1 Juan 4:9 - Kaqchiquel Bible

⁹ Y ri Dios xuk'ut chiqawech chi kan najowan, roma ri' xuteq-pe ri juney Ruk'ajol chuwech re ruwach'ulew richin xuya' k'ak'a' k'aslen chiqe.

Tuilleadh tionndaidhean

Kaqchikel Santo Domingo (Xenacoj)

⁹ Y ri Dios xukꞌut chi santienta ngojrajoꞌ, porque xuteq pe ri junayon Rukꞌajol chochꞌulew, chin keriꞌ roma rijaꞌ kꞌo kꞌakꞌakꞌ qakꞌaslen.

Kaqchikel Santa Maria de Jesus

⁹ Y ri Dios xucꞌut chakavach chi nkojrajoꞌ, ruma mesque jajaꞌ joꞌc jun Rucꞌajuol cꞌo, can xutak-pa choch-ulief chi xuyaꞌ ri cꞌacꞌacꞌ cꞌaslien chika.

Kaqchikel Central Guatemala

⁹ Y ri Dios xuc'ut chikavech chi can najovan, roma xutek-pe ri Ruc'ajol chuvech re ruvach'ulef. Y rija' can xe ri jun Ruc'ajol c'o. Pero ri Dios xutek-pe richin xuya' ri c'ac'a' c'aslen chike.

Re C'ac'a Testamento pa Kach'abal

⁹ Y re Dios xuc'ut chakavach che can nijovan, roma xutak-pa re Ruc'ajol chach re ruch'ulef. Y reja' can xe jun Ruc'ajol c'o. Pero re Dios xutak-pa chin xuya' re c'ac'a c'aslen chaka.

Kaqchikel Western Solola

⁹ Y ri Dios xuc'ut chkawech chi can yojrajo' wi, ruma xutek pe ri Ruc'ajol chuwech re ruwach'ulef. Y ri Dios can xu (xe wi) ri jun Ruc'ajol c'o, pero xutek pe riche (rixin) chi xuya' ri c'ac'ac' c'aslen chake.

1 Juan 4:9 Iomraidhean Croise

Wuj Richin ri Rutikeribel 22:2

Ri Dios xubij chire: Tak'uaj-el la juney ak'ajol Isaac, la janila nawajo' k'a chupan la ruwach'ulew Moria y chiri' xtaporoj-wi richin kamelabel chinuwech yin pa ruwi' ri juyu' akuchi xtinbij chawe, xcha' ri Dios chire.

Wuj Richin Bix Chire ri Dios 2:7

Yin kan xtinya' rutzijol ri ruch'obonik ri Dios. Ri Jehová kere' rubin chuwe: Rat at nuk'ajol y yin in atata'.

Marcos 12:6

Pa ruk'isibel, ri rajaw ri ulew xaxe chik k'a ri ruk'ajol xk'oje' kan rik'in, ri janila nrajo'. Rija' xuteq-pe ri ruk'ajol kik'in ri winaqi' ri' y xubij-qa pa ránima chi xtikinimaj k'a rutzij.

San Lucas 4:18

Ri uchuq'a' richin ri Jehová ri wajaw kan k'o pa nuwi' yin; Kan xiruteq k'a pe richin ninya' utzilej rutzijol chike ri e k'ayewatajineq, richin yetotej ri ek'o pa ximonri'il. Richin nonbij chike chi k'o kolotajik chike rije'. Xitaq-pe richin ninben chike ri moyi' chi yetzu'un y richin yenkol ri winaqi' ri janila nikitej poqon.

San Juan 10:10

Jun eleq'om, toq napon, kan xaxe k'a richin niberubana-pe eleq', nikamisan kan y nuwulaj kan ronojel. Jak'a yin xipe richin nonya' jun utzilej k'aslen richin q'asen chike ri winaqi' ri yinkak'axaj.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

San Juan 3:16

Ri Dios kan janila wi k'a yerajo' konojel ri winaqi', y roma ri' kan xuteq k'a pe ri juney ruk'ajol, richin chi xabachike k'a ri xtukuquba' ruk'u'x rik'in, man k'a xtapon ta chupan ri kamik ri richin jantape', xa kan xtik'oje' k'a ruk'aslen richin q'asen.

San Juan 3:18

Ri wineq ri nukuquba' ruk'u'x rik'in, man xtiqaqa ta ruk'ayewal pa ruwi'. Jak'a ri wineq ri man nukuquba' ta ruk'u'x rik'in, kan xq'at yan tzij pa ruwi' y xtiqaqa ruk'ayewal pa ruwi', roma xa kan man xukuquba' ta ruk'u'x rik'in ri juney ruk'ajol ri Dios.

