Apocalipsis 10:1 - Kaqchiquel Bible

¹ Yin xintz'et chik k'a chi chila' chikaj chupan jun sutz' peteneq jun ángel, ri kan k'o uchuq'a' pa ruq'a' ri pa rujolon k'o jun kotoq'a', ri rupalej achi'el ri q'ij, y ri raqen achi'el ruxaq q'aq'.

Tuilleadh tionndaidhean

Kaqchikel Santo Domingo (Xenacoj)

¹ Y xintzꞌet chik jun ángel santienta ruchuqꞌaꞌ bꞌaneq qa chochꞌulew pa jun nube, y jun kotoqꞌaꞌ, pariꞌ ri rujolon. Ri ruwech ri ángel riꞌ achel ri qꞌij nditzuꞌun y ri raqen achel ruxaq teq qꞌaqꞌ.

Kaqchikel Santa Maria de Jesus

¹ Y xintzꞌat jun chic ángel ri cꞌo altíra ruchukꞌaꞌ nika-pa chicaj. Cꞌo-pa chupan jun mukul, y cꞌo jun xocokꞌaꞌ (arco iris) pa rujaluon. Xintzꞌat jeꞌ chi ri rupalaj can incheꞌl ri kꞌij. Y ri rakan incheꞌl ruxak-kꞌakꞌ.

Kaqchikel Central Guatemala

¹ Y jari' tok yin xintz'et chic c'a jun ángel, ri can c'o-vi uchuk'a' pa ruk'a' y ruchapon c'a pe rukajen ri chicaj tok xintz'et. C'o-pe pa jun sutz', y c'o jun arco iris ri pa ruvi'. Xintz'et c'a chuka' chi ri ángel ri' can achi'el c'a nitzu'un ri k'ij. Y ri raken achi'el ruxak tak k'ak'.

Re C'ac'a Testamento pa Kach'abal

¹ Y yen xintz'at chic jun ángel, re c'o poder pa ruk'a' y nika-pa chila' chicaj, y can pison rij roma jun nube, y c'o jun arco iris pa rue'. Xintz'at chuka' che re ángel re' can ancha'l nitzu'un re k'ij. Y re rakan ancha'l rurep-k'ak'.

Kaqchikel Western Solola

¹ Y yac'ari' tek riyin xintz'et chic c'a jun ángel, ri can c'o ruchuk'a' y ruchapon c'a pe rukajen chicaj tek xintz'et. C'o pa jun sutz', y c'o jun xcok'a' pa ruwi'. Xintz'et c'a chuka' chi ri rupalej ri ángel ri' can achi'el c'a nitzu'un ri k'ij. Y ri raken achi'el ruxak tak k'ak'.

Apocalipsis 10:1 Iomraidhean Croise

Wuj Richin Bix Chire ri Dios 104:3

Kan xajikiba' ri ruwi' ri awachoch pa ruwi' ri sutz'.*f99* Ri sutz' xe'ok achi'el jun carruaje uk'uey awichin. Rat kan yabiyin pa ruwi' ri kaq'iq'.

Wuj Richin Bix Chire ri Dios 97:2

Ri sutz' y ri q'equ'm kan kisutin k'a rij rija'. Ri q'atoj-tzij y ri ruchojmilal kan jari' ri ruxe' ri rajawaren.

Ex 16:10

Y ri Aarón kan xubij k'a chike ri kiwinaq chi kepe konojel, y ketzu'un k'a apo akuchi k'o-wi ri tz'iran ruwach'ulew y jari' toq ri ruk'ojlen ri Jehová xbek'ulun-pe chupan ri sutz' ri'.

Wuj Richin ri Nimalej Bix 5:15

Ri raqen kan k'o janila kuchuq'a' achi'el ri pilar ri e banon rik'in mármol, ri ek'o pa ruwi' ri ch'okolibel ri e banon rik'in q'anapueq. Ri rupalen kan achi'el rujotolen ri juyu' Líbano, kan nim rupalen achi'el rujotolen jun tiox-che'.

Wuj Richin ri Isaías 19:1

Ri Dios xuteq-pe rutzijol ri xtibebanatej pa ruwi' ri ruwach'ulew Egipto, y jare' k'a: Titz'eta' chi ri Jehová peteneq pa jun sutz', ri anineq peteneq pa ruwach'ulew Egipto. Y konojel k'a ri kiwachibel ri ch'aqa' chik dios kan xkebaybot chuwech. Chuqa' ri winaqi' ri ek'o chiri' kan xtimayamo-qa ri kánima.

Wuj Richin ri Isaías 54:9

Kan xinjikiba' k'a nutzij chiwech, achi'el xinjikiba' nutzij chuwech ri ánima Noé. Xinjikiba' chi ri ya' ri xmuqun ri ruwach'ulew chupan ri q'ij ri', kan man jun bey chik xtibanatej keri'. Y re wakami xinjikiba' nutzij iwik'in chi man jun bey chik xtipe woyowal chiwe, ni man jun bey chik xkixinch'olij.

