Luke 7:47 - Sei di Uka Ago Ruaka di Buka Bedakai

⁴⁷ Mina dada, ya nida, mina rema ini uka mana tora gade iniye dada, ini vegu no tau gade ka koite makuyo. Idu kaere vegu no keika nufa bi koite keika makuyo, ini uka mana ka keika maka dada.”

Luke 7:47 Iomraidhean Croise

Matthew 10:37

“Kaere amiye ini nono o baba rofu uka tora masi na rofu uka keika mago bi nai usi dina vene egere de; ma kaere amiye ini rumana o rema mida rofu uka tora masi na rofu uka keika mago, ina bi nai usi dina egere de.

Luke 7:39

Kamini, Iesu raka niyo Pharisee amiye yaku mina veyori, bi ini uka ideri maka iniye niyo, “Mina amiye bi Sei di ago nido amiye vonisi, bi veyagadu mina bi gokai kana rema yaku avaka moido. Adina mina rema bi vegu no redo rema!”

Luke 7:46

Nai adari diga rausi de reyo, idu ina bi nai yuka rafori diga di sisika buni erausi reyo.

Luke 7:48

Kamini Iesu yaku mina rema rofu niyo, “Yi vegu no bi koite makuyaka.”

Moimai di vegu 5:31

Sei yaku moi dadisi uni Varika amiye ma una Moi vegu rina amiye kana ini vana rama rofu aesi bi Israel vene vegu no feresi etagae rigedi, ini vegu no koitego mina ida maro.

Rome vene 5:20

Idu ago gira bi obe rena vegu tora nigi moi dui reyo, ye goinari vegu no rena tora niyo, buni tora gade ka besa tora ni vau reyo.

2 Corinth vene 5:14

Ini adina Keriso di uka mana yaku una ourefeidedo, mina sena mokeyafa dada: amiye yokoi yaku amiye tau noibanu dada muyeyo, ye amiye tau noibanu muyeyadi.

Galatia vene 5:6

Adina roaita nugana o nugana de di ida bi Iesu Keriso ideri ini vava yokoi nufa de, idu mokena vari gira aena uka mana dudu, moimai redo maka bi buni.

Ephesus vene 6:24

Uni Varika amiye Iesu Keriso koina de nina uka mana dudu, ini uka madedi vene noibanusa bi buni tora gade ameyaine.

Philippi vene 1:9

Resi na usa usa nida yi uka mana bi besa besa toga tora nibobiyaine, yi mokena vabara ma vei dogo rena tau gade dudu,

1 Timothy 1:14

Ye Iesu Keriso dudu, mokena vari gira aena ma uka mana dudu, uni Varika amiye di buni tora gade na mai vau reyo.

1 John 1:7

Idu ina bi vabarari amedo kana, ka vabarari amesifa vonisi—makai uniye uniye auta resifa, ma ini Mida Iesu di dava yaku uni vegu no tau noibanu rofu, una moi ruaka rido.

1 John 3:18

Nai mida mida, bi vena dudu ma afiye dudu maka uka ga manadi, idu bi reremama ma ago rama dudu uka manadi.

1 John 4:19

Una uka masifa, adina ina siko una uka maro.

1 John 5:3

Mina makai bi Sei rofu uka masifa: ini ago gira neidegasa resifa. Ma ini ago gira bi toe de.