Matthew 6:12 - Sei di Uka Ago Ruaka di Buka Bedakai

¹² Ma uni vegu no koite maku, ma una ka amiye di vegu no una rofu rededi moi erufusifa kana.

Matthew 6:12 Iomraidhean Croise

Matthew 26:28

adina mina bi nai dava Sei di uka ago regi amiye tau gade rofu vegu no koite makugika rausi reyaka.

Matthew 9:2

Ye okiyori, amiye be yaku dibo anua amiye madunari ina rofu afei baeyadi. Iesu mina vene di mokena vari gira aena veifategasa mina dibo anua amiye rofu niyo, “Nai mida, mokei itu ga re! Yi vegu no bi koite makuyo.”

Mark 11:25

Are resi usa usa nigediri, ye amiye yokoi ya rofu vegu no reyo vonisi, ini vegu no moi erufufa. Makai regediri, yi Baba omari ka yi vegu no koite makugo.”

Luke 11:4

Ma uni vegu no koite maku, adina una ka amiye tau di vegu no una rofu rededi, moi erufusifa. Ma uka maina regika nivena rofu ga una moi ourefeide.’ ”

Luke 13:4

Ma mirona amiye 18 Siloam ri yava doba ina fafau yaresi emuyeyo bi gokai? Ya yaku mokededi mina yaku nido, bi ini vegu no bi Jerusalem ri amededi vene tau ebu reyo ba?

Luke 6:37

“Amiye di no rofu mokei no ga refa, ma Sei yaku ka yi no kota de rego. Amiye be nifafana ga refa, ma Sei ka ya nifafana de rego. Amiye di vegu no erufugediri, Sei yaku yi vegu no koite makugo.

Moimai di vegu 13:38

Usika ourena vene, vei mama reyaganedi Iesu rofu di vegu no koite makuna di sina bi ya nisifa mini. Ma kaere amiye tau mokena vari gira ina rofu aegedi, bi vegu no tau rofu erufugo,

Ephesus vene 1:7

Ini dava dudu ina yaku una voi resi erufuyo; mina bi uni vegu no koite makuyo, ini buni tora gade bi tora gade gade dada.

Ephesus vene 4:32

Idu ya kaya ya kaya rofu vegu buni resi iriyeduka dudu, uka masi ya kaya ya kaya di vegu no erufuyagane, Sei yaku Keriso dudu yi vegu no koite makuyo kana.

Colossae vene 3:13

Resi ya kaya ya kaya udiko refa. Ma amiye yokoi yaku amiye be rofu tourage rego vonisi, bi Varika amiye yi vegu no koite makuyo kana, ini vegu ka erufuyainedi.