Luke 9:51 - Sei di Uka Ago Ruaka di Buka Bedakai

⁵¹ Iesu omari moi bogedi meda negau nigamo dada, uka gira dudu Jerusalem ri digi neyo.

Luke 9:51 Iomraidhean Croise

Mark 16:19

Kamini Iesu Varika amiye ina vene rofu ago nioteimaro, gabi rofu bi Sei yaku omari afei boyo ma Sei di vana ramari ameyo.

Luke 12:50

Nai babatiso mago; ma nai mokena toe evade moigida kumo!

Luke 13:22

Iesu bi rautu ma taoni yokoi yokoiri amiye oteimasi Jerusalem rofu bogamo.

Luke 17:11

Iesu Jerusalem seira risi bogamori, bi Samaria ma Galilee taoni di kono utari boyo.

Luke 18:31

Kamini ini amiye 12 moi gaima risi niyo, “Neidefa, una bi Jerusalem bogifa, Sei di ago niyadi vene yaku Amiye di mida rofu vata nigo vegu bura reyadi, mina rama aego.

Luke 19:11

Mina sina neidegamadiri, bi yavoi resi mokena ago niyo, adina ina bi Jerusalem atafu okiyo, ma amiye yaku mokegamadi bi Sei di ourefeidena amena sana bi minari evade maka ogau nigo.

Luke 19:28

Iesu yaku mina sina ni vau regasa dadisi Jerusalem ri ourei boyo.

Luke 24:51

Mina ni buni tora gade magamori, bi ina vene rofu etagae riyo ma oma odoro afei boyo.

Luke 9:57

Ida boyadiri, amiye yokoi yaku ina rofu niyo, “Ya goina digiya, na bi ya usi digida.”

John 13:1

Ferei ebu rena irakuna okina koderi, Iesu diba niyo ini meda bi okiyo mina kono feresi ini Baba rofu bogi, ye metonari ini konori ameyadi vene uka maro.

John 16:28

Na Baba gutuna desi konori dui reyaka, ye gua kono feresi nai Baba rofu digida.”

John 16:5

Idu gua na bi kaere na nifeideyo amiye rofu digida, idu ya yokoi de nikaitedo, ‘Bi goidu disa?’

John 17:11

Ma na gua konori de amegida, idu ina vene bi konori amededi ma na ya rofu bae neida. Baba kikifa, yi roka di vava dudu nari re—mina roka na maro—ye yokoi maka niyaganedi, una yokoi maka kana.

John 6:62

Idu Amiye di mida sena ameyo sanari dairi bogo mina vesi bi beika mokegedi?

Moimai di vegu 1:2

Mina bi ini ouresi moimai reyo medari gutuna bosi mamo Sei yaku omari afei boyo medari. Oma odorori dadina koderi bi Vima kikifa di vava dudu ini ago gira ini vo niyo nifeidena vene rofu nimaro.

Moimai di vegu 1:9

Mina ago ni vau reyo ma veyadiri, Sei yaku omari afei boyo ma seuya yaku fono reyo dada de veyadi.

Ephesus vene 1:20

mina dudu Keriso muyenari gutuna dadi rae resi oma di sanari, ini vana rama eta rofu di moi ameinu reyo.

Philippi vene 3:14

Ye na bi beika buni urana raga resi moigida. Mina bi Sei na odorori digida vegu Iesu Keriso dudu na raka nido.

1 Timothy 3:16

Ye Sei di sui ago bi tora yo nisifa: Amiye di roaita dudu ogau niyo, ma Vima yaku ina bi rama mina nioteimaro, ma Sei di naivo naivo vima yaku veyadi. Gagani gagani di vene di fogori ago nirausi reyadi, ma kono tora noibanu vene mokena vari gira ina rofu aeyadi, ma vabara dudu omari afei boyo.

Hebrew vene 12:2

Resi Iesu rofu vei mona renadi, kaere bi uni mokena vari gira aena di kora resi moi rorobo iniye redo amiye. Ina bi gabi ada rego mina rofu, satauro di esika are rei gira resi maena rofu mokena tora de aesi Sei di ourefeidena amena fata di vana rama eta rofu ameinu reyo.

Hebrew vene 6:20

Iesu bi Melchizedek yaku Sei ma amiye utari naivo vene fogori ourei amegamo kana, toga toga Sei ma amiye utari naivo amiye tora nisi uni buni dada senagi mironari dui reyo.

1 Peter 3:22

kaere bi omari boyo ma naivo naivo vima, ourefeidena vene ma vava nufa vene ini vava gabireri, Sei di vana rama eta rofu ameinu reyo.