Luke 7:24 - Sei di Uka Ago Ruaka di Buka Bedakai

²⁴ Ye John di nifeidena vene diyadiri, bi amiye tau gade John fafau ago nigi kora reyadi, “Ya bi beika vegi gagani autu sanari boyadi? Doi iye aura yaku moi raudai redo mina vegika ba?

Luke 7:24 Iomraidhean Croise

Luke 1:80

Ma mina mida kamini tora nigamo, ma ini vima ka yeiva nigamo. Ina bi gagani autu sanari amegamo, bogo Israel vene rofu ini ogau nigo medari mamo.

Luke 3:2

Annas ma Caiaphas bi Sei ma amiye utari naivo vene tora. Mina ariri, Sei yaku John, Zechariah di mida, gagani autu sanari ini ago maro.

Luke 7:23

Ma kaere na rofu mokei itu de rego, bi buni tora gade ina rofu mago!”

Luke 7:25

Idu mironari beika vegika boyadi? Varuka burefe rido amiye ba? Mina kana varuka burefe ridedi ma beika baika burefe moiga irigasa amededi vene bi kini di yavari amededi!

John 1:23

Kamini niyo: “Sei di ago niyo amiye roka Isaiah niyo kana, na bi ‘amiye yokoi di goroka gagani autu sanari raka nida: Varika amiye di ida moi rorobo rifa!’ ”

Ephesus vene 4:14

Ye ureure tafo resi bouti moi etagae ridedi kana, oteimana ago tau noibanu di aura ufu rededi kana, amiye di aonega dudu, ma ofa ofa oteimana ago dudu eru redo, mina tau rofu dudusa mida kakua kana ga rebinadi.

2 Peter 2:17

Mina vene bi koru gayei roko niyo kana ma seuya aura yaku ufu rei makudo kana. Sei yaku mukuna gube nido sana bi sena rei tore resi ferei maro.

2 Peter 3:17

Mina dada, nai uka maida vene, ya bi sena mina diba niyadi. Mina resi ya kaya nari refa, ye ago gira de usi didedi vene di no ya buoru de rego, ye makai yi buni amededi sanari keto regedi baebu.