Luke 12:5 - Sei di Uka Ago Ruaka di Buka Bedakai

⁵ Idu ya oteimagida kaere rofu ori regedi: Sei rofu ori refa, kaere bi ya umuyesi gabi ita mokari makugi di vava nufa, rama ina rofu maka ori refa!

Luke 12:5 Iomraidhean Croise

Matthew 10:28

Ma roaita maka umuyesi vima umuyegi anua regedi vene rofu bi ori ga refa, idu Sei rofu maka ori refa, kaere bi ita mokari roaita ma vima vakoi moi no rego vava nufa.

Matthew 25:41

“Mina usi ini vana enana vene rofu nigo, ‘Na rofu etagae rifa, ya kaere Sei bi nikiraini reyo; Bodaka ma ini naivo naivo vima rofu dogo reyo di toga toga vaido ita mokari nefa!

Matthew 25:46

Ye mina vene toga toga esika esika moina sanari digedi, idu mokena rorobo vene bi toga toga ameibobina vegu di sanari digedi.”

Matthew 5:22

Idu ya nigida bi kaere ini usika ourena rofu gubuyo rego bi kota rego. Dudusa, kaere yaku ini usika ourena rofu nigo, ‘Ya bi ada de,’ ina bi kanisoro vene di nemokori are rego, ma kaere yaku nigo, ‘Ya bi mokena de rei tavoi tavoi reisa,’ bi ita moka rofu nena idari amego.

Mark 13:23

Ye nari refa; na bi beika tau ogau nigedi bi ari dobau sena ya niyaka.

1 Thessalonica vene 4:6

Ma mina idari, bi amiye yokoi yaku ini usika ourena fafau vegu no ga reyaine, o ofa ofa vegu rofu ga boyaine. Adina una makai sena ya ni yeiva resi niyafa, mina kana vegu no bi Varika amiye yaku toe mago.

Hebrew vene 10:31

Vegu amedo Sei di vanari yaregi bi ori tora gade nufa!

2 Peter 2:4

Sei yaku ka ini naivo naivo vima, kaere vegu no reyadi, bi ini kaunava de vei fereyo, idu ita mokari makuyo, mironari bi seini dudu mukunari amegasa, kota rego meda tua rededi.

Niokuna sina 14:7

Ina ka goroka tora dudu niyo, “Sei ori resi ina rofu vabara mafa, adina ini kota rena meda nemoko bi baeyo. Oma, kono, davara ma buruka riyo amiye nivakefa!”

Niokuna sina 15:4

Varika amiye, kaere amiye ya ori de rego? Kaere amiye yi roka moi odoro de rigo? Adina ya maka bi kikifa. Ye gagani gagani vene tau noibanu baesi yi nemokori ya nivakegedi, amiye tau noibanu yaku yi vegu rorobo bi oteimaro ma veyadi dada.”

Niokuna sina 20:14

Mina usi muyeyadi vene ma muyena vene di amena sana bi ita moka tora vaido sanari you makuyo. (Mina ita moka tora vaido sana bi muyena remanu ere mini.)