1 Juan 1:9 - Kaqchiquel Bible

⁹ Jak'a wi niqaq'alajirisaj ri qamak chuwech ri Dios, rija' kan nukuy-wi, y yojruch'ajch'ojirisaj chire ri man e choj taq banobel ta, roma rija' kan choj, y kan nuben ri nubij.

Tuilleadh tionndaidhean

Kaqchikel Santo Domingo (Xenacoj)

⁹ Pero si ndiqayaꞌ chiqij ri mak qabꞌanun, rijaꞌ kin ndukuy ri qamak y ngojruchꞌajchꞌojrisaj chuwech nojel ri itzel teq achike qabꞌanaloꞌon. Rijaꞌ ndukuy qamak, porque kin chojmilej y kin ndubꞌen wi ri ndubꞌij.

Kaqchikel Santa Maria de Jesus

⁹ Y xa nakaꞌej ri ka-pecados cha ri Dios, ri Dios can choj y manak xtucꞌax ri rutzij, can ja xtuꞌon perdonar ri ka-pecados y xtuchꞌaj ri kánima y xtiralasaj-el nojiel ri itziel tak kax ri icꞌo kiqꞌuin.

Kaqchikel Central Guatemala

⁹ Y vi nikak'alajirisaj c'a ri kamac richin chi yojcuy, ri Dios can nucuy-vi ri kamac y nuch'ajch'ojirisaj ri kánima chire ri man e choj tak banobel ta. Roma rija' can choj vi y man nujel ta ri ruch'abel.

Re C'ac'a Testamento pa Kach'abal

⁹ Y vo xa nakasekresaj re kamac chin che yojcuy, re Dios can nucuy-va re kamac y nuch'ojersaj re kánma y nulisaj ronojel re kabanabal re man otz-ta je'kabanalon. Roma reja' camas otz y can choj-va y man nujal-ta re ruch'abal.

Kaqchikel Western Solola

⁹ Y wi nikak'alajsaj c'a ri kamac chuwech ri Dios, ri Dios can choj wi nuben kiq'ui y can nuben wi achi'el nubij ri ruch'abel chi can nucuy ri kamac y nuch'ajch'ojsaj ri kánima chare ronojel ri etzelal ri yekabanala'.

1 Juan 1:9 Iomraidhean Croise

1 Rey 8:30

Kan kinawak'axaj k'a toq yikamela'an yin ri in asamajel y chuqa' toq yekamela'an ri atinamit pa ruchojmilal ri awachoch. Kan tawak'axaj k'a pe ri chila' chikaj ri akuchi atk'o-wi, y takuyu' tasacha' qamak.

1 Rey 8:47

Y wi chupan ri ruwach'ulew ri akuchi xe'uk'uex-wi el, xtitzolin-pe kik'u'x awik'in y nikik'utuj kuyubel kimak chawe y xtikibij chi rije' xemakun, xkijel rubanik ri apixa' y xkiq'ej ruwi' jumul,

Wuj Richin ri Nehemías 1:6

kan tatzu' k'a pe y tawak'axaj ri nuch'owen ri ninben yin ri asamajel ri yuqul pa samaj awik'in, ri nuk'utunik ri ninben chawech chi paq'ij chi chaq'a'. Ri ninben pa qawi' roj ri oj asamajela' ri oj yuqul pa samaj awik'in, kan ninq'alajirisaj k'a ri qamak ri xqaben chawech rat; kan jajun yin y ri aj pa rachoch kan ri nata', kan xojmakun chawech.

Wuj Richin Bix Chire ri Dios 19:12

¿Achike ta k'a wineq ri nitikir nutz'et-qa-ri' chire ri man ja ta ri yeruben? Roma ri' tabana' utzil Jehová, takuyu' ri numak ri kan man yitikir ta nintz'et-qa yin.

Wuj Richin Bix Chire ri Dios 32:5

Jari' toq xinq'alajirisaj k'a ri numak chawech, y kan man xinwewaj ta ri wetzelal. Yin xinch'ob chi ninq'alajirisaj ri numak chawech. Jari' toq rat Jehová xakuy k'a ri numak y xawelesaj chuwij ri xinwejqalej.

Ex 34:7

Ri nujoyowanik yin kan xtik'oje' k'a kik'in ri winaqi' ri yepe chi wiq chi tanaj, richin jantape'. Yin kan ninkuy k'a ri itzel taq kibanobal, ri kiyakatajinenri'il y ri kimak. Chinuwech yin, ri yebanon etzelal kan k'o chi nikik'ul ri rutojbalil roma ri kimak. Ri rutojbalil ri kimak ri tata'aj, kan xkerumej ri kalk'ual, ri kimam, ri xikin-kimam y ri kalk'ual ri kixikin-kimam, xcha' ri Jehová.

