Mark 4:11 - Sei di Uka Ago Ruaka di Buka Bedakai

¹¹ Ina rofu niyo, “Ya bi Sei di ourefeidena amena sana di sui ago moiyadi, idu etofaro vene bi mokena ago dudu maka tau vakoi moigedi,

Mark 4:11 Iomraidhean Croise

Matthew 11:25

Mina ituari, Iesu yaku niyo, “Baba, oma ma kono di Varika amiye, yi roka moi odoro rida, adina ya bi mina vegu mokena tora vene rofu moi sui risi mokena keika keika vene kaere bi mida mida kana rofu moi ogau riyo.

Matthew 13:16

“Idu yi nemoko bi buni tora gade maro, ina bi vededi dada, ma yi anema, neidededi dada.

Matthew 16:17

Ma Iesu yaku nikabai reyo, “Ya Simon, Jonah di mida, ya bi buni tora gade moiyo, adina mina bi amiye yaku ya rofu de niokuyadi, idu nai Baba omari amedo yaku ya maro.

Mark 3:23

Ye Iesu bi amiye raka niegogo resi mokena ago nioteimagamo. Resi yomakai ago niyo, “Gokai dudu Satani yaku iniye meki rego?

Mark 4:10

Kamini inike ameyori, bi ini ago neideyadi vene, ini usi dina vene 12 sa, disi nikaiteyadi mina mokena ago nirorotari reyaine.

Mark 4:2

Kamini mokena ago dudu ago tau gade nioteimasi niyo:

Luke 8:10

Kamini niyo, “Ya bi Sei di ourefeidena amena sana di sui ago diba nigika bi ya maro, idu idana vene rofu mokena ago maka nida; ye vededi, idu vei mama de rededi; ma neidededi, idu diba de nidedi.

1 Corinth vene 4:7

Amiye yokoi rofu ya bi idana de. Beika baika tau noibanu moiyo bi Sei yaku ya maro ba ide? Moiyori, bi beika resi yi vava dudu moina kana ni-ika reisa?

2 Corinth vene 4:6

Adina Sei kaere yomakai niyo, “Vabara yaku mukunari kikiyaine!” ina yaku uni uka ideri vabara moi kikiyo, mina bi Iesu Keriso di seirari, Sei di vabara diba nina di vabara kikigi maro.

Ephesus vene 1:9

Ini ura di nisui ago una rofu moi ogau riyo, ini nirorotari rena dada; mina bi Keriso dudu dogo resi aeyo.

Colossae vene 4:5

Mokena vabara dudu ekalesia vene de, ina fafau ya kaya ya kaya reremama rorobo resi meda yasa amedediri, vegu buni rei mona rebifa.

1 Thessalonica vene 4:12

Mina resi yi ameibobigediri, ya dubu etofaro vene ya rofu kikifa regedi, ye amiye yokoi rofu moi aedena moigika de regedi.

1 Timothy 3:7

Kamini ekalesia etofaro vene di nemokori bi buni reyaine, Bodaka buoru rigo ma moi no riyo baebu.

1 John 5:20

Una una diba Sei di Mida bi dego ma vei mama rena, mina una maro, ye una diba amiye kaere bi rama iniye. Uni vegu bi mina amiye rama iniyesa amesifa—mina bi ini Mida Iesu Keriso sa. Ina bi Sei rama iniye, ma toga toga ameibobina vegu.