Am 8:4 - Kaqchiquel Bible

⁴ Tiwak'axaj k'a rix winaqi' ri yixtz'ilo kichin ri maneq ok kiq'ij, y xa kan niben chike ri man jun ok k'o kik'in chi yek'oje' kan más pa meba'il.

Am 8:4 Iomraidhean Croise

1 Rey 22:19

Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal richin q'atbel-tzij, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon.

Wuj Richin ri Achin Job 24:4

Rije' kan yekinimila' kan ri e molonel ri ek'o pa taq bey, roma ri' konojel ri winaqi' ri kan man jun k'o kik'in, nikewala-ki' chikiwech.

Wuj Richin Bix Chire ri Dios 10:7

Ri pa ruchi' kan xaxe etzelanik, yoq'onik y q'oloj k'o; ri ruch'abel kan ruyon tz'ukun-tzij y ya'ol q'axo'n.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin Bix Chire ri Dios 14:4

¿Kan maneq ta k'a kina'oj ri yebanon etzelal y kan nikik'is ri rutinamit ri Dios achi'el xa ta ja ri kiway nikitej y kan man nikinataj ta rija'?

Wuj Richin Bix Chire ri Dios 140:12

Jak'a ri e poqonatajineq, yin wetaman chi rat Jehová kan ye'ato'. Y ri yetz'ilox, naq'et tzij pa kiwi' rik'in ruchojmilal.

Wuj Richin Bix Chire ri Dios 56:1

Nu-Dios, tabana' utzil tajoyowaj nuwech, roma kan ek'o winaqi' ri e tzeqelibeyon wichin. Kan chaq jantape' k'a in kitzeqeliben y yinkiya' pa k'ayew.

Wuj Richin Etamabel-Tzij 30:14

Y ek'o sol winaqi' ri kan achi'el espada ri key y kan achi'el jun cuchillo ri cholaj key ri k'o pa xulan; y jare' ri nibanon chi yek'is-el ri meba'i' y ri maneq kuchuq'a' chuwech re ruwach'ulew.

Wuj Richin ri Isaías 1:10

Tiwak'axaj k'a ri nuch'abel rix ri ix tata'al, ri kan ix achi'el chik ri aj-Sodoma. Chuqa' rix ri kan ix achi'el chik ri aj-Gomorra, kan tiwak'axaj k'a ri nupixa'.

Wuj Richin ri Isaías 28:14

Roma ri' kan tiwak'axaj k'a ri ruch'abel ri Jehová, rix aj-raqen pa ruwi' ri tinamit, ri kan inimirisan-iwi'.

Wuj Richin ri Jeremías 28:15

K'ari' ri Jeremías xubij chire ri Hananías: Tawak'axaj k'a. Ri Jehová man at rutaqon ta pe, rat xaben chike ri winaqi' richin ri tinamit richin xkikuquba' kik'u'x rik'in ri ach'abel ri xa man qitzij ta.

Wuj Richin ri Jeremías 5:21

Tiwak'axaj k'a rix ri maneq iwetamabal y ri man jun niq'ax chiwech. K'o runaq' taq iwech y man yixtzu'un ta, k'o ixikin y man yixak'ex ta.

Ez 22:12

Chuqa' jujun chiwe rix yixtoj richin niben jun kamik. Niya' méro pa qajik chike ri iwinaq y kan nik'utuj ral. Y jujun chiwe rix janila k'iy ral ri méro nik'utuj chike ri man e iwinaq ta. Janila k'iy nik'utuj chike ri iwachpochel toq rije' ek'o pa ruk'ayewal. Y pa ruwi' ronojel re' kan xinimestaj kan yin Jehová ri ink'o pa ruwi' ronojel.

Ez 45:10

Tikusaj ri etabel y pajbel ri kan e tz'aqet.

Am 5:11

Rix ye'ixolq'otij ri winaqi' ri man jun k'o kik'in. Y niben chike chi k'o chi nikitoj trigo chiwe. Roma ri' man xkixtikir ta xkixk'oje' chupan ri nimalej iwachoch ri e banon rik'in abej. Stape' itikon-qa jebelej taq uva, man xtiqum ta vino chire.

Am 5:12

Roma yin wetaman jebel ri itzel taq ibanobal kan xik'o yan ruwi'. Ri imak kan janila e nima'q. Ye'itz'ila' ri choj kik'aslen y yixpuaqix. Y rix man niya' ta q'ij chike ri winaqi' ri man jun k'o kik'in richin yech'on kik'in ri to'onela'.

Am 7:16

Roma ri' tawak'axaj k'a ri ruch'abel ri Jehová. Rat Amasías xabij chuwe chi man jun tinq'alajirisaj chirij ri achike xtibek'uluwachitej wawe' pan Israel, ni man jun tinbij chiwij rix.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Wuj Richin ri Miqueas 3:3

K'ari' niq'ej ri kibaqil, y niya' pa jun bojo'y. Y pa ruk'isibel, ye'itej.

Wuj Richin ri Zacarías 5:6

Yin xinbij chire chi man wetaman ta. Y rija' xubij chuwe chi ri' jun chakech ri nikusex richin etabel. Y re' nuk'exewachuj ri itzel kibanobal ri winaqi'.

San Mateo 23:13

¡Toq'ex iwech rix etamanela' chirij ri pixa' y rix fariseo ri xa ka'i' ipalej! Roma xa kan iq'aton kibey ri winaqi' richin man ye'ok ta chupan ri aj-chikajil ajawaren. Kan man utz ta k'a ri ibanon, roma man niya' ta q'ij chike ri winaqi' richin ye'ok, y ni chuqa' rix man yixok ta.

Santiago 5:6

Rix beyoma' niyek ch'a'oj chikij ri winaqi' choj kik'aslen, y rik'in ri' yeken pan iq'a'. Y rije' man jun nikiben richin nikito' ta ki'.