1 Juan 4:6 - Kaqchiquel Bible

⁶ Jak'a roj oj richin chik ri Dios, y ri kan retaman chik ruwech ri Dios kan yojrak'axaj-wi. Jak'a ri man retaman ta ruwech ri Dios man yojrak'axaj ta y rik'in ri' niq'alajin ri k'o ri qitzij rik'in y ri maneq ri qitzij rik'in.

Tuilleadh tionndaidhean

Kaqchikel Santo Domingo (Xenacoj)

⁶ Jakꞌa roj, roj richin ri Dios, y ri wineq ri ketaman runoꞌoj ri Dios ndikitaqij ri ndiqabꞌij, pero ri wineq ri ma erichin ta ri Dios ma ndikitaqij ta ri ndiqabꞌij. Rikꞌin reꞌ ndiqetamaj achike jun kꞌo ri Espíritu chin ri qetzij pa ránima, y achike jun kꞌo ri espíritu chin chꞌakatinik pa ránima.

Kaqchikel Santa Maria de Jesus

⁶ Pero ojreꞌ oj richin chic ri Dios. Ri rataꞌn chic roch ri Dios, otz nraꞌxaj ri nakaꞌej cha. Pero ri man richin ta ri Dios, man otz ta nraꞌxaj ri nakaꞌej cha. Y riqꞌuin reꞌ kꞌalaj ri chica vinak ri cꞌo ri ketzij Espíritu riqꞌuin. Y kꞌalaj jeꞌ ri vinak ri cꞌo ri man ketzij ta espíritu riqꞌuin.

Kaqchikel Central Guatemala

⁶ Jac'a roj oj richin chic ri Dios. Y conojel c'a ri quetaman chic ruvech ri Dios nicac'axaj ri nikabij chique. Jac'a ri man e richin ta ri Dios man nicac'axaj ta ri nikabij chique. Y riq'uin ri' nik'alajin achique vinek ri c'o ri Lok'olej Espíritu riq'uin, ri kitzij Espíritu. Y chuka' nik'alajin ri vinek ri c'o ri espíritu ri man kitzij ta quiq'uin.

Re C'ac'a Testamento pa Kach'abal

⁶ Jac'a yoj re can yoj richin chic re Dios. Y conojel re quitaman chic rach re Dios can nika chiquivach re nakabij chique. Jac'a re man je richin-ta re Dios man nika-ta chiquivach re nakabij chique. Y riq'uin re' nik'alajin anchique vinak re c'o re Espíritu Santo riq'uin. Y chuka' nik'alajin re vinak re c'o re espíritu re man katzij-ta riq'uin.

Kaqchikel Western Solola

⁶ Yac'a riyoj can yoj riche (rixin) chic ri Dios. Ri retaman chic ruwech ri Dios utz nrac'axaj ri nikabij chare. Yac'a ri ma riche (rixin) ta ri Dios ma utz ta nrac'axaj ri nikabij chare. Y riq'ui ri' nik'alajin achique winek ri c'o ri Espíritu riche (rixin) ri kitzij riq'ui. Y chuka' nik'alajin ri winek ri xa espíritu riche (rixin) ri k'oloj ri c'o riq'ui.

1 Juan 4:6 Iomraidhean Croise

2 Crón 18:21

Y ri espíritu ri' xubij chi rija' xtibe y xtok jun espíritu richin tz'ukuj-tzij, y xtuben chike ri achi'a' ri e q'alajirisanela' richin xtikitz'uk-tzij. Y k'ari' ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

Wuj Richin ri Isaías 29:10

Roma yin kan xtinbenya-pe pan iwi' jun nimalej waran. Kan xtinben chike ri e q'alajirisanela' chi man jun chik xtinq'alajirisaj chikiwech. Y pa kiwi' ri yetz'eton ri peteneq-apo chiwech, xtinben chi xtitz'apetej kiwech.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Wuj Richin ri Miqueas 2:11

Rix xa niwajo' jun q'alajirisanel ri ruk'uan itzel bey, ri xaxe q'oloj ruk'amon-pe, ri nubij ta chiwe chi xtik'oje' iwik'in pa ruk'iyal vino y ya' ri niq'abarisan. Ri xtibin keri' chiwe, jari' k'a ri q'alajirisanel ri iwichin rix.

