Mark 4:41 - Sei di Uka Ago Ruaka di Buka Bedakai

⁴¹ Ma ina kaya ori tora resi iniye iniye rofu niyadi, “Ye mina amiye bi gokai kana amiye? Aura ma koru tafo ka ini ago neidededi!”

Mark 4:41 Iomraidhean Croise

Matthew 14:32

Kamini boutiri keu reyadiri, aura amuta niyo.

Matthew 8:27

Ye mina vene tururu resi niyadi, “Mina amiye bi gokai kana amiye? Aura ma koru tafo ka ini ago neidededi!”

Mark 4:40

Ini usi dina vene rofu niyo, “Beika resi ori reyadi? Gokai resi yi mokena vari gira Sei rofu de aeyadi?”

Mark 5:1

Kamini Iesu ini usi dina venesa Galilee moka daidai tora berou eta rofu Gerasa gaganiri okiyadi.

Mark 5:33

Ma mina rema diba niyo beika ina rofu vata niyo, ye baesi ini yuka rafo adinari iniye you makusi ori dudu tururu resi sina rama tau noibanu nioteimaro.

Mark 7:37

Amiye di vima bi tururu tora gade resi niyadi, “Ina yaku deda tau moi burefe rido; ina yaku ka anema kora neidesi babo ago niyadi.”

Luke 4:36

Amiye tau bi tururu resi iniye iniye nikaiteyadi, “Mina sina bi beika? Ina bi vava ma yeiva nufa vima no rofu ago gira nidori, feregasa yakudedi!”

Luke 8:25

Kamini ina vene rofu niyo, “Yi mokena vari gira aena Sei rofu bi goini?” Idu ina vene bi ori resi tururu resi iniye iniye rofu niyadi, “Ye mina amiye bi gokai kana amiye? Aura ma koru tafo rofu nibesenai ago madori, ka neidededi!”

Hebrew vene 12:28

Mina dada, ourefeidena amena sana moi tururu de rego mina moigifa, ye mina rofu buni tora gade manadi, ye makai kikifa ma ori dudu, Sei rofu nivakena nimana ina rofu manadi;

Niokuna sina 15:4

Varika amiye, kaere amiye ya ori de rego? Kaere amiye yi roka moi odoro de rigo? Adina ya maka bi kikifa. Ye gagani gagani vene tau noibanu baesi yi nemokori ya nivakegedi, amiye tau noibanu yaku yi vegu rorobo bi oteimaro ma veyadi dada.”