Am 4:2 - Kaqchiquel Bible

² Yin Jehová ninjikiba' nutzij pa nubi' chi xtapon k'a jun q'ij toq xkixuk'uex-el rik'in ch'ich' richin chapbel. Chuqa' ri iwal xke'uk'uex-el rik'in chapbel-ker.

Am 4:2 Iomraidhean Croise

Wuj Richin Bix Chire ri Dios 89:35

Kan xinjikiba' k'a richin q'asen, kan man xtinq'ol ta k'a ri David.

Wuj Richin Bix Chire ri Dios 89:36

Ri rijatzul kan xtiq'aton-tzij richin q'asen. Ri rajawaren kan xtiyaloj k'a achi'el ri q'ij;

Wuj Richin ri Isaías 37:29

Roma xayakatej chuwij, y xanimirisaj-awi', roma ri' re wakami kan xtinya' k'a jun ch'ich' pan atza'n y jun chik ch'ich' pan achi' richin yaruq'et. Rik'in ri' kan xtinben chawe richin yatzolin ri akuchi at peteneq-wi, xcha' ri Dios chire ri Senaquerib.

Wuj Richin ri Jeremías 16:16

Yin Jehová ri yibin. Xkenteq k'a pe e k'iy karunela' richin yekichop-el. Xkenteq-pe e k'iy kanonela' y xkekichop-el ri ek'o pa taq juyu' y pa ruwi' kojol taq juyu' y k'a pa taq jul chire ri nima'q taq abej.

Ez 29:4

Yin kan xtinben k'a chawe chi xtinju' jun chapbel-ti'ij pan akaxtate'*f10* y xtinben k'a chi konojel ker ri ek'o chupan ri raqen-ya' ri' xkentz'araba-el chirij ri asolotal. K'ari' xkatinwelesaj-el chupan ri raqen-ya', junan kik'in ri ker ri'.

Ez 34:16

Xkenkanoj k'a ri e sachineq, xkenwaq'omaj ri e sokotajineq y xkento' ri maneq kuchuq'a'. Kan xkenchajij k'a ri nuwinaq pa ruchojmilal. Jak'a ri k'o kuchuq'a' y e ti'oj kan xkenk'is.

Ez 38:4

Y roma ri' xtinya-el jun chapbel-ti'ij pan akaxtate' richin xkatuk'uex-el xabakuchi. Y k'ari' xkatinwelesaj-el rat y konojel ri awinaq ri yech'oke' chirij kiej y ri achi'a' ri yebe chi kaqen, stape' k'o rutobal ruwa-kik'u'x, ki-espada y jalajoj ruwech kitobal.

Am 6:8

Yin Jehová ri in Rajaw richin ronojel, kan nuya'on nutzij; yin Jehová ri k'o ronojel uchuq'a' wik'in ninbij: Kan ninwixowaj ri inimirisanen rix ri ix rijatzul kan ri Jacob. Kan ninwetzelaj ri iwachoch richin tobel. Roma ri' ri itinamit kan xtinjech-el pa ruq'a' ri etzelanel iwichin. Chuqa' xkixinjech-el chi'iwonojel rix winaqi' ri ixk'o chupan ri tinamit. Yin Jehová ri yibin.

Am 8:7

Ri Jehová, ri qa-Dios roj israelita, xuya' rutzij pa rubi' rija', chi man jun bey xtumestaj ri itzel taq ibanobal ri xe'iben.