Wuj Richin ri Miqueas 3:8

Jak'a yin kan in nojineq rik'in uchuq'a' richin ri Espíritu richin ri Jehová; y yiruto' richin yich'on pa ruwi' ri ruchojmilal y ri man utz ta. Kan nuya' k'a wuchuq'a' richin ninq'alajirisaj ri kimak ri nuwinaq, richin niq'alajin ri man utz ta ri ye'ajin chubanik.

San Lucas 10:22

K'ari' rija' xubij chike konojel ri ek'o chiri': Ri nata' Dios kan ronojel k'a ruya'on-pe pa nuq'a'. Man jun chik k'a etamayon in achike yin, xaxe ri nata' ri etamayon. Man jun chuqa' etamayon achike ri nata', xaxe yin ri ruk'ajol, y ri wineq achoq chire xtinwajo' xtinq'alajirisaj-wi ri nata', xtretamaj achike k'a rija', xcha'.

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

San Juan 10:27

Ri nukarne'l yin kan ketaman y nikak'axaj ri nuch'abel, y kan yinkitzeqelibej. Chuqa' yin wetaman kiwech rije'.

San Juan 10:3

Y ri chajinel nujeq ruchi' ri qejoj toq nrak'axaj ri ruch'abel ri yuq'unel. Ri rukarne'l rija' kan ketaman chik ri ruch'abel. Rija' yeroyoj chikijujunal rik'in ri kibi' y yerelesaj k'a el.

San Juan 13:20

Kan qitzij wi k'a ninbij chiwe, chi ri xtik'ulu k'a richin ri ninteq-el yin, kan ja yin ri yiruk'ul. Y ri xkik'ulu k'a yin, xa kan xtuk'ul k'a chuqa' ri taqayon-pe wichin, xcha'.

San Juan 14:17

Ri' kan ja ri Loq'olej Espíritu, ri nitijon iwichin chire ri qitzij. Y rija' man tikirel ta richin nik'ul-apo, koma ri winaqi' ri k'a kikuquban na kik'u'x rik'in re ruwach'ulew. Roma ri Loq'olej Espíritu xa man tz'etel ta ni man ketaman ta chuqa' ruwech. Jak'a rix kan iwetaman chik ruwech, roma kan xtik'oje-wi chi'ikojol. Y rija' kan jantape' xtik'oje' iwik'in.

San Juan 15:26

Jak'a toq yin xkitzolin chik chila' rik'in ri nata', xtinteq k'a pe ri xtito'on iwichin, y rija' kan xkiruq'alajirisaj-wi k'a. Y ri jun ri', ja ri Loq'olej Espíritu ri nitijon iwichin chire ri qitzij. Y rija' rik'in k'a ri nata' nipe-wi.

San Juan 16:13

Jak'a toq xtipe ri Loq'olej Espíritu, kan xkixrutijoj y xkixruyuqej chupan ri qitzij. Rija' kan man pa ruyonil ta k'a xtisamej, roma ri ch'abel k'a ri xtuyala' chiwe, kan jari' k'a ri e nubin-pe chire. Y roma ri' toq rija' xkeruq'alajirisaj yan k'a chiwech ri xkebanatej ri chiwech-apo.

