Matthew 19:19 - Sei di Uka Ago Ruaka di Buka Bedakai

¹⁹ yi nono baba emagui re; ma ya kaya uka maisa kana, yi atafu amedo amiye uka ma.”

Matthew 19:19 Iomraidhean Croise

Matthew 19:20

Mina godua yaku niyo, “Mina kana vegu ago tau vakoi neidegamaka, ye goina be bi regida?”

Matthew 22:39

Ma usika bi ouresi kana: ‘Ya kaya uka maisa kana, yi atafu amedo amiye uka magiya.’

Matthew 5:43

“Sena nigamadi ma neideyadi, ‘Yi atafu amedo amiye uka masi yi tuma amiye rofu bi gubuyo re.’

Luke 10:27

Ye nikabai reyo, “ ‘Yi uka meko noibanu, yi vima noibanu, yi yeiva tora noibanu, ma yi mokena noibanu dudu Varika amiye yi Sei uka ma’; ma ‘Ya kaya uka maisa kana, yi atafuri amedo amiye uka ma.’ ”

Rome vene 13:9

Ago gira bura reyadi kana, “Koa ga re; amiye umuyena ga re; duma duma ga re; amiye di beika baika rofu moke moke ga re”—ago gira bedakai bi, mina yokoi makari bae moi yokoiri riyo mini, “Ya kaya uka maisa kana, yi atafu amedo amiye uka ma.”

Galatia vene 5:14

Adina ago gira noibanu bi sina yokoi makari mini: “Ya kaya uka maisa kana, yi atafu amedo amiye uka ma.”

James 2:8

Idu Sei di ago dada, ini ourefeidena amena sana di ago gira neidegedi vonisi, “Ya kaya uka maisa kana, yi atafu amedo amiye ka uka ma,” ya bi rei mona rededi.