Wuj Richin ri K'uxla'anik 3:44

Xapis k'a awi' chupan jun sutz' richin chi man xapon ta q'anej ri qach'owen awik'in.

Ez 1:28

kan achi'el k'a ri kotoq'a' ri niq'alajin chupan ri sutz' pa ruq'ijul job. Keri' toq ri Jehová xuk'ut ri ruk'ojlemal chinuwech y xaxe k'a toq xintz'et ronojel re' kixukuk xiqaqa k'a pan ulew. Y k'ari' xinwak'axaj toq rija' xch'on-pe wik'in.

Dn 10:6

Ri rutz'umal kan nich'ich'an, y ri rupalej kan nisaqirisan achi'el nisaqirisan ri koyopa'. Y ri pa taq runaq'-ruwech achi'el xa ta ruxaq-q'aq'. Y ri e ruq'a-raqen achi'el ri q'enq'oj-pueq ri jebel josq'in nitzu'un, y ri ruch'abel kan achi'el kich'abel e k'iy winaqi'.

Dn 7:13

Yin kan k'a nutzuliben na ronojel ri xk'utumej chinuwech, y chaq k'ate' k'a xintz'et jun chik banobel. Xintz'et k'a chi chupan ri sutz' chila' chikaj, peteneq k'a jun ri xo'alex achi'el jun wineq rubanik. Y xkiben chire richin xjel-apo chuwech ri k'aslik Dios.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

San Mateo 17:2

Chiri' ri Jesús xjalatej k'a ruwech chikiwech ri e oxi' rutijoxela'. Xok k'a achi'el nitzu'un ri q'ij toq jebel niyik'lun. Y ri rutziaq kan xok achi'el ri saqil.

San Lucas 21:27

Jari' k'a toq xkinkitz'et chik yin ri xiqaqa-pe achi'el wineq chi'ikojol, chi yiqaqa-pe pa sutz', rik'in chik nimalej uchuq'a' y nuq'ij-nuk'ojlen.

Hechos 26:13

Jak'a ri pa nik'aj-q'ij toq nuchapon-el bey, xintz'et jun saqil ri peteneq chila' chikaj, ri más ruchuq'a' ke chuwech ri q'ij, ri xqaqa-pe pa nuwi' yin y pa kiwi' chuqa' ri wachibil.

Apocalipsis 1:7

Roma ri Cristo kan xtipe na wi pa sutz' y qonojel xqojtz'eton richin, chuqa' ri winaqi' ri xeya'on richin pa kamik kan xtikitz'et. Kan konojel winaqi' ri ek'o chijun ruwach'ulew xke'oq' toq xtikitz'et rija'. Ja', kan keri' wi xtibanatej.

Apocalipsis 18:1

Chirij ri' xintz'et chik jun ángel ri ruchapon-pe qajen ri chikaj y kan rik'in uchuq'a' peteneq. Y roma kan niyik'lun, xusaqirisaj ri ruwach'ulew.

Apocalipsis 18:21

Y jari' k'a toq jun ángel ri kan janila ruchuq'a', xberuli'ej-pe jun nimalej abej richin nuke'ej trigo. K'ari' ri ángel ri' rik'in ronojel ruchuq'a' xuk'eq ri abej ri' chupan ri palou, y xubij: Kere' xtiban chire ri Babilonia richin chi tik'is jumul. Ri tinamit ri' man xtitz'etetej ta chik.

Apocalipsis 20:1

K'ari' xintz'et chik jun ángel ri ruchapon-pe ruqajen ri chikaj y ruk'amon-pe pa ruq'a' ri llave richin ri nimalej siwan ri ruyon q'equ'm rupan y jun nimalej cadena.

Apocalipsis 4:3

Y ri rubanik ri tz'uyul chupan ri tz'uyubel ri' kan niyok'olin nitzu'un, achi'el ri abej jaspe y ri cornalina. Ri tz'uyubel ri' sutin-rij roma jun kotoq'a' re' rex-rex nitzu'un, achi'el ri abej esmeralda.

Apocalipsis 5:2

Y kan jari' xintz'et jun ángel ri janila ruchuq'a' y nisik'in nubij: ¿K'o kami jun ri kan ruk'amon richin nrelesaj ri wuqu' tz'apebel richin ri wuj y nujeq?, xcha'.

Apocalipsis 8:13

Jari' toq xintz'et y xinwak'axaj chi tiropop beneq jun kot pa kaq'iq' y janila nej jotol chikaj y rik'in k'a ronojel ruchuq'a' xubij oxi' mul: Kan toq'ex k'a kiwech ri winaqi' ri ek'o chuwech ri ruwach'ulew toq xkeq'ajan-pe ri oxi' chik trompeta ri yexupux koma ri ángel, nicha'.