2 Juan 1:1 - Kaqchiquel Bible

¹ Yin, ri in taqon roma ri Cristo, ninteq k'a el re wuj re' chawe rat wach'alal ixoq*f1* ri kan at cha'on roma ri Dios, y chuqa' chike ri awal. Yin kan qitzij yixinwajo', y man xaxe ta yin ri yinajowan iwichin, xa kan yixkajo' chuqa' konojel ri ch'aqa' chik ri ketaman chik ri qitzij.

Tuilleadh tionndaidhean

Kaqchikel Santo Domingo (Xenacoj)

¹ Riyin Juan jun ukꞌuey bꞌey chikiwech ri hermanos, nitzꞌibꞌaj e re wuj reꞌ chiwa rix ri ralkꞌuaꞌl teq ri Dios ri ndimal iwiꞌ pa rubꞌiꞌ, ri rix chaꞌon roma rijaꞌ. Riyin qetzij ngixinwojoꞌ, y ma xe ta riyin, xa kin ngixkajoꞌ chuqaꞌ konojel ri kikꞌoxoman chik ri qetzij.

Kaqchikel Santa Maria de Jesus

¹ Inreꞌ Juan, ri anciano chiquicajol ri hermanos, nitzꞌibꞌaj-el va carta va chava atreꞌ hermana ri at-choꞌn ruma ri Dios, y chica jeꞌ ri aval. Can ketzij nquixvajoꞌ. Y man joꞌc ta inreꞌ ri najoꞌn ivichin, xa can nquixcajoꞌ jeꞌ ri nicꞌaj chic ri cataꞌn chic ri ketzij.

Kaqchikel Central Guatemala

¹ Yin Juan, ri uc'uey quichin ri kach'alal, nintek c'a el re carta re' chave rat vach'alal ri at cha'on roma ri Dios. Nintek c'a el rutzil-quivech ri aval. Can kitzij yixinvajo'. Y man xe ta yin ri yinajovan ivichin, xa can yixcajo' chuka' conojel ri ch'aka' chic ri quetaman chic ri kitzij.

Re C'ac'a Testamento pa Kach'abal

¹ Yen Juan, re ec'uay quichin re hermanos, nintz'ibaj-a re carta re' chava rat hermana re yatcha'on roma re Dios. Nintak-a ruxnokil-quivach re aval. Can katzij yixinjo'. Y man xe-ta yen re yinjovan ivichin, xa can yixquijo' chuka' conojel re nic'aj chic re quitaman chic re katzij ch'abal.

Kaqchikel Western Solola

¹ Riyin ri Juan, yin anciano chiquicojol ri kach'alal, ntz'ibaj c'a el re wuj re' chawe riyit wach'alal ixok ri can yit cha'on ruma ri Dios, y chique chuka' ri awal. Riyin can kitzij chi yixinwajo'. Y ma xu (xe) ta wi riyin ri yinajowan iwuche (iwixin), xa can yixcajo' chuka' quinojel ri nic'aj chic kach'alal ri quetaman chic ri kitzij.

2 Juan 1:1 Iomraidhean Croise

San Lucas 1:3

Yin chuqa' ninwajo' nintz'ibaj chawe ri xbanatej. Roma ri' kan xintej k'a nuq'ij richin xinwetamaj chirij ri rutikeribel. Jari' ri ninwajo' nintzijoj pa rucholajen chawe,

San Juan 8:32

Xtiwetamaj k'a chuqa' achike ri' ri qitzij, y ri' xtuben chiwe chi yixtotej, xcha'.

Hechos 11:30

Kan ja k'a ri Bernabé y ri Saulo ri xekiteq-el richin ja rije' ri xe'uk'uan-el ri janipe' xmolotej-el richin yekito' ri qach'alal nikitej wayjal. Y janipe' k'a ri kik'uan-el ri Bernabé y ri Saulo, xkijech k'a pa kiq'a' ri achi'a' uk'uey kichin ri qach'alal aj pa Judea.

Romanos 16:13

Tiya' rutzil-ruwech ri qach'alal Rufo. Rija' chuqa' cha'on roma ri Dios. Y tiya' chuqa' rutzil-ruwech ri rute', ri kan achi'el chuqa' nte' ninna' yin.

