3 Juan 1:10 - Kaqchiquel Bible

¹⁰ Roma ri' toq xkinapon iwik'in, xtinbij chire ri yerubanala': Yerubila' tzij chiqij, ri xa man e qitzij ta. Chuqa' man yeruk'ul ta ri qach'alal ri ye'apon chiri' y wi k'o ri nikajo' yek'ulu kichin, yerelesaj-el chikikojol ri molaj qach'alal.

Tuilleadh tionndaidhean

Kaqchikel Santo Domingo (Xenacoj)

¹⁰ Romariꞌ, atoq ngibꞌeqaqa iwikꞌin, nechꞌolij, nebꞌij chare chi ma utz ta ri ndubꞌanalaꞌ. Porque rijaꞌ nduqasaj qaqꞌij rikꞌin ri aqꞌ ndubꞌilaꞌ chiqij, y ma xe ta riꞌ, porque ma ndukꞌen ta apu kiwech ri hermanos ri ngebꞌeqaqa, nixta nduyaꞌ qꞌij chake ri hermanos aj chiriꞌ chi ndikikꞌen apu kiwech. Y ri ngekꞌamo apu kiwech, ngerelesaj e chikikajal ri hermanos ri ndikimal kiꞌ pa rubꞌiꞌ ri Ajaw.

Kaqchikel Santa Maria de Jesus

¹⁰ Rumareꞌ xa xquibꞌaka iviqꞌuin, xtinꞌej chiquivach ri hermanos ri nuꞌon jajaꞌ, ri ncaꞌruꞌej chikij ri xa man i-ketzij ta. Y man joꞌc ta reꞌ ri ncaꞌruꞌon. Man ncaꞌruꞌon ta recibir ri hermanos ri ncaꞌkꞌax riqꞌuin. Y man nuyaꞌ ta jeꞌ lugar chica ri nicꞌaj chic hermanos chi ncaꞌquiꞌan recibir ri ncaꞌbꞌaka quiqꞌuin. Y xa man ncaꞌniman ta cha, ncaꞌralasaj-el chupan ri iglesia.

Kaqchikel Central Guatemala

¹⁰ Roma c'a ri' vi xquinapon iviq'uin, xtinbij chiquivech ri kach'alal ri nuben rija', ri yerubila' chikij y xa man e kitzij ta. Y man xe ta ri' ri yeruben. Chuka' man yeruc'ul ta ri kach'alal ri yek'ax riq'uin. Y man nuya' ta chuka' k'ij chique ri ch'aka' chic kach'alal chi yequic'ul ta ri ye'apon quiq'uin. Y vi man niquinimaj ta rutzij, yerelesaj-el chiquicojol ri kach'alal.

Re C'ac'a Testamento pa Kach'abal

¹⁰ Mare' vo xa xquinapon iviq'uin, xtimbij chiquivach re hermanos re nuban reja', q'uiy cosas ye'rubila' chakij y xa man je katzij-ta. Y man xe-ta re' re ye'ruban. Chuka' man ye'ruc'ul-ta re hermanos re ye'k'ax riq'uin. Y man nuya-ta chuka' k'ij chique re nic'aj chic hermanos che ye'quic'ul-ta re ye'bapon quiq'uin. Y vo xa man niquinimaj-ta rutzij, ye'rulisaj-a chiquicojol re hermanos.

Kaqchikel Western Solola

¹⁰ Rumac'ari' wi xquinapon iwuq'ui, xtinbij c'a chiquiwech ri kach'alal ri nuben riya', chi c'o ri yerubila' chikij y xa ma ye kitzij ta. Y ma xu (xe) ta wi ri' ri yeruben. Chuka' ma yeruc'ul ta ri kach'alal ri yek'ax pe riq'ui. Y ma nuya' ta chuka' k'ij chique ri nic'aj chic kach'alal chi yequic'ul ri ye'apon quiq'ui. Y wi ma niquinimaj ta rutzij, yerelesaj el chiquicojol ri kach'alal.

