Matthew 5:3 - Sei di Uka Ago Ruaka di Buka Bedakai

³ “Kaere amiye ina diba ini vimari Sei di gugura buni yokoi de bi ada regedi; adina bi Sei di ourefeidena amena sana omari bi ini!

Matthew 5:3 Iomraidhean Croise

Matthew 11:25

Mina ituari, Iesu yaku niyo, “Baba, oma ma kono di Varika amiye, yi roka moi odoro rida, adina ya bi mina vegu mokena tora vene rofu moi sui risi mokena keika keika vene kaere bi mida mida kana rofu moi ogau riyo.

Matthew 11:6

Ma kaere na rofu mokei itu de rego, Sei yaku buni tora gade ina rofu mago!”

Matthew 13:16

“Idu yi nemoko bi buni tora gade maro, ina bi vededi dada, ma yi anema, neidededi dada.

Matthew 19:14

Idu niyo, “Mida keika keika bi ferefo kumo na rofu baeyagane; ga meki refo, adina Sei di ourefeidena amena sana omari bi mina kana vene di.”

Matthew 24:46

Ini varika amiye yaku dairisi baku rego mina vegu regasa amebigori, bi mina moimai rei tavoi redo amiye bi ada iniye rego!

Matthew 25:34

Mina usi Kini yaku ini vana rama vene rofu nigo, ‘Baefa, nai Baba yaku buni tora gade ya vene ya maro; Sei di ourefeidena amena sana di gugura moifa, goina bi oma ma kono rigamori ya dogo reyo.

Matthew 3:2

“Yi vegu no feresi moi etagae rifa, adina Sei ini vava nufa omari ourefeidena amena sana bi negau niyo!”

Matthew 8:11

Ye ya nida amiye tau gade meda dadido eta rofu ma meda nedo eta rofu baegedi Abraham, Isaac ma Jacob sa Sei di ourefeidena amena sana omari ameinu resi irakuna irigedi.

Mark 10:14

Ye Iesu mina veyori, gubuyo resi niyo, “Mida keika keika bi ferefo kumo na rofu baeyagane; ga meki refo, adina Sei di ourefeidena amena sana bi mina kana vene di.

Luke 11:28

Idu nikabai resi niyo, “Rama, idu kaere Sei di ago neidededi, bi buni tora gade moidedi!”

Luke 18:14

Resi Iesu yaku niyo, “Ya nida, mina amiye remanu ini yavari dairiyadiri, bi Sei yaku fore butu redo amiye rofu niyo ini vegu bi rorobo, idu mina Pharisee amiye bi de. Adina kaere iniye moi odoro rigo, bi Sei yaku moi di nigo, idu kaere iniye ave nigo, bi Sei yaku moi odoro rigo.”

Luke 22:29

Mina dada, nai Baba yaku na moi varika riyo kana, na ka ya vene moi varika rida.

Luke 22:30

Makai reyaka dada, ya bi nai teiborori ourefeidena amena sanari amesi nasa iruku ma koru irisi ya ka ourefeidena amena fata ameinu resi Israel vene di rubu 12 ourefeidegedi.”

Luke 4:18

“Varika amiye di Vima bi nasa, na vo niyo dada, sina buni irava vene rofu nirausi regida. Ina na nifeideyo, bi dibura vene nigida bi moi younesi ne taufa vene bi dudusa nene reyagane; moke itu vene erufugida.

John 20:29

Kamini niyo, “Ye mokena vari gira aeyo, na veyo dada, idu kaere vene na de veyadi, ma mokena vari gira aeyadi bi buni mago!”

James 1:10

idu kaere gugura fare tau amiye bi iniye ini nego egonari ni-ika reyaine, adina oruma di farofaro kana tarei digo.

James 1:12

Kaere amiye ebene renari udiko redo bi ada rego, adina bi ebene renari, are rei gira regasa toga ameibobina vegu di obini moigo; mina bi Sei yaku ina rofu uka madedi vene nitore reyo.

James 2:5

Nai uka maida usika ourena nai ago neidefo. Sei yaku mina kono tora di irava vene mokena vari gira aenari, gugura tau kana ma ini ourefeidena amena sana di biyaguna kana bi auba reyo ba? Ye Sei yaku kaere amiye ina rofu uka madedi bi mina sana nitore reyo.

Niokuna sina 19:9

Ma Sei di naivo vima na rofu niyo, “Mina bura re: Mamoe mida di mena di irakuna omaro vene bi ada regedi.” Ka na rofu niyo, “Mina bi Sei di ago rama mini.”

Niokuna sina 22:14

Ini varuka doba koiteyadi vene bi buni tora gade mago, ye vegu ameibobina yabo di rama irigika, di vava moisi taoni di ida vena di biri dui reyaganedi.

Niokuna sina 3:17

Adina nisa, ‘Na gugura tau gade nufa ma nai baku baku bi buni, beika yokoi de maina reida.’ Idu rama iniye, ya ya toto ya bi no iniye iniye, irava amiye, iriyeduka nufa, ne taufa ma faisara ameisa amiye.