Gálatas 2:14

Y roma k'a ri nikiben xa man ruk'uan ta ri' rik'in ri qitzij ri nubij chupan ri utzilej ch'abel richin kolotajik, chikiwech k'a konojel xinbij chire ri Pedro: Rat kan at judío-wi, jak'a xa man ataqen ta chik ri nubij ri pixa'. ¿Achike roma nawajo' chi ri man e qawinaq ta nikiben achi'el nubij chupan ri pixa'?, xicha' chire.

Gálatas 2:5

Jak'a roj ni xa ta juba' xubij qánima chi xeqanimaj ta; richin keri' ri qitzij rubanikil ri utzilej ch'abel richin kolotajik, jari' ta ri nik'oje' iwik'in.

Gálatas 3:1

Wach'alal aj-Galacia, ¿achike k'a roma man yixch'obon ta? ¿O xa k'o banayon itz chiwij, richin man ninimaj ta ri qitzij, toq xa kan qabin kan chiwe chi ri Jesucristo xken qoma roj?

Gálatas 5:7

Ri pa nabey, kan choj-wi ix beneq. Jak'a re wakami, ¿achike k'a xbanon chiwe chi man niwajo' ta chik ninimaj ri qitzij?

Colosenses 1:5

Keri' niben, roma ri oyobenri'il ri yakon chiwe chila' chikaj. Ri' xiwetamaj toq xiwak'axaj ri qitzij ch'abel ri nich'on chirij ri utzilej ch'abel richin kolotajik.

1 Timoteo 2:4

Rija' nrajo' chi kan ta qonojel niqetamaj ta ri qitzij y yojkolotej.

Hebreos 10:26

Roma ri ketaman chik ri achike rubanik ri qitzij, y man rik'in ri' k'a nikiben chi yemakun stape' ketaman chi man utz ta, wi keri' kan man jun chik k'a xtiken richin yerukol-pe chupan ri kimak.

1 Pedro 1:2

Ri Qatata' Dios xixrucha' k'a rix, y kan ja ri Loq'olej Espíritu ri xch'aron iwichin richin ninimaj rutzij ri Jesucristo, y nich'ajch'ojir ri ik'aslen rik'in ri rukik'el. Ri Dios xtuya' ta k'a janila utzil y uxlanen pan iwi'.

1 Pedro 5:1

Wakami ninwajo' k'a ninbij ka'i-oxi' ch'abel chiwe rix uk'uey kichin ri qach'alal. Yin, jun chuqa' in uk'uey kichin ri qach'alal. Xaxe yin kan xintz'et ri Cristo toq xutej poqon. Y toq xtapon ri q'ij chi xtibeq'alajin ri ruq'ij-ruk'ojlen, yin xkik'oje' rik'in.

1 Pedro 5:13

Y wakami k'a, ri ixk'o chiri' tik'ulu' rutzil-iwech ri nikiteq-el ri qach'alal ri ek'o wawe' pa Babilonia. Rije' chuqa' kan e cha'on-wi roma ri Dios, kan achi'el ri xixrucha' rix ri chiri'. Chuqa' tik'ulu' rutzil-iwech ri nuteq-el ri Marcos, ri achi'el nuk'ajol.

1 Juan 2:21

Ronojel re' nintz'ibaj chiwe, jak'a man roma ta chi man ta iwetaman ri qitzij, man keri' ta. Xa roma iwetaman ri qitzij, y rix iwetaman chi man jun tz'ukun tzij ri peteneq ta rik'in ri qitzij.

1 Juan 3:18

Rix walk'ual, man k'a kixajowan xaxe rik'in ri ich'abel. Xa kan ke'ito' ri ch'aqa' chik. Y rik'in ri' kan xtiq'alajin k'a chi kan qitzij yixajowan.

2 Juan 1:13

Ri e ral ri awach'alal ri janila nawajo'*f2* nikiteq-el rutzil-awech. Kan keri' ta k'a.

2 Juan 1:5

Wach'alal ixoq, wakami nintz'ibaj re jun pixa' re' chawe, y re' man k'ak'a' ta. Xa kan jare' ri chilaben-pe chiqe ri pa rutikeribel. Y ri nubij re pixa' re' ja ri tiqajowala-qi'.

3 Juan 1:1

Yin, ri uk'uey kichin ri qach'alal, ninteq k'a el re wuj re' chawe rat wach'alal Gayo, roma awetaman chi yin kan qitzij yatinwajo'.