3 Juan 1:10 Iomraidhean Croise

Wuj Richin Etamabel-Tzij 10:10

Ri wineq ri man nuq'alajirisaj ta ri qitzij, xa jun tz'ukuy richin oyowal; y chuqa' ri wineq ri xa maneq runa'oj ri nich'on, xa yerunim y yerutzeq ri ch'aqa' chik.

Wuj Richin Etamabel-Tzij 10:8

Ri wineq ri kan k'o na'oj rik'in, kan nrak'axaj y nuben k'a ri nibix chire; jak'a ri wineq ri yerubila' tzij ch'obon man ch'obon, nipe ruk'ayewal chirij.

Wuj Richin ri Isaías 66:5

Kan tiwak'axaj ri nuch'abel yin Jehová, rix ri kan iya'on nuq'ij. Kan ek'o iwach'alal ri kan itzel nikina' chiwe, roma rix in itzeqeliben yin. Rije' nikibij chiwe chi yin nink'ut ri nuk'ojlen, y chi rije' nikajo' richin yixkitz'et rik'in kikoten. Man rik'in ri' rije' xkek'ixbitej, nicha' ri Dios.

San Lucas 6:22

Jebel ruwa-iq'ij rix ri yixetzelex koma ri winaqi', yixkelesaj-pe chikikojol, yixyoq', y nibix chiwe chi ix itzel roma ja ri nubi' yin ri iniman, yin ri xiqaqa-pe achi'el wineq chi'ikojol.

San Juan 9:22

Keri' k'a ri xkiq'alajirisaj ri rute-rutata' ri achin ri' chike ri achi'a' ri kan k'o-wi kiq'ij, roma kixibin-ki' chikiwech. Roma rije' kan kelesan chik k'a rutzijol chi xabachike wineq ri xtibin chi ri Jesús jari' ri Cristo, kan noqotex k'a pe chupan ri jay ri nikimol-wi-ki' richin nikak'axaj ruch'abel ri Dios.

Hechos 1:15

Y jun q'ij toq kimolon ki' jun la'eq e 120 qach'alal, ri Pedro xbepa'e-pe chikiwech, y xubij k'a chike:

2 Corintios 13:2

Toq xik'oje' ri chila' iwik'in ri pa ruka'n bey, kan xinbij yan kan chike chi wi k'a ke na ri' nikiben toq xkinapon chik jun bey, kan man xkekolotej ta chuwech ri ruk'ayewal ri xtiqaya' pa kiwi'. Y kan keri' chuqa' ninbij chiwe chi kan man ninkuy ta chik kimak ri k'a yemakun na.

Gálatas 6:10

Y toq niqatz'et xabachike wineq ri k'o nik'atzin chire, kan tiqato' k'a. Jak'a kan nik'atzin chi yeqato' más ri e qach'alal chik.

1 Timoteo 5:13

Xa xtikichop yeq'oran, yebe chi taq jay. Y man xaxe ta chik ri yeq'oran, xa nikichop nikikamulula' tzij, nikijula-apo-ki' xabakuchi y nikibila' tzij ri man e ruk'amon ta.

2 Juan 1:10

Wi k'o jun xtapon chi'iwachoch y man ja ta ri tijonik richin ri Cristo ri ruk'uan-apo chiwe, man k'a tik'ul, ni man tik'utuj rutzil ruwech,

2 Juan 1:12

K'o k'iy ri ninwajo' ninbij chiwe. Jak'a man ninwajo' ta chi xa chupan re wuj re' nintz'ibaj-wi-el. Kan ninrayij chi yinapon na iwik'in richin k'ari' ninbij chiwe, richin keri' kan xqojkikot.

3 Juan 1:3

Y jari' banayon chuwe chi janila kikoten k'o pa wánima, roma ek'o qach'alal ri xetzijon kan chuwe chi kan qitzij awojqan ri ruch'abel ri Dios y kan utz ri k'aslen ak'uan.

3 Juan 1:5

Wach'alal, rat kan yatajin chubanik jun utzilej samaj, roma kan ye'ato' ri qach'alal ri ek'o pan atinamit, y keri' chuqa' ye'ato' ri yepe nej.