Am 8:3 - Kaqchiquel Bible

³ Chupan ri q'ij ri' ri bix ri nibixex chupan ri rachoch ri ki-dios xa xtok jun bix richin bis. Janila e k'iy winaqi' ri xkeken, y xkepunupuxin kan ri kich'akul chupan ri ruwach'ulew, xcha' ri Jehová.

Am 8:3 Iomraidhean Croise

Wuj Richin Bix Chire ri Dios 39:9

Man nujaqon ta ri nuchi', man jun ch'abel ri nubin, roma rat keri' xaben chuwe.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Wuj Richin ri Jeremías 22:18

Roma ri' kere' nubij ri Jehová pa ruwi' ri rey Joaquim, ruk'ajol ri Josías y kere' nubij: Man jun k'a xtoq'en ri akamik y man jun xtubij ta: ¡Wach'alal yin! ¡Wach'alal yin! Chuqa' kan man xtikibij ta ¡Xk'is ri aq'ij y ri ak'ojlen!

Wuj Richin ri K'uxla'anik 2:10

Ri rijita'q taq achi'a' richin ri tinamit xetz'uye' k'a pa poqolaj, y kan man jun chik k'a nikibij. Xkiya' k'a poqolaj pa kijolon, y xkikusaj qirix taq tzieq. Keri' chuqa' ri xtani' kan xkiqasaj-ki' k'a pan ulew.

Joel 1:11

Kan janila k'a kixbison rix tikonela', tiraqa' ichi' roma bis rix tikoy taq uva; roma ri trigo y ri cebada xa xk'is-el kiwech.

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Joel 1:5

Roma ri', kixyakatej rix q'abarela', y kixoq'. Tiraqa' ichi' roma bis chi'iwonojel ri yixqumu vino, roma ri ruya'al uva kan xelesex-el chiwe.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

Am 5:16

Yin Jehová, Dios ri k'o ronojel uchuq'a' pa nuq'a' kere' ninbij: Chupan ronojel nima'q ruwech bey richin molojri'il xtak'axatej oq'ej. Chuqa' chupan ronojel bey xtak'axatej raqoj-chi'ij richin bis. Xke'oyox chupan ri bis ri winaqi' ri kan ja kisamaj ri'. Y chuqa' xke'apon ri achi'a' ri yesamej pa juyu' richin ye'oq'.

Am 5:23

Tiwelesaj-el chinuwech ri ibix roma xa itzel ninwak'axaj. Y man ninwajo' ta chik ninwak'axaj ruch'abel ri iq'ojom.

Am 6:4

Rix yixwer pa taq jebelej ch'at ri e banon rik'in key tix. Kan jebel yixkotz'e' pa taq ch'aket ri e buyul y nima'q kaqen. Kan jebel yixnimaq'ijun rik'in alaji' karne'l ri jebel e tiojirisan. Kan jebel ye'itijla' ri nima'q taq wákix.

Am 6:5

Ye'itz'ukula' bix achi'el xuben ri ánima David, bix ri xa man jun rejqalen. Y kan yixbixan rik'in arpa.

Am 6:8

Yin Jehová ri in Rajaw richin ronojel, kan nuya'on nutzij; yin Jehová ri k'o ronojel uchuq'a' wik'in ninbij: Kan ninwixowaj ri inimirisanen rix ri ix rijatzul kan ri Jacob. Kan ninwetzelaj ri iwachoch richin tobel. Roma ri' ri itinamit kan xtinjech-el pa ruq'a' ri etzelanel iwichin. Chuqa' xkixinjech-el chi'iwonojel rix winaqi' ri ixk'o chupan ri tinamit. Yin Jehová ri yibin.

Am 8:10

Chuqa' xtinben chi ri nimaq'ij xa xtibe'ok richin oq'ej roma ri kaminaqi', Chuqa' ri bix xaxe chik richin q'axo'n. Xtinben chiwe chi xtikusaj itziaq richin bis y kan xtisokaj-el ri rusumal-iwi' richin retal q'axo'n. Xkixoq' k'a achi'el toq noq'ex jun juney ak'ual toq niken. Y kan ronojel xtik'is rik'in q'axo'n.

Wuj Richin ri Nahum 3:3

Ri achi'a' ri e beneq chirij kiej ri nikiben oyowal. nich'ich'an k'a ri ki-espada y ri kikum. Ri kaminaqi' kan man e ajlatel ta chik; janila k'a e k'iy ri xeken. Ri winaqi' kan xtikipajk'ila' k'a kaqen chikij ri kaminaqi'.

Wuj Richin ri Sofonías 1:7

Kan man jun k'a tiq'ajan chinuwech yin Jehová, roma ri q'ij richin woyowal kan naqaj chik k'o-wi. Yin kan e nuch'aron chik ri winaqi' aj-Judá ri e jampe' xkeken achi'el ri awej ri yeken richin kamelabel; y kan e nuchojmirisan chik ri xkebanon ri eleq' kik'in.