San Juan 5:23

Richin keri', yin xtink'ul k'a chuqa' nuq'ij achi'el ri nuk'ul ri nata'. Roma achike wineq ri man xtiya'on ta nuq'ij yin ri k'ajolaxel, man nuya' ta k'a chuqa' ruq'ij ri nata', ri taqayon-pe wichin.

San Juan 6:29

Y ri Jesús xubij: Ri niqa' chuwech ri Dios chi niben rix, ja ri nikuquba' ik'u'x wik'in yin ri xitaq-pe roma rija', xcha'.

San Juan 6:51

Ja yin k'a ri qitzij wey aj-chikajil ri niya'on k'aslen. Y xabachike ri xketijo k'a re wey re', xkek'ase' richin jantape'. Ri wey k'a ri xtinya' yin chike kan jak'a ri nuch'akul. Kan xkinapon-wi k'a pa kamik richin chi nuk'en-pe k'aslen chike ri winaqi' ri ek'o chuwech re ruwach'ulew, xcha'.

San Juan 6:57

Roma kan ja ri nata' ri taqayon-pe wichin ri nuya' nuk'aslen. Yin chuqa' k'o ri k'aslen ri' wik'in. Y kan keri' k'a chuqa' ri xkinkik'ul yin, kan xkek'ase-wi woma yin.

San Juan 8:29

Ri nata' ri taqayon-pe wichin, kan k'o wik'in. Man k'a yiruya' ta kan nuyon, roma yin kan ninben-wi ri niqa' chuwech, xcha'.

San Juan 8:42

K'ari' ri Jesús xubij chike ri winaqi' ri': Wi ta kan qitzij chi ja ri Dios ri itata', kan ta niq'alajin, roma yiniwajo' ta y yinik'ul ta jebel roma yin kan rik'in ri Dios in peteneq-wi y rik'in rija' in qajineq-wi-pe. Kan ja wi k'a ri Dios ri taqayon-pe wichin y man pa nuyonil ta yin, chi xipe chuwech re ruwach'ulew.

San Juan 9:3

Jak'a ri Jesús xubij: Man jun k'a chike ta rije' ri xmakun, richin kere' xuk'uluwachij re jun achin re'; ni rija' ni ri rute-rutata'. Rija' kan kere' k'a pa ralaxik, richin chi niq'alajin ri rusamaj ri Dios rik'in re jun moy re'.

Romanos 8:32

¿Kan k'o ta kami ri man utz ta ri nuya-pe chiqe? Man jun; roma rija' man xupoqonaj ta k'a xuya-pe ri kan Ruk'ajol richin chi xken qoma qonojel roj.

Hebreos 1:5

¿Achike ta k'a chike ri ángel ri rubin ta ri Dios?*f1* Rat at nuk'ajol y yin in atata': O rubin ta pa ruwi': Yin xkinok achi'el jun tata'aj chire rija', y rija' xtok achi'el nuk'ajol.

1 Juan 3:16

Rik'in re' niqatz'et ri ajowabel: Chi ri Jesucristo man xupoqonaj ta xuya-ri' pa kamik qoma roj. Keri' chuqa' roj k'o chi niqaya-qi' pa kamik, koma ri qach'alal, wi kan nik'atzin.

1 Juan 4:10

Y rik'in re' xq'alajin ri ajowabel: Chi kan ja ri Dios ri xojajowan-pe nabey, y man ja ta roj. Y roma ri janila rajowabal pa qawi', xuteq k'a pe ri Ruk'ajol richin xken qoma, richin chi nikuyutej ri qamak.

1 Juan 4:16

Y qetaman jebel chi rija' kan yojrajo-wi. Y wi roj yojajowan, jun k'a qabanon rik'in ri Dios, y rija' k'o pa taq qánima.

1 Juan 5:11

Y jare' ri nubij ri Dios, chi nuya' chiqe ri k'aslen ri man k'isel ta, y rik'in ri Ruk'ajol niqak'ul-wi re k'aslen re'.

1 Juan 5:13

Rix ri ikuquban chuqa' ik'u'x rik'in ri Ruk'ajol ri Dios, nintz'ibaj k'a ronojel re' chiwe richin niwetamaj chi k'o chik ik'aslen ri man k'isel ta.