Apocalipsis 1:16 - Kaqchiquel Bible

¹⁶ Ri pa rijkiq'a' e ruk'uan wuqu' ch'umila', ri pa ruchi' nik'ulun-pe jun espada ri k'o ka'i' rey, y ri nitzu'un, achi'el ri q'ij toq janila ruchuq'a'.

Tuilleadh tionndaidhean

Kaqchikel Santo Domingo (Xenacoj)

¹⁶ Pa rikiqꞌaꞌ ruqꞌaꞌ kꞌo wuquꞌ chꞌumil, y pa ruchiꞌ ndel pe jun espada chꞌut rutzaꞌ ri kaꞌiꞌ apeꞌ kꞌo rey, y ri ruwech ndiyikꞌan achel ri qꞌij atoq tzꞌan ruchuqꞌaꞌ.

Kaqchikel Santa Maria de Jesus

¹⁶ Y pa rukꞌaꞌ derecha rucꞌuan siete (vukuꞌ) estrellas (chꞌumil) y pa ruchiꞌ ntiel-pa jun espada simaꞌj rutzaꞌn ri caꞌyeꞌ lado cꞌo roray. Y ri rutzubꞌal, can incheꞌl ri kꞌij antok altíra rukꞌakꞌal.

Kaqchikel Central Guatemala

¹⁶ Y ri pa rajquik'a' e ruc'uan vuku' achi'el ch'umila'. Jac'a ri pa ruchi' nic'ulun-pe jun achi'el machet y chi ca'i' lados c'o-vi rey. Y ri nitzu'un, achi'el ri k'ij tok janíla ruchuk'a'.

Re C'ac'a Testamento pa Kach'abal

¹⁶ Y re pa rajquik'a' ruc'uan vuku' ancha'l ch'umil. Jac'a re pa ruchi' ndel-pa jun espada can es rutza'n y che ca'e' lado c'o-va ray. Y re rupalaj ancha'l re k'ij tak camas ruchuk'a' nuban.

Kaqchikel Western Solola

¹⁶ Y ri pa rajquik'a' ye ruc'uan wuku' achi'el ch'umila'. Y ri pa ruchi' ntel pe jun achi'el espada ch'ut rutza'n y pa ca'i' c'o wi rey. Y ri nitzu'un can jani' niperek'un (nirapak'un) achi'el ri k'ij tek c'o más ruchuk'a'.

Apocalipsis 1:16 Iomraidhean Croise

Wuj Richin ri Achin Job 38:7

Y rokik yin yinajin chubanik ri samaj ri', ri ch'umila' ri e q'alaj nimaq'a' yebixan k'a, y keri' chuqa' konojel ri ángel ri ek'o wik'in, kan yekikot k'a janila.

Wuj Richin Bix Chire ri Dios 45:3

Taya' k'a ri a-espada chuxe' ri apan, rat nimalej ch'akonel, rik'in ri nimalej aq'ij y ak'ojlen.

Wuj Richin ri Nimalej Bix 6:10

Rat kan at jebel ok achi'el ri kaj toq niseqer-pe. Kan janila at jebel ok achi'el ri ik', y yayik'lun achi'el ri q'ij. Rat kan at jebejoj ok achi'el ri ch'umila'.

Wuj Richin ri Isaías 11:4

Xtuq'et k'a tzij pa ruchojmilal pa kiwi' ri man jun k'o kik'in, chuqa' kan pa ruchojmilal xtuq'et-tzij pa kiwi' ri man kinimirisan ta ki'. Ronojel ri xtubij, jari' ri xtibanatej chupan chijun ruwach'ulew, Y rija' kan xkerukamisaj k'a konojel ri e banoy taq etzelal.

Wuj Richin ri Isaías 24:23

Ri q'ij y ri ik' man xkesaqirisan ta chik, achi'el xa ta tz'apel ri kipalej roma k'ixbilal. Jak'a ri Jehová k'iytisanel richin ronojel xtik'oje' pa juyu' Sión, y ri chiri' pa Jerusalem xtiq'aton-wi-tzij. Y kan xtiq'alajin ri ruq'ij-ruk'ojlen chikiwech ri aj-raqen ri ek'o chiri'.

Wuj Richin ri Isaías 49:2

Ri Dios xuben chi ri qach'abel xok pa taq kánima ri ye'ak'axan, achi'el jun espada ri kan janila rey ri nikamisan, y achi'el jun ch'ab ri janila ch'ut rutza'n. Kan xojrewaj chuxe' ri ruq'a', y kan xojruchajij.

Dn 12:3

Ri winaqi' ri e etamanela' ri xkeyuqen kichin ri winaqi' ri yebanon pa ruchojmilal xtikik'ul janila ruwaq'ijaj; y ri utzilej kitzijol kan xtitalutej chuwech chijun ruwach'ulew y chikaj.

Dn 8:10

Kan janila k'a xnimer re jun uk'a' re' y kan xeberuq'i' ronojel ri ek'o chikaj; y xeruqasaj k'a pe juba' chire ri ch'umila' k'a pan ulew y xerupalibej.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

San Mateo 17:2

Chiri' ri Jesús xjalatej k'a ruwech chikiwech ri e oxi' rutijoxela'. Xok k'a achi'el nitzu'un ri q'ij toq jebel niyik'lun. Y ri rutziaq kan xok achi'el ri saqil.