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

Wuj Richin ri Isaías 45:21

Kixch'on k'a y tibij-apo achike ri ruk'amon chi niben. Kixch'on k'a junan pa ruwi' re'. Ja yin ri xiya'on rutzijol ri ojer kan. Xich'on pa ruwi' re' ri kan pa rutikeribel-pe. Ja yin Jehová ri xibin. Kan man jun chik Dios achi'el yin. Yin in jun Dios choj y kolonel.

Wuj Richin ri Jeremías 3:13

Toqaqa k'a chi'ik'u'x chi kan ix makuwineq y kan ix yakatajineq chuwij yin ri in iwajaw, ri i-Dios. Kan chi'anin xe'itzeqelibej ch'aqa' chik dios chiri' chuxe' taq che' ri kan janila kixaq y kan man xinimaj ta nutzij. Ja yin Jehová ri yibin.

Wuj Richin ri Jeremías 33:8

Kan xkench'ajch'ojirisaj rik'in ronojel kimak ri xkiben chinuwech; kan xtinkuy k'a ri kimak ri xkiben roma ri kiyakatajinenri'il chuwij.

Wuj Richin ri K'uxla'anik 3:23

Kan ronojel k'a nimaq'a' nuya' k'ak'a' taq urtisanik pa qawi'. Kan man jun bey k'a yojrumalij kan, ronojel ri nusuj kan nuya'.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Ez 37:23

Y chuqa' man xke'ok ta chik man ch'ajch'oj ta richin nikiya' kiq'ij wachibel ri kan yenwixowaj yin, ni man xkeyakatej ta chik chuwij. Yin kan xkenkol k'a pe ri akuchi ek'o-wi y xtinch'ajch'ojirisaj ri kimak. Y keri' rije' xke'ok nutinamit y yin xkinok ki-Dios.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

San Mateo 3:6

Y ri winaqi' ri ye'apon rik'in nuqasaj ya' pa kiwi', y rije' kan nikiq'alajirisala' k'a ri kimak chuwech ri Juan.

Marcos 1:5

Y janila chi winaqi' ri xe'apon rik'in chiri' chuchi' ri raqen-ya' Jordán, winaqi' ri ek'o pa tinamit Jerusalem y chuqa' richin chijun ri ruwach'ulew Judea. Rije' kan yekiq'alajirisala-wi k'a ri kimak chuwech ri Juan, y rija' xuqasaj ya' pa kiwi'.

San Lucas 22:57

Jak'a ri Pedro xa xrewaj k'a chuwech ri xten, y xubij: Yin man wetaman ta ruwech ri Jesús, xcha'.

San Juan 17:25

Nata' Dios, rat ri at choj rik'in ronojel, man k'a etaman ta awech koma ri winaqi' ri xa k'a kikuquban na kik'u'x rik'in re ruwach'ulew. Jak'a yin, kan wetaman awech, y re e tzeqelibey wichin re xe'aya' chuwe kan xketamaj k'a chuqa' chi ja rat ri xataqo-pe wichin.

Hechos 19:18

E k'iy k'a chike ri winaqi' ri kan kikuquban kik'u'x rik'in ri Jesús, ye'oqaqa chuq'alajirisaxik ri itzel taq kibanobal.

1 Corintios 1:9

Y kan xkixruto-wi, roma ri Dios kan nuben-wi ronojel ri e rubin, roma ja rija' ri xoyon qichin richin chi junan qawech nuben rik'in ri qajaw Jesucristo.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Efesios 5:26

Keri' xuben ri Cristo richin chi ri tzobaj ri' xe'ok loq'olej. Y re' xuben rik'in ri ruch'abel y ri qasan ya'.

Deut 7:9

Kan tiwetamaj k'a chi ri Jehová ri qa-Dios jari' ri qitzij Dios y kan nuben ri nubij achi'el ri rutzij ri rujikiban, y kan nujoyowaj iwech ri yixajowan richin y nitaqej ri rupixa' ri richin jantape', stape' yeq'ax janila chi sol winaqi' chuwech ri ruwach'ulew.

1 Timoteo 1:15

Y re ninbij chawe wakami, kan qitzij wi, y ruk'amon chi ninimex koma konojel: Chi ri Jesucristo xpe chuwech re ruwach'ulew richin xojrukol roj aj-maki'. Y ja yin ri más in itzel aj-mak ke chikiwech konojel.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Hebreos 10:23

Y roj ri qoyoben ri nimalej utzil ri xtuya' ri Dios pa qawi', kan kow k'a qojk'oje' y man kaka' ta qak'u'x chupan ri oyobenri'il ri' ri k'o qik'in, roma ja ri Dios ri xbin chi xtuya' ri nimalej utzil pa qawi', y rija' kan xtuben-wi.

Hebreos 11:11

Roma ri kuqubabel-k'u'x, chuqa' ri Sara ri man alanel ta xuk'ul uchuq'a' richin nalex jun ral. Kan xalex na wi ri ral stape' k'a pa rurijixinen, roma rija' kan xukuquba' ruk'u'x chi ri Dios kan nuben wi ri nusuj.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.