San Juan 18:37

Jak'a ri Pilato xubij chire ri Jesús: ¿Kan at rey wi k'a rat?, xcha'. Ri Jesús jari' k'a toq xubij chire: Ja', keri'. Yin kan in rey wi achi'el ri xabij.*f22* Kan richin wi k'a ri' toq xiqaqa-pe achi'el wineq chuwech re ruwach'ulew; richin chi ninq'alajirisaj ri qitzij chikiwech ri winaqi'. Y konojel k'a ri yeniman y e richin chik ri qitzij, kan nikiben-wi k'a ri ninbij yin chike, xcha'.

San Juan 20:21

K'ari' ri Jesús xubij chik k'a jun bey chike: Ja ta k'a ri uxlanen xtik'oje' pa taq iwánima chi'iwonojel. Wakami k'a kan yixinteq-el, achi'el xiruteq-pe yin ri nata', chubanik ri rusamaj, xcha'.

San Juan 8:19

Ri fariseo xkibij chire: ¿Akuchi k'a k'o-wi ri atata'?, xecha' chire. Y ri Jesús xubij: Rix man iwetaman ta ruwech ri nata', roma man iwetaman ta nuwech yin. Wi ta iwetaman nuwech yin, kan iwetaman ta chuqa' ruwech ri nata', xcha'.

San Juan 8:23

Jak'a ri Jesús xubij: Rix kan ix aj wawe-qa y yin in aj chila' chikaj. Kan ix richin wi re ruwach'ulew y yin man keri' ta.

Romanos 1:1

Yin Pablo, rusamajel ri Jesucristo. Ri Dios ri xiroyoj richin xinok jun taqon roma ri Cristo, y xiruch'er richin nintzijoj ri utzilej ch'abel ri nik'amon-pe kolotajik,

Romanos 11:8

Toqaqa chi'ik'u'x ri nubij chupan ri ruch'abel ri Dios:*f42* Ri Dios man ruya'on ta q'ij chike richin niq'ax chikiwech ri kiq'axan-pe. Kan achi'el xa ta e moyirineq y man ye'ak'ex ta. Keri' kibanon-pe, xcha'.

1 Corintios 14:37

Y wi k'o ta jun qach'alal ri nibin chi rija' kan nuq'alajirisaj ri ruch'abel ri Dios, o ruk'ulun jun chik sipanik, kan tuq'alajirisaj k'a chiwech chi ri xinbij yin kan rik'in ri Dios peteneq-wi.

2 Corintios 10:7

Rix yixch'on chiqij xaxe rik'in ri yojitz'et. Nich'ob chi xaxe rix ri ix richin ri Cristo. Jak'a kan tich'obo' jebel, roma roj chuqa' kan oj richin wi ri Cristo.

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

1 Timoteo 4:1

Y kan jebel wi niq'alajin ri nubij ri Loq'olej Espíritu, chi chupan ri ruk'isibel taq q'ij ek'o winaqi' ri xtikiya' kan ri ruch'abel ri Dios y man xtikinimaj ta chik. Xa ja chik ri kitijonik ri itzel taq espíritu ri xtikitzeqelibej. Y rik'in ri' xkeq'olotej.

2 Pedro 3:2

Man k'a timestaj ri kibin kan ri loq'olej taq q'alajirisey ruch'abel ri Dios pa ruwi' ri xtibebanatej, chuqa' ri xuk'ut kan ri qajaw y qakolonel ri xqaq'alajirisaj chiwech, roj ri oj taqon roma rija'.

1 Juan 4:1

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta.

1 Juan 4:4

Rix walk'ual, ri ix richin chik ri Dios y xixch'akon yan chikij, roma ri k'o iwik'in rix, kan más wi nim ke chuwech ri k'o chuwach'ulew.

1 Juan 4:8

Jak'a wi man yojajowan ta, niq'alajin chi man qetaman ta ruwech ri Dios, roma ri Dios kan najowan-wi.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

Judas 1:17

Jak'a rix wach'alal ri yalan yixinwajo', man timestaj ri bin chik chiwe koma ri e taqon roma ri qajaw Jesucristo, pa ruwi' ri xkebanatej.