1 Juan 2:16 - Kaqchiquel Bible

¹⁶ Y ronojel re' man richin ta ri Qatata' Dios: Ri itzel taq rayinik richin ri ch'akulaj, rayibel richin nik'oje' awik'in ronojel ri natz'et, y ri nimirinen roma k'o beyomel, ronojel re' xa e richin ri ruwach'ulew.

Tuilleadh tionndaidhean

Kaqchikel Santo Domingo (Xenacoj)

¹⁶ Porque nojel ri itzel teq achike ekꞌo chochꞌulew, ma rikꞌin ta ri Tataꞌaj Dios pataneq, xa kin chin ri rochꞌulew, y ri itzel teq achike riꞌ, jareꞌ: Ri itzel teq rayinik chin ri qa-cuerpo, ri itzel teq rayinik chin ri qawech y ri nim ndiqanaꞌ chare roma ri kꞌo qikꞌin chochꞌulew.

Kaqchikel Santa Maria de Jesus

¹⁶ Ruma nojiel ri cꞌo choch-ulief, xa ja ri itziel ri nurayij ri ka-cuerpo, ri itziel tak kax ri ncaꞌkatzꞌat ri ncaꞌkarayij, y ri altíra nakana-kiꞌ ruma ri cꞌo kiqꞌuin, xa man richin ta ri Katataꞌ Dios, xa richin ri roch-ulief.

Kaqchikel Central Guatemala

¹⁶ Roma ye'ic'o quivi' etzelal ri ec'o pa ruvi' re ruvach'ulef. Achi'el ri itzel tak rayinic, ri itzel tak cosas ri yekatz'et y yekarayij, ri nikanimirisaj-ki' roma ronojel ri c'o kiq'uin. Y ronojel ri que tak ri' xa man richin ta ri Katata' Dios, xa e richin re ruvach'ulef.

Re C'ac'a Testamento pa Kach'abal

¹⁶ Roma camas etzelal re jec'o chach re ruch'ulef. Ancha'l re itzel tak rayibal, re itzel tak cosas re ye'katz'at y ye'karayij, re nakana' che camas kak'ij roma ronojel re c'o kaq'uin. Y ronojel re cosas re' man je richin-ta re Karta' Dios, xa je richin re ruch'ulef.

Kaqchikel Western Solola

¹⁶ Ruma ronojel ri c'o chuwech re ruwach'ulef, xa ya ri itzel tak raybel riche (rixin) ri ch'aculaj, ri itzel tak raybel riche (rixin) ri runak' tak kawech, y ri nikanimirisaj ki'. Y ronojel ri' xa ma riche (rixin) ta ri Katata' Dios, xa ye riche (rixin) re ruwach'ulef.

1 Juan 2:16 Iomraidhean Croise

Wuj Richin ri Rutikeribel 3:6

Y ri ixoq xutz'et k'a chi ri ruwech ri che' ri' kan jebel-wi richin nitij y kan rayixel-wi y kan nuya-wi etamabel. Roma ri' xuk'en k'a ri ruwech ri che' ri' y xutej. Y xberuya' chuqa' chire ri rachijil.

Wuj Richin ri Rutikeribel 6:2

jari' toq ri e ralk'ual ri Dios, xekitz'et chi ri xtani' ri', kan e jebejoj ok y roma ri' xekicha' richin xek'ule' kik'in.*f7*

Wuj Richin ri Achin Job 31:1

Yin kan nujikiban nutzij, chi kan man jun bey xtinrayij ta ruwech jun xten.

Wuj Richin Bix Chire ri Dios 73:6

Roma ri' ri nimirisanen ri k'o kik'in, kan achi'el jun wiqobel kibanon chire, ri kamik ri nikiben, kan yekikot rik'in.

Wuj Richin Bix Chire ri Dios 78:18

Jantape' k'a xkitejtobej ri Dios, richin xkik'utuj q'utun ri xkajo' rije'.

Wuj Richin Bix Chire ri Dios 78:30

Jak'a kan k'a man jani kekolaj, y k'a yetajin na k'a chutijik ri xkik'utuj,

Wuj Richin Etamabel-Tzij 27:20

Achi'el ri jul richin kamineq y ri k'a akuchi yebek'oje-wi ri e kaminaqi' chik el, ri kan jantape' k'o ri yekik'ul; keri' ri rutzubal ri wineq, kan jantape' k'o nrajo' nutzu'.

Wuj Richin Etamabel-Tzij 6:25

Kan man k'a tirayij chi iwichin ta rix ri jun jebejoj ok ixoq ri', y kan man k'a kixqaqa pa ruq'a' rik'in ri rubanik ri yixrutzu'.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

Wuj Richin ri Q'axanri'il 11:34

Y roma keri' xbanatej ri chiri', roma ri' Quibrot-Hataavá xkibij chire, roma chiri' xekimuq-wi kan ri winaqi' ri xa kan xaxe wa'in xkimey.

