Luke 19:5 - Sei di Uka Ago Ruaka di Buka Bedakai

⁵ Iesu yaku mina sana okigasa bi ne odoro resi ina rofu niyo, “Zacchaeus, evade soka rei degiya, adina na bi gua yi yavari amegida.”

Luke 19:5 Iomraidhean Croise

Luke 19:10

Adina Amiye di mida bi boiyo reyadi vene maina rei baku resi moi vegu rigi deyo.”

Luke 19:2

Minari bi amiye roka Zacchaeus, kaere bi fore butu rededi vene di amiye tora. Iniye bi gugura tau amiye.

Luke 19:4

Mina dada ouresi raga bosi Iesu vegi bi yabo tora yokoi roka sycamore firu boyo. Ina bi mina dakai baego dada.

Luke 19:6

Dada evade soka resi ini yavari ada dudu moi dui reyo.

John 1:48

Ma nikaiteyo, “Gokai ida dudu na vei mama reyo?” Ma nikabai reyo, “Philip ya raka nina koderi, ya bi fuka yabo gabireri na bi sena ya veyaka.”

John 14:23

Ma nikabai reyo, “Amiye yokoi na uka mado vonisi, bi nai ago neidego ma nai Baba yaku uka mago, ma ina rofu desi uni amena sana inasa rigifa.

2 Corinth vene 6:1

Una bi vakoi Sei di moimai resifa vene, ye una yaku ya niguba resifa Sei di buni tora gade una maro, bi ga tovo ni tavoi reyaine.

Ephesus vene 3:17

Ye mokena vari gira aena dudu, Keriso yi uka ideri amebiyaine ma ya bi uka mana daru feidei nededi kana, are rei gira reyagane.

Hebrew vene 13:2

Idana vene toga gaba refa, adina makai dudu bedakai yaku Sei di naivo naivo vima toto dudu moi dui reyadi.

Niokuna sina 3:20

Neide, na yaku ida venari are resi feki feki reida. Amiye yokoi nai goroka neidesi ida vena biri eboka rego vonisi, rama ini ideri dui resi inasa vakoi iri-iri regida ma ina ka nasa makai rego.