqoj-chi'ij ri yuq'unela'.

Wuj Richin ri Isaías 42:13

Ri Jehová kan xtipe achi'el jun achin ri maneq xibinri'il chuwech, y achi'el jun aj-labal ri kan yakatajineq-pe royowal. Xtisik'in richin xtuchop oyowal, y xkeruch'ek ri e etzelanel richin.

Wuj Richin ri Isaías 5:29

Ri kich'abel ri e etzelanel iwichin kan achi'el k'a toq niq'ajan-pe ri koj. Kan xtisik'in achi'el ri pa ruchi' ri ti alaj koj. Kan xkixkichop k'a rix, achi'el ri koj ri nuqach'ach'ela' k'a rey richin niberuchapa' ri ruq'ijun-pe. K'ari' xkixkik'uaj-el, y man jun xkixkolon kan pa kiq'a'.

Wuj Richin ri Jeremías 25:30

Chuqa' rat Jeremías xtaq'alajirisaj k'a chikij ri winaqi' ri' y xtabij k'a: Ri Jehová, kan xtisik'in k'a pe ri chila' pa jotol, xtisik'in k'a ri akuchi k'o-wi. Kan rik'in royowal xtich'on chikij ri ruwinaq, kan xtureq k'a ruchi' chikij ri ch'aqa' chik winaqi' achi'el nikiben ri achi'a' toq nikipitz' ri uva.

Ez 10:5

Ri kixik' ri querubín kan niq'ajan y kan nak'axatej k'a ri jun chik ruwa-jay. Y nawak'axaj chi kan achi'el ja ta ri Jehová nich'on-pe.

Os 11:10

Rix aj-Israel kan xtitzeqelibej k'a ri Jehová. Rija' kan xtiwajin k'a achi'el nuben jun koj, xtiwajin y ri alk'ualaxela' kan xkek'ark'ot k'a. Xkepe chuwech y xke'el-pe pa qajbel-q'ij.

Joel 3:16

Jari' toq yin xtinreq nuchi' pa juyu' Sión, xkich'on kan achi'el koqolajay pa Jerusalem. Ri kaj y ri ruwach'ulew kan xkek'ark'ot k'a, jak'a yin kan xkento' ri nutinamit Israel.

Am 1:2

Ri Jehová nisik'in pa ruwi' ri juyu' Sión; kan nak'axatej-el k'a pa Jerusalem achi'el niq'ajan ri koqolajay. Ri soq'olbel kan nichaqi'j-qa; keri' chuqa' nichaqi'j-qa ri ruwi' ri juyu' Carmelo.

Am 3:8

Toq ri koj niwuyin, konojel ri winaqi' nikixibij-ki'. Y toq yin yich'on, ri q'alajirisey nuch'abel k'o chi nubij ri xinbij chire.

Apocalipsis 14:2

Y jari' toq xinwak'axaj chi k'o jun bix ri niban-pe chikaj y ri rubanik kan achi'el k'a toq janila yewajin k'iy raqen-ya', achi'el toq niwulul jun nimalej koqolajay, o kan achi'el toq nawak'axaj chi yeq'ojomex janila k'iy arpa.

Apocalipsis 15:1

Chirij ri' xintz'et chik jun nimalej y meyel banobel. Xintz'et k'a chi ri chikaj ek'o chik wuqu' ángel ri jachon jujun ruk'ayewal pa kiq'a' richin chi yebekiya-pe toq xtapon ri q'ij chi ri Dios nuk'ut ri royowal pa kiwi' ri winaqi'. Y jari' ri ruk'isibel taq ruk'ayewal ri nuya' ri Dios pa ruwi' ri ruwach'ulew.

Apocalipsis 15:7

Y kan jari' k'a toq jun chike ri e kaji' ri k'o kik'aslen xuyala' k'a el jujun qumbel pa kiq'a' chikijujunal ri wuqu' ángel. Ri qumbel ri' e banon rik'in q'anapueq. Y chupan ri' ebeneq-wi ronojel ruwech ri ruk'ayewal ri nuya' ri Dios ri kan jantape' k'es.

Apocalipsis 4:5

Jak'a ri pa nik'aj akuchi k'o-wi ri nabey tz'uyubel, yebek'ulun k'a pe koyopa', koqolajay y ch'abel. Y ri chuwech-apo yek'at wuqu' antorcha ri nuk'exewachuj ri wuqu' espíritu richin ri Dios.

Apocalipsis 8:5

Chirij ri' ri ángel xberuk'ama-pe ri porobel-pom y xunojisaj chi racheq-q'aq' ri k'o pa ruwi' ri porobel, k'ari' xuk'eq ri q'aq' ri pa ruwi' ri ruwach'ulew. Y jari' toq xepe koqolajay, koyopa' y silonel.