Apocalipsis 10:2 - Kaqchiquel Bible

² Ri pa ruq'a' ruk'uan jun ti wuj ri jaqel. K'ari' xuya-qa ri raqen ri k'o pa rijkiq'a' pa ruwi' ri palou, y ri jun chik raqen xuya-qa pa ruwi' ri ruwach'ulew.

Tuilleadh tionndaidhean

Kaqchikel Santo Domingo (Xenacoj)

² Pa ruqꞌaꞌ rukꞌuan jun chꞌuti bꞌoton wuj jaqel, y ri rikiqꞌaꞌ raqen xuyaꞌ pariꞌ ri mar, y ri ruxakan raqen pariꞌ ri rochꞌulew.

Kaqchikel Santa Maria de Jesus

² Y pa rukꞌaꞌ rucꞌuan jun chꞌiti libro jakal. Xuyaꞌ ri rakan derecha paroꞌ ri mar, y ri izquierda xuyaꞌ paroꞌ ri ulief.

Kaqchikel Central Guatemala

² Y ri pa ruk'a' ruc'uan c'a jun co'ol vuj, y jakel. C'ari' xuya' c'a jun raken pa mar, y ri jun chic xuya' pa ruvi' ri ruvach'ulef. Jac'a ri rajquik'a' ri xuya' pa mar y ri rajxocon (izquierda) xuya' pa ruvi' ri ruvach'ulef.

Re C'ac'a Testamento pa Kach'abal

² Y ruc'uan jun ch'et libro co'ol-oc, y re ch'et libro re' jakal. C'are' xuya' jun rakan pa rue' re mar, y re jun chic xuya' pa rue' re ruch'ulef. Jac'a re rakan re c'o pa rajquik'a' re xuya' pa rue' re mar y re rakan re c'o pa ruxocon xuya' pa rue' re ruch'ulef.

Kaqchikel Western Solola

² Y c'o jun ti libro jakel ruc'uan pa ruk'a'. C'ac'ari' ri raken ri c'o pa rajquik'a' xuya' pa ruwi' ri mar, y ri raken ri c'o pa rajxocon xuya' pa ruwi' ri ruwach'ulef.

Apocalipsis 10:2 Iomraidhean Croise

Wuj Richin Bix Chire ri Dios 2:8

Tak'utuj k'a chuwe, y yin xtinya' chawe ronojel ruwach'ulew richin xtawichinaj. Kan chijun k'a ri ruwach'ulew xtok awichin.

Wuj Richin Bix Chire ri Dios 65:5

Kan nak'uluba' k'a pe ri qach'abel rik'in meyel taq banobel y pa ruchojmilal, ja rat nimalej Dios ri at qakolotajik, awik'in k'a rat kikuquban-wi kik'u'x konojel ri winaqi' richin chijun ri ruwach'ulew, konojel ri ek'o chuchi' taq palou ri k'a janila nej ek'o-wi.

Wuj Richin ri Isaías 59:19

Pa kiwi' konojel ri ek'o nej xtapon-wi ri rutojbalil: Nitiker-pe pa relebel-q'ij y napon k'a pa qajbel-q'ij, richin tiketamaj konojel winaqi' chi ri Jehová kan k'o-wi ruq'ij-ruk'ojlen. Roma rija' xtipe kan rik'in uchuq'a', kan achi'el nibiyin jun nimalej raqen-ya' ri nimon-pe rik'in jun nimalej kaq'iq' richin ri Jehová.

San Mateo 28:18

Ri Jesús kan xjel k'a apo kik'in richin nitzijon, y xubij: Ronojel kan pa nuq'a' k'a yin jachon-wi, kan keri' chila' chikaj y keri' chuqa' wawe' chuwech re ruwach'ulew.

Apocalipsis 10:5

K'ari' xintz'et chi ri ángel ri ruya'on jun raqen chupan ri palou y chuqa' ri pa ruwi' ri ruwach'ulew, xutzeqej ri rijkiq'a' chikaj,

Apocalipsis 6:1

Y jari' k'a toq xintz'et chi ri Karne'l xrelesaj ri nabey sello chirij ri boton wuj. Y xch'on k'a jun chike ri kaji' ri k'o kik'aslen. Ri ruch'abel kan achi'el ri koqolajay niq'ajan y xubij: ¡Katanpe!, xcha'.

Apocalipsis 6:3

Toq ri Karne'l xrelesaj ri ruka'n sello richin ri boton wuj, xinwak'axaj k'a chi xch'on ri ruka'n chike ri e kaji' ri k'o k'ik'aslen y xubij: ¡Katanpe!, xcha'.