2 Juan 1:3 - Kaqchiquel Bible

³ Xtik'oje' chuqa' pa taq iwánima ri utzil, ri joyowanik y ri uxlanen ri peteneq chila' rik'in ri Tata'ixel y rik'in ri qajaw Jesucristo ri Ruk'ajol. Kan xtiqak'ul ta k'a ronojel re', roma ikuquban ik'u'x rik'in ri qitzij y roma niwajo-iwi'.

Tuilleadh tionndaidhean

Kaqchikel Santo Domingo (Xenacoj)

³ Ri Tataꞌaj Dios y ri Jesucristo ri Rukꞌajol ri Tataꞌaj Dios, kin ta xtikiyaꞌ ki-favor pa qawiꞌ, kin ta xtikijoyowaj qawech, y kin ta xtikiyaꞌ uxlanen pa qánima roj ri qakꞌuan qakꞌaslen chupan ri qetzij y ngojojowan.

Kaqchikel Santa Maria de Jesus

³ Ja ta ri favor, ri misericordia y ri paz ri nuyaꞌ ri Katataꞌ Dios y ri Ajaf Jesucristo ri Rucꞌajuol ri Dios, ticꞌujieꞌ riqꞌuin ivánima. Can nojiel reꞌ xtiyoꞌx chiva, ruma iyoꞌn ivánima riqꞌuin ri ketzij y ruma jeꞌ can ntivajo-iviꞌ.

Kaqchikel Central Guatemala

³ Y ri utzil, ri joyovanic y ri uxlanen ri petenek chila' riq'uin ri Dios Tata'ixel y riq'uin chuka' ri Ajaf Jesucristo ri Ruc'ajol ri Dios Tata'ixel, jari' ri xtic'oje' ri pa tak ivánima. Can xtic'ul-vi c'a ronojel re', roma icukuban ic'u'x riq'uin ri kitzij y roma chuka' ri yixajovan.

Re C'ac'a Testamento pa Kach'abal

³ Y can-ta q'uiy utzil xtic'ul chiyixnojel riq'uin re Karta' Dios, y riq'uin chuka' re Ajaf Jesucristo re Ruc'ajol re Karta' Dios, y can-ta xtijoyovax ivach. Y chuka' re ivánma can-ta otz nuna' roma iniman chic. Can xtic'ul-va ronojel re', roma ibanon confiar-ivi' riq'uin re katzij ch'abal y roma chuka' yixjovan.

Kaqchikel Western Solola

³ Y ri utzil, ri joyowanic y ri uxlanibel c'u'x ri nuya' ri Dios Tata'ixel y ri nuya' chuka' ri Ajaf Jesucristo ri Ruc'ajol ri Dios Tata'ixel, yari' ri xtic'oje' ri pa tak iwánima. Can xtic'ul wi c'a ronojel re', ruma icukuban ic'u'x riq'ui ri kitzij y ruma chuka' chi can c'o ajowabel pa tak iwánima.

2 Juan 1:3 Iomraidhean Croise

Wuj Richin ri Zacarías 8:19

Toq rix yixmewayin pa rukaj ik', pa ro', pa ruwuq y pa lajuj ik', kan xtok k'a jun nimaq'ij richin janila kikoten chi'ikojolil rix. Roma ri' k'o chi niwajo-iwi' chiwech-qa rix, y tik'oje' uxlanenri'il chi'ikojol.

Romanos 1:7

Y re wuj re' chiwe rix qach'alal ninben-wi-el. Ri Dios janila yixrajo' y xixroyoj richin xixruch'er chire rija'. Kan ja ta k'a ri utzil y ri uxlanen ri peteneq rik'in ri Qatata' Dios y ri ajaw Jesucristo xtik'oje' pa taq iwánima chi'iwonojel.

Gálatas 5:6

Roma ri' roj ri oj richin chik ri Cristo, man jun nuben chiqe wi yojqupix richin ri retal, o man yojqupix ta. Ri nik'atzin, ja ri qakuqubabel-k'u'x rik'in rija', y rik'in ri' niqak'ut ri ajowabel kik'in ri ch'aqa' chik.

1 Timoteo 1:14

Jak'a ri Dios janila nim rutzil xuya' pa nuwi'. Roma xuben chuwe chi xinkuquba' nuk'u'x rik'in ri Jesucristo y xuya' chuqa' ajowabel pa wánima.

1 Timoteo 1:2

Ninben el re wuj re' chawe rat Timoteo, ri kan at achi'el nuk'ajol, roma kan akuquban ak'u'x rik'in ri Jesucristo. Xtik'oje' ta k'a pan awánima, ri utzil, ri joyowanik y ri uxlanen ri peteneq rik'in ri Qatata' Dios y rik'in ri Cristo Jesús ri qajaw.

2 Timoteo 1:13

Y rat Timoteo, ninbij k'a chawe chi kan tatzeqelibej ri utzilej taq tijonik ri nuya'on chawe pa ruwi' ri kuqubabel-k'u'x y ri ajowabel ri k'o chiqakojol roma ri Cristo Jesús.

1 Juan 4:10

Y rik'in re' xq'alajin ri ajowabel: Chi kan ja ri Dios ri xojajowan-pe nabey, y man ja ta roj. Y roma ri janila rajowabal pa qawi', xuteq k'a pe ri Ruk'ajol richin xken qoma, richin chi nikuyutej ri qamak.

2 Juan 1:1

Yin, ri in taqon roma ri Cristo, ninteq k'a el re wuj re' chawe rat wach'alal ixoq*f1* ri kan at cha'on roma ri Dios, y chuqa' chike ri awal. Yin kan qitzij yixinwajo', y man xaxe ta yin ri yinajowan iwichin, xa kan yixkajo' chuqa' konojel ri ch'aqa' chik ri ketaman chik ri qitzij.