1 Juan 1:7 - Kaqchiquel Bible

⁷ Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

Tuilleadh tionndaidhean

Kaqchikel Santo Domingo (Xenacoj)

⁷ Pero si ndiqakꞌuaj qakꞌaslen pa luz achel rijaꞌ kꞌo pa luz, riꞌ ndubꞌen chaqe chi xe jun ndiqabꞌen chiqawech kikꞌin ri hermanos, y ri rukikꞌel ri Jesús ri Rukꞌajol, qꞌij-qꞌij ngojruchꞌajchꞌojrisaj chuwech nojel qamak.

Kaqchikel Santa Maria de Jesus

⁷ Ri Dios can cꞌo-ve pa sakil, y xa ojreꞌ nkuꞌin chupan ri sakil, joꞌc jun kabꞌanun quiqꞌuin quinojiel ri quiniman chic ri Jesucristo ri Rucꞌajuol ri Dios. Y ri ruquiqꞌuiel ri Jesucristo nralasaj nojiel ri ka-pecado.

Kaqchikel Central Guatemala

⁷ Ri Dios can c'o-vi pa sakil, y vi roj chupan re kac'aslen yojbiyin pa sakil, can junan c'a kavech quiq'uin ri quiniman chic. Y chuka' ri ruquiq'uel ri Jesucristo ri Ruc'ajol ri Dios nrelesaj ronojel ri kamac.

Re C'ac'a Testamento pa Kach'abal

⁷ Re Dios can c'o-va pa sakil, y vo xa yoj chupan re kac'aslen yojbiyin pa sakil, can junan kavach quiq'uin re quiniman chic re Jesucristo re Ruc'ajol re Dios. Y chuka' re ruq'uiq'uel re Jesucristo nulisaj ronojel re kamac.

Kaqchikel Western Solola

⁷ Ri Dios can c'o pa nimalaj sakil, y wi riyoj yojbiyin pa sakil, can junan c'a kawech chikonojel ri kaniman chic. Y chuka' ri ruquiq'uel ri Jesucristo ri Ruc'ajol ri Dios yojruch'ajch'ojsaj chare ronojel ri kamac.

1 Juan 1:7 Iomraidhean Croise

Wuj Richin Bix Chire ri Dios 104:2

Kan nabolqotij k'a awi' chupan ri saqil, achi'el xa ta atziaq abanon chire. Rat kan xarik' k'a ri kaj achi'el nirik' jun jay banon rik'in tzieq.

Wuj Richin Bix Chire ri Dios 51:2

Kinach'ajch'ojirisaj chire ri itzel nubanobal. Kan kinajosq'ij chire ri numak.

Wuj Richin Bix Chire ri Dios 56:13

Roma xinakol chuwech ri kamik y xinajech'ej chuwech ri pikbel, richin chi yibiyin chuwa saqil chawech rat.

Wuj Richin Bix Chire ri Dios 89:15

Jebel ruwa-kiq'ij ri nikiya' aq'ij rik'in bix, kan yebiyin k'a rik'in ri awutzil.

Wuj Richin Bix Chire ri Dios 97:11

Ri saqil kan yerusaqirisaj k'a ri choj kik'aslen. Y nuya' kikoten chike ri kan choj kánima.

Wuj Richin ri Isaías 2:5

Y ri israelita xtikibij: ¡Wakami k'a roj ri oj aj pa rachoch kan ri Jacob, qojbiyin pa saqil ri ruya'on kan ri Jehová!, xkecha'.

Wuj Richin ri Isaías 33:24

Chupan ri q'ij ri', man jun chike ri qawinaq ri xtiyawej ta. Y ri Dios kan xtukuy kimak ri winaqi' ri ek'o pa tinamit Sión.

Wuj Richin ri Isaías 6:7

y xuya-apo ri q'aq' ri' chi nuchi', y xubij chuwe: Re q'aq' re' xuneq ri achi'. Y re' xuben chi kan xkuyutej k'a ronojel ri amak, richin kan man xtawejqalej ta chik, xcha'.

Am 3:3

Jun k'ulaj winaqi' man yetikir ta yebiyaj junan wi man junan ta kiwech.

Wuj Richin ri Zacarías 13:1

Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'.

San Mateo 6:12

Xtakuy ta k'a ronojel ri man utz ta ri yeqaben chawech, achi'el roj yeqakuy ri winaqi' ri k'o nikiben chiqe.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

San Juan 12:35

Jari' k'a toq ri Jesús xubij chike: Yin ri in k'amayon-pe ri saqil xa ti juba' ok xkik'oje' iwik'in. Kan chupan k'a ri saqil ri' kixbiyin-wi, roma k'a k'o na richin chi ri q'equ'm man yixruq'i' ta y man iwetaman ta akuchi nibe-wi.

