Luke 22:3 - Sei di Uka Ago Ruaka di Buka Bedakai

³ Minari bi Satani yaku Judas, kaere bi roka Iscariot vo nigamadi, di ukari dui reyo. Ina ka bi Iesu di usi dina amiye 12 yokoi.

Luke 22:3 Iomraidhean Croise

Matthew 10:4

Simon kaere bi zealot amiye yokoi ma Judas Iscariot kaere bi Iesu siri reyo.

Matthew 26:23

Ma nikabai reyo, “Mina amiye kaere bi nasa ini beredi siua ideri birisifa bi na siri rego.

Matthew 4:10

Kamini nikabai resi niyo, “Satani, na rofu etagae ri, adina yomakai bura reyo, ‘Varika amiye yi Sei nivakesi ina rofu maka naivo re!’ ”

Luke 22:21

“Idu na siri rego amiye di vana bi nasa mina teiborori!

Luke 6:16

James di mida Judas ma Judas Iscariot, kaere bi Iesu siri rena amiye niyo.

John 12:6

Judas makai niyo bi irava vene bi dogo redo dada de, idu ina bi duma amiye dada. Bi fore dura dogo rena amiye, ye mina beika ideri aegamadi moigasa irigamo.

John 13:18

“Na bi diya ya vene tau vakoi rofu nida; kaere na yaku auba reyaka bi na na diba. Idu mina bi Sei di agori bura reyo ma moi rama aego: ‘Kaere nasa beredi iriyafa amiye yaku kero resi na gutuna etagae riyo.’

John 13:2

Uriyenau iruku irina koderi, Bodaka yaku Judas Iscariot, Simon di mida, di mokenari Iesu siri regi sena aeyo.

Moimai di vegu 5:3

Kamini Peter yaku ina rofu niyo, “Ananias, yi kono sero regasa fore be bi moi gira reyo. Beika resi Satani fereyo ma baesi yi uka vata baeyo ma Vima kikifa rofu ofa niyo?