Am 8:9 - Kaqchiquel Bible

⁹ Ri Jehová ri k'o pa ruwi' ronojel kere' nubij: Chupan ri q'ij ri' xtinben chi niq'equmer ri q'ij chupan ri nik'aj-q'ij; Toq nik'aton ri q'ij, jari' toq xtinben chi niq'equmatej chijun ri ruwach'ulew.

Am 8:9 Iomraidhean Croise

Wuj Richin ri Achin Job 5:14

Y stape' jebel rubanon ri rusaqil ri q'ij, chikiwech rije' xa q'equ'm; rije' yemaqeq yebiyin ri pa nik'aj-q'ij, achi'el xa ta chi'aq'a'.

Wuj Richin ri Isaías 13:10

Chupan ri q'ij ri', ri q'ij kan maneq ruchuq'a' toq k'ari' nel-pe. Ri ik' man xtisaqirisan ta chik. Y ri ch'umila' kan man xkeyik'lun ta chik.

Wuj Richin ri Jeremías 13:16

Tiya' ruq'ij ri Jehová ri qa-Dios, roma wi man niben ta keri', nuteq-pe jun q'equ'm pan iwi' richin nipajk'ij iwaqen y ri saqil ri iwoyoben rix, rija' xa xtuben q'equ'm chire.

Wuj Richin ri Jeremías 15:9

Y ri teja' ri e k'iy kal kan xtimayamo-qa ri kánima y kan man jun xtik'oje' kan richin nukuquba' kik'u'x. Xkek'ixbitej y xtiqasex kiq'ij. Xkeken toq man jani kiq'ij, achi'el ta ri saqil richin pa nik'aj-q'ij ri xa q'equ'm nuben-qa. Wi k'o ta jun ri nik'ase' kan, kan ninben chire chi nikamisex roma ri etzelanel richin, ja yin Jehová ri yibin.

Ez 32:7

Xkixink'is k'a achi'el toq nichup jun q'aq'. Y chuqa' xtibeq'equmatej ruwech ri kaj richin man yesaqirisan ta ri ch'umila'. Xtintz'apej ruwech ri q'ij rik'in sutz' y chuqa' ri ik' man xtisaqirisan ta chik.

Am 4:13

Ja yin ri xibanon ri juyu'. Yin ri yiya'on-pe ri kaq'iq'. Chuqa' ja yin ri yiq'alajirisan ri nuch'obonik chiwe rix. Ja yin ri yijalo ri paq'ij rik'in ri chaq'a'. Chuqa' ja yin ri yiq'ax pa kiwi' ri nimalej taq juyu'. Y ri nubi' ja ri Jehová ri Dios ri k'o ronojel uchuq'a' wik'in, xcha'.

Am 5:8

Kinikanoj yin ri xibanon kichin ri ch'umila' ri ek'o chuwech ri kaj. Ja yin ri xibanon kichin ri ch'umila' ri nibix Pléyades y Orión chike. Yin ri yijalo ri aq'a' rik'in nimaq'a', y ri paq'ij rik'in ri q'equ'm. Yin ri yimolo-ruchi' ri ya' richin ri palou, richin ninya'aj ri ruwach'ulew chire.

Wuj Richin ri Miqueas 3:6

Rix ri man ix qitzij ta q'alajirisey ruch'abel ri Dios, ri q'ij richin ri isamaj xa nik'is yan, ri q'ij xa xtik'is yan pan iwi' y nipe yan ri q'equ'm. Roma rix xa itz'ukun tzij chuwech ri nutinamit, man jun chik xtik'utumej chiwech. y man xtiwetamaj ta chik achike xtik'uluwachitej.

Wuj Richin ri Zacarías 14:7

Roma ri' toq xtapon ri q'ij ri' xtibanatej ri man jun bey banatajineq, xa kan xaxe ri Dios etamayon ri achike rubanik ri'. Y toq xtapon ri aq'a', man xtiq'equmer ta chik.

San Mateo 24:29

Kan e q'axineq chik k'a ronojel ri tijoj-poqonal ri q'ij ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik. Ri ch'umila' xketzaq k'a el ri akuchi ek'o-wi. Kan ronojel k'a ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

San Mateo 27:45

Toq xnik'ajer pe ri jun q'ij ri', jari' xq'equmer chijun ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

Marcos 15:33

Toq xnik'ajer q'ij, jari' k'a toq xq'equmer ri ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

San Lucas 23:44

Xk'uluwachitej k'a chi pa nik'aj-q'ij la'eq ri', ri ruwach'ulew xq'equmer. Y ri q'equ'm ri' xk'is-el k'a toq xnik'ajer-el ri tiqaq'ij.

Apocalipsis 6:12

Y xintz'et chik k'a chi ri Karne'l xrelesaj ri ruwaq sello richin ri boton wuj y kan jari' xuben jun nimalej silonel. Y ri q'ij man xsaqirisan ta chik y q'eq-q'eq xuben achi'el jun tzieq q'eq'. Ri ik' keq-keq xuben achi'el kik'

Apocalipsis 8:12

Y ri rukaj ángel xuxupuj ri trompeta, y xuq'equmarisaj ri jun chire ri oxi' chire ri q'ij, ri ik' y ri ch'umila'. Keri' ri jun chire ri oxi' ri paq'ij man xseqer ta y ri chaq'a' man xesaqirisan ta ri ik' y ri ch'umila' ri jun chire ri oxi'.