San Juan 5:4

[Roma re ya' re' kan k'o k'a q'ij toq nosilox kan roma jun ángel ri nipe rik'in ri Dios. Y jak'a ri yawa' ri niqaqa nabey chupan ri ya' toq silon chik, ja yawa' ri' ri nik'achoj. Y xabachike yabil nok chire ri yawa', nik'achoj-el.]*f6*

Romanos 13:12

Ri q'equ'm niq'ax yan, y niq'alajin yan pe ri saqil. Roma ri', wi k'a k'o qamak ri niqaben pa taq q'equ'm, tiqaya' kan. Nik'atzin chi ja ri saqil ri nok qatobal, achi'el jun aj-labal toq nukusaj ri rutobal.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Efesios 1:7

Ri ruk'ajol xken qoma roj y xbiyin rukik'el richin xojrukol roj chuwech ri mak. Y roma ri' xukuy ri qamak. ¡Jebel k'a niq'alajin ri nimalej rutzil ri Dios

Efesios 5:8

Toq rubanon kan, rix ixk'o pa jun q'equ'm. Jak'a re wakami saqirisan chik ri ik'aslen roma ri Dios. Tik'uaj k'a ri ik'aslen achi'el ruk'amon.

1 Timoteo 6:16

Y kan xaxe rija' ri man kamel ta. Rija' kan pa saqil k'o-wi, ri kan man jun nitikir nijel-apo rik'in. Man jun achike ta wineq tz'eteyon, ni man jun chuqa' nitikir nitz'eton. Ri ruchuq'a' rija' xtik'oje' ta pa qawi' richin jantape', y kan xtuk'ul ta ruq'ij richin jantape'. Keri' ta k'a.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Hebreos 9:14

Wi k'o xk'atzin-wi ronojel ri', k'a tala' chik ri rukik'el ri Cristo ri man jun bey xmakun y rik'in ri ruchuq'a' ri Loq'olej Espíritu kan xuya-ri' pa kamik richin xutoj ri qamak chuwech ri Dios. Roma ri' rija' kan nitikir nuch'ajch'ojirisaj ri qánima chire ri mak ri nik'amon-pe kamik y nuben chiqe chi yojtikir niqasamajij ri k'aslik Dios.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

1 Pedro 1:19

xa kan rik'in ri rukik'el ri Cristo. Y rija' kan achi'el ri karne'l ri yesuj richin kamelabel, ri kan e tz'aqet y jebel e ch'ajch'oj.

1 Juan 1:3

Roj kan qatzijon k'a chiwe ri xqatz'et y ri xqak'axaj, richin chi rix junan ta iwech qik'in roj y keri' rix chuqa' junan iwech rik'in ri Tata'ixel y rik'in ri Jesucristo ri Ruk'ajol, achi'el ri qabanon roj.

1 Juan 1:5

Y wakami k'a niqatzijoj chiwe ri xubij kan ri Jesucristo chiqe roj, chi ri Dios kan saqil, y man jun q'equ'm ri k'o rik'in.

1 Juan 5:6

Toq ri Jesucristo xpe wawe' chuwech re ruwach'ulew, xqasex ya' pa ruwi', y chuqa' xbiyin rukik'el toq xken chuwech ri cruz. Man xaxe ta xqasex ya' pa ruwi', xa kan xbiyin k'a chuqa' ri rukik'el. Y re' ja ri Loq'olej Espíritu ri niq'alajirisan ri qitzij, roma kan xaxe ri qitzij ri nubij.

1 Juan 5:8

Y ri e oxi' ri' ja ri Espíritu, ri ya' y ri k'ik, y re' junan kiwech.*f1*

2 Juan 1:4

Janila kikoten xuya' pa wánima toq xenwil chikikojol ri awal jujun ri kojqan ri qitzij, kan achi'el nubij ri Qatata' Dios chiqe chupan ri ruch'abel.

3 Juan 1:4

Y ronojel bey toq ninwak'axaj chi ri qach'alal ri e achi'el walk'ual kan qitzij kojqan ri ruch'abel ri Dios, yalan kikoten nuya' pa wánima.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.

Apocalipsis 12:11

Y ri qach'alal ri' xech'akon yan chirij ri Itzel-Wineq, roma ri rukik'el ri Karne'l, roma rije' kan man xek'ix ta xkiq'alajirisaj-ki' chi kiniman ri Cristo. Man xkixibij ta ki' stape' xe'apon pa kamik.

Apocalipsis 7:14

Y yin xinbij k'a chire: Ja rat ri at etamayon e achike chi winaqi' la', xicha'. K'ari' rija' xubij chuwe: Jere' ri e eleneq chik pe chupan ri nimalej tijoj-poqonal, y kich'ajon chik ri kitziaq y kisaqirisan chik rik'in ri rukik'el ri Karne'l.