Hechos 26:13

Jak'a ri pa nik'aj-q'ij toq nuchapon-el bey, xintz'et jun saqil ri peteneq chila' chikaj, ri más ruchuq'a' ke chuwech ri q'ij, ri xqaqa-pe pa nuwi' yin y pa kiwi' chuqa' ri wachibil.

Efesios 6:17

Kan tikusaj k'a ri ikolotajik achi'el jun rutobal ijolon. Y ri ruch'abel ri Dios, tibana' chire chi achi'el jun espada, ri xya'ox chiwe roma ri Loq'olej Espíritu.*f8*

Hebreos 4:12

Roma ri ruch'abel ri Dios kan k'o-wi ruk'aslen, y k'o samaj nuben. Kan más rey ke chuwech ronojel espada ri k'o ka'i' rey. Roma ri ch'abel ri' nitikir napon k'a pa taq qánima, y nuq'alajirisaj-pe ri niqach'ob y ri rayibel, y napon k'a chupan ri baq y ri akuchi e tunul wi ri baq.

Apocalipsis 1:20

Wakami xtinq'alajirisaj ri man q'alajirisan ta pe pa nabey. Ri wuqu' ch'umila' ri xatz'et pa wijkiq'a' nel chi tzij ri e wuqu' ángel ri yechajin kichin ri wuqu' molaj nimanela'. Y ri wuqu' kandelero ri e banon rik'in q'anapueq, nel chi tzij ri wuqu' molaj nimanela'.

Apocalipsis 10:1

Yin xintz'et chik k'a chi chila' chikaj chupan jun sutz' peteneq jun ángel, ri kan k'o uchuq'a' pa ruq'a' ri pa rujolon k'o jun kotoq'a', ri rupalej achi'el ri q'ij, y ri raqen achi'el ruxaq q'aq'.

Apocalipsis 12:1

K'ari' xintz'et chi ri chikaj xbeq'alajin-pe jun nimalej retal; xintz'et k'a jun ixoq ri rupison ri' chupan ri q'ij achi'el xa ta jari' ri rutziaq. Ri ik' k'o qa chuxe' ri raqen y pa rujolon k'o jun corona ri ek'o kablajuj ch'umila' chuwech.

Apocalipsis 19:15

Y ri pa ruchi' nik'ulun k'a pe jun achi'el espada ri janila rey. Y kan rik'in ri' xkeruch'ek ri winaqi' ri ek'o pa taq ruwach'ulew. Y kan ja rija' ri xtiq'aton-tzij rik'in ronojel uchuq'a' pa kiwi'. Kan nuq'alajirisaj ri nimalej royowal ri Dios achi'el toq niyitz' ri uva chupan ri yitz'bel.

Apocalipsis 19:21

Jak'a ri ch'aqa' chik ri e beneq kik'in xekamisex konojel. Xekamisex rik'in ri jun achi'el espada ri nik'ulun-pe pa ruchi' ri ch'okol chirij ri seq rij kiej. Y ri kich'akul konojel ri xekamisex, kan ja ri aj-xik' taq chikopi' ri xetijo. Kan xkinojisaj k'a kipan rik'in ri ti'ij ri'.

Apocalipsis 2:1

K'ari' xubij chuwe: Tatz'ibaj k'a el chire ri ángel kichin ri molaj nimanela' ri chiri' pan Éfeso y tabij-el chire, chi ri jun ri ek'o ri wuqu' achi'el ch'umila' pa rijkiq'a', ri nibiyaj chikikojol ri wuqu' kandelero ri e banon rik'in q'anapueq nubij:

Apocalipsis 2:12

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Pérgamo; chi ri uk'uayon ri espada ri k'o ka'i' rey nubij:

Apocalipsis 2:16

Roma ri' titzolej-pe ik'u'x. Roma wi man keri' ta ri xtiben, kan jari' xkinapon y xtinben oyowal kik'in rije' rik'in ri espada ri nel-pe pa nuchi'.

Apocalipsis 3:1

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Sardes y tabij-el; chi ri k'o wuqu' espíritu richin ri Dios y ri wuqu' ch'umila' rik'in kere' nubij: Yin wetaman ronojel ri ibanobal y wetaman chi nibix chiwe chi k'o ik'aslen, jak'a chinuwech yin xa ix kaminaqi'.

Wuj Kichin ri To'onela' 3:16

Y ri Ehud xuk'uaj k'a el jun ru-espada ri k'o ka'i' rey ri ka'i' q'a'aj rik'in nik'aj raqen y xuju' k'a el pa rutziaq pa rijkiq'a'.

Wuj Kichin ri To'onela' 5:31

Jak'a yin Débora ninbij: Keri' ta k'a xkek'is konojel ri e etzelanel awichin rat Jehová; jak'a ri ye'ajowan awichin, kan ta xkeyok'olin achi'el ri q'ij toq nik'aton, xcha' ri Débora. Chirij ronojel re' xk'oje' uxlanen chupan ri kiruwach'ulew, kawineq juna'.