1 Juan 3:10 - Kaqchiquel Bible

¹⁰ Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

Tuilleadh tionndaidhean

Kaqchikel Santo Domingo (Xenacoj)

¹⁰ Rikꞌin reꞌ nditzꞌetetej achike ri eralkꞌuaꞌl ri Dios y achike ri eralkꞌuaꞌl ri itzel: Ri ma ndukꞌuaj ta jun chojmilej kꞌaslen, y ma ngerajoꞌ ta ri ru-hermanos, ma richin ta ri Dios.

Kaqchikel Santa Maria de Jesus

¹⁰ Can kꞌalaj ri chica i-ralcꞌual ri Dios, y kꞌalaj jeꞌ ri chica i-ralcꞌual ri diablo. Ri man rucꞌuan ta jun cꞌaslien choj y man ncaꞌrajoꞌ ta ri hermanos, jareꞌ ri man richin ta ri Dios.

Kaqchikel Central Guatemala

¹⁰ Y can nik'alajin-vi ri achique ri ralc'ual ri Dios. Y nik'alajin chuka' achique ri ralc'ual ri itzel-vinek. Jac'a ri man chojmilej c'aslen ta quic'uan y man yecajo' ta ri kach'alal, jari' ri man e richin ta ri Dios.

Re C'ac'a Testamento pa Kach'abal

¹⁰ Y can k'alaj re anchique re je rajc'ual re Dios. Y can k'alaj chuka' anchique re je rajc'ual re itzel. Jac'a re man quic'uan-ta jun c'aslen choj y man ye'quijo-ta re hermanos, jare' re man je richin-ta re Dios.

Kaqchikel Western Solola

¹⁰ Y can nik'alajin wi c'a ri ye ralc'ual ri Dios. Y nik'alajin chuka' ri ye ralc'ual ri itzel winek. Xabachique winek ri ma ruc'uan ta jun c'aslen choj y ma yerajo' ta ri kach'alal, yari' ri ma riche (rixin) ta ri Dios.

1 Juan 3:10 Iomraidhean Croise

2 Sam 13:22

Jak'a ri Absalón man jun xubij chire ri Amnón, ni utz ni itzel, stape' pa ránima kan janila xretzelaj ri Amnón, roma xk'oje' rik'in ri Tamar ri rana'.

San Mateo 13:38

Ri ulew ri xban-wi ri tikoj, kan ja re ruwach'ulew. Ri utzilej ija'tz jak'a ri ek'o pa rajawaren ri Dios. Y ri pach'un-q'os jak'a ri kan e richin wi ri etzelal.

San Lucas 6:35

Jak'a rix xa ke'iwajo' ri winaqi' ri ye'etzelan iwichin. Kan utz tibana' kik'in. Y toq rix k'o niya' pa qajik, man k'a tiwoyobej ri qajibel richin. Richin keri' nim ri rajel-ruk'exel ri xtik'ul, y xtiq'alajin k'a chi kan ix ralk'ual chik ri nimalej Dios ri k'o chila' chikaj. Roma rija' janila utz kik'in ri winaqi' ri janila e itzel, y ri man jun bey yematioxin.

San Juan 1:12

Jak'a ri jujun ri xek'ulu richin, toq xoqaqa chuwech re ruwach'ulew, ri kan xkikuquba' kik'u'x rik'in, kan xuben chike chi xe'ok ralk'ual ri Dios.

San Juan 11:52

Y ri Jesús kan man xaxe ta k'a pa kik'exel ri winaqi' richin ri ruwach'ulew ri' toq xtiken, xa kan xtiken k'a richin yerumol konojel ri winaqi' ri kan e ralk'ual wi ri Dios ri e talutajineq chuwech re ruwach'ulew.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

San Juan 8:47

Roma ri kan richin chik ri Dios, kan ja ri nubij ri ruch'abel ri Dios ri nuben. Jak'a rix man keri' ta niben, roma man ix richin ta ri Dios, xcha'.

Hechos 13:10

y xubij chire: Rat xa nojineq awánima rik'in ronojel ruwech q'oloj y rik'in ronojel ruwech etzelal. Xa at jun ralk'ual ri Itzel-Wineq, roma nawetzelaj ronojel ri utz. Rat xa kan xotoxik naben chire ri chojmilej bey richin ri ajaw Dios. ¿Kan man kami xkatane' ta chubanik ri'?

Romanos 13:8

Wi k'o ta qak'as kan tiqatojo', jak'a kan k'o jun chik ruwech k'as chiqij y ri' ja ri k'o chi niqajo-qi' qonojel. Roma ri nibanon keri' kan rutaqen ronojel ri nubij chupan ri rupixa' ri Dios.

Efesios 5:1

Roma ri' roj ri oj ralk'ual chik ri Dios y yalan yojrajo', tiqabana' achi'el ri nuben rija'.

Colosenses 3:14

Y ja ri ajowabel ri más nik'atzin. Roma wi yojajowan, kan nuben chiqe chi junan qawech qonojel.

1 Timoteo 1:5

Ronojel re' ninbij chawe, richin kan ta konojel qach'alal nikajo-ki' rik'in ch'ajch'oj kánima ri nuna' chi utz k'o chuwech ri Dios, y rik'in jun qitzij kuqubabel-k'u'x.

1 Juan 2:29

Rix iwetaman chi ri Jesucristo kan choj wi, roma ri' k'atzinel niwetamaj chi xabachike wineq ri ruk'uan jun k'aslen choj, kan ralk'ual chik ri Dios.

1 Juan 3:1

Kan tich'obo' k'a jebel ri rubanik ri ajowabel ri k'o rik'in ri Tata'ixel, roma ri ajowabel ri' kan janila nim, roma kan xuben chiqe chi ruk'amon chi nibix ralk'ual chiqe y kan keri' wi. Y ri winaqi' ri k'a kikuquban na kik'u'x rik'in re ruwach'ulew man ketaman ta k'a qawech, roma rije' man ketaman ta ruwech ri Dios.

1 Juan 3:2

Wach'alal ri yalan yixinwajo', wakami oj ralk'ual chik ri Dios. Jak'a man jani tiq'alajin ri achike xqojbeok. Xaxe qetaman chi toq xtipe chik jun bey ri Jesucristo, xqojok achi'el rija' roma xtiqatz'et achike rubanik rija'.

1 Juan 4:21

Roma ri' ri Cristo ruya'on kan ri pixa' chi wi niqajo' ri Dios, kan keqajo' k'a chuqa' ri qach'alal.

1 Juan 4:6

Jak'a roj oj richin chik ri Dios, y ri kan retaman chik ruwech ri Dios kan yojrak'axaj-wi. Jak'a ri man retaman ta ruwech ri Dios man yojrak'axaj ta y rik'in ri' niq'alajin ri k'o ri qitzij rik'in y ri maneq ri qitzij rik'in.

1 Juan 4:8

Jak'a wi man yojajowan ta, niq'alajin chi man qetaman ta ruwech ri Dios, roma ri Dios kan najowan-wi.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

1 Juan 5:2

Keri' k'a chuqa' rik'in ri Dios. Wi kan niqajo' rija' y niqaben ri nubij, kan yeqajo-wi k'a ri e ralk'ual chik.

3 Juan 1:11

Wach'alal, ri yalan yatinwajo': Man tawojqaj ri itzel. Xa tawojqaj ri utz, roma ri nibanon ri utz, kan richin chik ri Dios. Jak'a ri nibanon ri itzel, man retaman ta ruwech ri Dios.