Wuj Richin ri Q'axanri'il 11:4

Y chikikojol k'a ri israelita e beneq chuqa' winaqi' ri xa man e kiwinaq ta y xaxe wa'in ri nikich'ob y ja rije' ri xe'uk'uan kichin ri israelita y xkichop oq'ej y nikibila' k'a: ¡K'ate' ta k'o jun ri niya'on juba' ti'ij chiqe richin niqatej!

San Mateo 4:8

Ri Itzel-Wineq xuk'uaj chik ri Jesús, k'a pa ruwi' jun juyu' ri janila nej jotol chikaj y xuk'ut chuwech ronojel ri ajawaren richin ri ruwach'ulew y ri kik'ojlemal.

San Mateo 5:28

Jak'a yin ninbij chi xabachike wineq ri nuya' ruwech chirij jun chik, ri nibanon keri', pa ránima xa kan xmakun yan.

San Lucas 4:5

Kan jari' k'a toq ri Itzel-Wineq xuk'uaj ri Jesús pa ruwi' jun nimalej juyu', y pa jun ti ramaj xuk'ut ronojel ajawaren richin ri ruwach'ulew chuwech.

Romanos 13:14

Nik'atzin k'a chi jun tiqabana' rik'in ri ajaw Jesucristo, y man tiqach'ob niqaya' q'ij chike ri itzel taq rayinik.

1 Corintios 10:6

Roma ri' man tiqaben achi'el ri xkiben rije'. Roma rije' xa xkirayij ronojel ri man e utz ta.

Gálatas 5:17

Roma ri rayibel ri' kan man yeqa' ta chuwech ri Loq'olej Espíritu. Y ri nrajo' ri Loq'olej Espíritu, man niqa' ta chikiwech ri itzel taq rayibel ri ek'o iwik'in rix. Roma ri' man kan ta yixtikir niben ri nirayij.

Gálatas 5:24

Keri', qonojel k'a ri oj richin chik ri Cristo, achi'el ta kan xojbajix rik'in rija', richin roj xeqaya' kan ri itzel taq rayinik.

Efesios 2:3

Qonojel roj keri' chuqa' xqaben ri ojer kan; xojuk'uex roma ri itzel taq qarayibel, ri etzelal ri xeqach'obola' y xeqarayila', jari' ri xeqaben. Kan xqoyoj-wi ri royowal ri Dios pa qawi', roma roj kan pa qalaxik-pe ri man jun utz chiqe, kan oj achi'el ri ch'aqa' chik winaqi'.

Tito 2:12

Y ri ch'abel ri' chuqa' nuk'ut chiqawech chi niqaya' ta kan rubanik ronojel ri man niqa' ta chuwech ri Dios y ronojel ri itzel taq rayinik richin re ruwach'ulew. Tiqaq'ata-qi' chubanik ri man ruk'amon ta, y tiqak'uaj jun k'aslen choj, jun k'aslen ri niqa' chuwech ri Dios.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Santiago 3:15

Jun ch'obonik keri' man peteneq ta chila' chikaj rik'in ri Dios. Xa kan kichin ri winaqi' ri maneq Dios chikiwech, y xa richin chuqa' ri Itzel-Wineq.

Santiago 4:16

Jak'a rix xa man keri' ta nibij. Xa kan nibij chi niben ri nich'ob, y man nich'utinirisaj ta iwi' chuwech ri Dios. Y ri banobel ri' kan itzel chuwech rija'.

Wuj Richin ri Josúe 7:21

Yin xintz'et k'a chukojol ri k'o rejqalen ri xqamej-pe chuwi-kiq'a' ri e etzelanel qichin, jun tzieq banon pa tinamit Babilonia ri janila utz, y wo'o' libra saqipueq y jun ti tz'ajaj q'anapueq ralal juwineq onza; jari' k'a xinrayij ruwech y xinchop-pe y ronojel re' wewan chuxe' ulew pa runik'ajal ri wachoch, nabey nuya'on-qa ri q'anapueq y ri saqipueq y pa ruwi' re' nuya'on-qa ri tzieq, xcha'.

1 Pedro 1:14

Y roma ix ralk'ual chik ri Dios, kan tinimaj k'a ri rutzij. Man k'a tiben ri itzel taq rayibel achi'el xiben toq k'a man jani tiwetamaj ruwech rija'.

1 Pedro 2:11

Wach'alal ri yalan yixinwajo', roma xa ix q'axel chuwech re ruwach'ulew, ninbij k'a chiwe chi man tiya' q'ij chire ri itzel taq rayinik pan ik'aslen roma jari' ri yebanon oyowal iwik'in.

2 Pedro 2:10

Y más niqa' ruk'ayewal pa kiwi' ri winaqi' ri yebanon ri itzel taq rayinik, y ri yeketzelaj ri q'atoy-tzij. Rije' man yek'ix ta, y janila kinimirisan-ki'. Roma ri' ni man nikixibij ta ki' richin nikibij tzij chikij ri itzel taq espíritu.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.