Luke 11:2 - Sei di Uka Ago Ruaka di Buka Bedakai

² Iesu yaku ina vene rofu niyo, “Usa usa nigediri, bi yomakai nifa: ‘Baba: Yi roka bi kikifa iniye; yi ourefeidena amena sana bi deyaine.

Luke 11:2 Iomraidhean Croise

Matthew 10:32

“Ye kaere yaku amiye di nemokori niogau rego ina bi nai, na yaku ka nai Baba omari di nemokori makai niogau regida.

Matthew 3:2

“Yi vegu no feresi moi etagae rifa, adina Sei ini vava nufa omari ourefeidena amena sana bi negau niyo!”

Matthew 5:16

Mina ida dudu maka, yi vabara bi amiye budari vabara niyaine, ye yi beika vegu buni bi amiye yaku vegedi rofu yi Baba omari mina ini roka moi odoro riyaganedi.

Luke 11:1

Meda yokoiri, Iesu yaku gagani yokoiri usa usa nigamo. Ini usa usa ni vau reyori, ini usi dina amiye yokoi yaku niyo, “Varika amiye, gokai usa usa nigifa mina una oteima, John Baptist yaku ini usi dina vene oteimagamo kana.”

Rome vene 1:7

Mina sina bi Rome ri amededi vene tau rofu, kaere bi Sei ini uka masi iniye ini vene roka nido: Uni Baba Sei ma Varika amiye Iesu Keriso di buni tora gade ma uka amuta ya maragane.

Rome vene 8:15

Adina ya bi Sei di kota rena rofu ori renari dudusa keto regi naivo naivo rei tavoi rena di vima de moiyadi, idu ya bi vadema aena di Vima mida mida kana moiyadi, ye ina dudu raka nisifa, “Baba! nai Madini!”

1 Corinth vene 1:3

Uni Baba Sei ma Varika amiye Iesu Keriso di buni tora gade ma uka amuta ya maragane.

2 Corinth vene 1:2

Uni Baba Sei ma Varika amiye Iesu Keriso di buni tora gade ma uka amuta ya maragane.

Galatia vene 1:4

Iesu uni vegu no rofu ina kaya muyeyo, ye mina gua meda nori moi vegu rigi, Sei uni Baba di ura redo kana.

Ephesus vene 1:2

Uni Baba Sei ma Varika amiye Iesu Keriso di buni tora gade ma uka amuta ya maragane.

Philippi vene 1:2

Uni Baba Sei ma Varika amiye Iesu Keriso di buni tora gade ma uka amuta ya maragane.

Philippi vene 4:20

Uni Baba Sei rofu toga toga vabara niyaine! Rama.

Colossae vene 1:2

Sei di vene ma vegu rama rededi usika ourena Keriso ideri Colossae ri rofu: Uni Baba Sei yaku buni tora gade ma uka amuta ya maraine.

1 Thessalonica vene 1:1

Mina bura na Paul, Silas ma Timothy gutuna — Thessalonica ekalesia vene ya rofu bura reyafa, kaere bi Baba Sei ma Varika Iesu Keriso sa: Buni tora gade ma uka amuta bi yasa.

1 Thessalonica vene 1:3

Una bi uni Baba Sei di nemokori toga ya mokei baesifa, gokai yi mokena vari gira aena moimai yaku moi vata rido, ma gokai yi uka mana yaku yi moimai rei tavoi moi vata rido, ma gokai yi uka mokena, uni Varika amiye Iesu Keriso rofu, mina moi gira rido.

2 Thessalonica vene 2:16

Gua uni Varika amiye Iesu Keriso ma uni Baba Sei, kaere bi una rofu uka madedi, bi buni tora gade dudu toga toga ameibobina di mokena tora ma uka mokena buni una maradi.

Niokuna sina 11:15

Kamini naivo naivo vima 7 ere yaku ini kibi fu reyori, omari goroka tora dudu raka niyadi, “Gua mina kono di ourefeidena amena sana bi uni Varika amiye ma ini Keriso di, ma ina yaku toga toga ourefeidebobigedi!”

Niokuna sina 15:4

Varika amiye, kaere amiye ya ori de rego? Kaere amiye yi roka moi odoro de rigo? Adina ya maka bi kikifa. Ye gagani gagani vene tau noibanu baesi yi nemokori ya nivakegedi, amiye tau noibanu yaku yi vegu rorobo bi oteimaro ma veyadi dada.”

Niokuna sina 19:6

Ye amiye tau gade gade di goroka kana kukuroka neideyaka; ina bi koru abata urufomai degasa ma ofu tora di tu nina di kukuroka kana, ma imuna nisi nigamadi, “Sei di roka moi odoro riyaine! Adina Varika amiye uni Sei yeiva iniye ourefeidedo.

Niokuna sina 20:4

Kamini ourefeidena amena fata veyaka; odoro ameyadi vene bi kaere kota rena vava bi maro. Iesu niokuna ma Sei di ago rofu ada nugaradi vene di vima ka veyaka; ina bi kaere tuma dona nadina ma ini vima nivakena de resi ini bera ini nao, o ini vanari de moiyadi. Dudusa moi dadi rae reyo ma Keriso sa lagani 1,000 ourefeidegamadi.