1 Peter 1:8 - Sei di Uka Ago Ruaka di Buka Bedakai

⁸ Gokai beika vena de reyadi, idu uka madedi ma gua vena de rededi, idu mokena vari gira ina rofu aededi. Ye ya bi ini roka moi odoro rina dudu, ada tora gade resi gokai sina ago nigi anua rededi,

1 Peter 1:8 Iomraidhean Croise

Matthew 10:37

“Kaere amiye ini nono o baba rofu uka tora masi na rofu uka keika mago bi nai usi dina vene egere de; ma kaere amiye ini rumana o rema mida rofu uka tora masi na rofu uka keika mago, ina bi nai usi dina egere de.

John 14:15

“Ya na uka madedi vonisi, nai ago gira bi neidegedi.

John 14:21

“Kaere nai ago gira moisi neidedo, mina amiye bi na rofu uka mado. Ma kaere na rofu uka mado amiye, bi nai Baba yaku uka mago, ma na ka uka masi ina rofu na kaya niokugida.”

John 14:24

Kaere na uka mana de redo amiye, bi nai ago de neidedo. Ye mina ago neidededi bi diya nai, idu nai Baba kaere na nifeideyo amiye di.

John 16:22

Mina resi ya ka gua iriyeduka rededi, idu dudusa ya vegida ma yi ukari ada regedi; amiye yokoi yi ada rena ya rofu moi etagae de rigo.

John 20:29

Kamini niyo, “Ye mokena vari gira aeyo, na veyo dada, idu kaere vene na de veyadi, ma mokena vari gira aeyadi bi buni mago!”

John 8:42

Ma niyo, “Sei bi yi Baba vonisi, bi na rofu uka maragadu, adina na Sei rofu deyaka ma gua na mini. Naike nai vava dudu soka de reyaka, idu na nifeideyo.

Moimai di vegu 16:34

Resi Paul ma Silas afei dui resi ini yavari iruku dabara rei maro. Ina ini yava vene tausa bi ada iniye reyadi, Sei rofu mokena vari gira aeyadi dada.

Rome vene 14:17

Ini adina Sei di ourefeidena amena sana bi diya beika una yaku iri-iri o koru gaga resifa di, idu bi Vima kikifasa mokena rorobo ma uka amuta ma ada rena.

Rome vene 15:13

Kamini Sei kaere bi uka mokena di adina, bi yi mokena vari gira aededi dudu, ada rena ma uka amuta noibanu yi ukari moi vata baeyaine, ye Vima kikifa di vava dudu uka mokena tau tora nina moibigedi dada.

1 Corinth vene 16:22

Amiye yokoi yaku Varika amiye uka de mago vonisi—bi nikiraini reyaine! Marana tha —Varika amiye, bae!

2 Corinth vene 1:22

Ma ini bera bi una fafau aesi ini Vima nitore rena ago bi rama niyaine uni ukari aeyo.

2 Corinth vene 12:4

Ye mina amiye yaku de nigo ago bedakai neideyo; amiye yokoi mina ago ga niyaine.

2 Corinth vene 4:18

Mina resi beika ne dudu vesifa, mina vei mona de resifa, idu beika ne dudu de vesifa mina toga vei mona resifa. Adina beika vesifa bi meda tumuri amego, idu beika de vesifa bi toga toga ameibobigo.

2 Corinth vene 5:7

ini adina mokena vari gira aena dudu vegu amegasa dibo resi nemoko dudu de vesifa.

2 Corinth vene 9:15

Sei rofu buni tora gade maraine, ini beika baika amiye yokoi maro dada, ina fafau nidodi regi anua rego!

Galatia vene 5:22

Idu Vima bi yomina moi ogau rido: uka mana, ada rena, uka amuta, toro rena, uka buni, buni iniye, mokena vari gira aena,

Galatia vene 5:6

Adina roaita nugana o nugana de di ida bi Iesu Keriso ideri ini vava yokoi nufa de, idu mokena vari gira aena uka mana dudu, moimai redo maka bi buni.

Ephesus vene 3:19

Keriso di uka mana diba nina ebu redo, mina ka diba niyaganedi, ye Sei di noibanu yaku ya moi vata baeyaine.

Ephesus vene 6:24

Uni Varika amiye Iesu Keriso koina de nina uka mana dudu, ini uka madedi vene noibanusa bi buni tora gade ameyaine.

Philippi vene 1:25

Adina mina bi rama mokesi diba nida na bi ya aedegika ameibogida, yi mokena vari gira aena di ada renari raga rebiyainedi.

Philippi vene 3:3

Adina una bi roaita nugana vene rama, idu una bi kaere Sei di Vima dudu, Sei nivakesi Iesu Keriso vabara masi roaita di vegu rofu, mokena vari gira de aesifa.

Philippi vene 4:4

Varika amiye rofu bi toga ada rebifa. Dudusa nigida: Ada refa!

Hebrew vene 11:1

Kamini mokena vari gira aena vegu bi beika baika uka mokena rofu aesifa idu vena de resifa, mina bi rama iniye vata nigedi.

Hebrew vene 11:27

Mokena vari gira aena dudu, kini di gubuyo rofu ori de resi Egypt fereyo, ini adina vena de amiye, vena kana are rei gira reyo.

1 Peter 1:6

Mina dada ada tora iniye refa, idu mina ituari beika toe idana idanari atesi yi uka yarena iniye rededi.

1 Peter 2:7

Mina fore bi buni vayavaya, kaere mokena vari gira aededi vene rofu di; idu kaere mokena vari gira aena de vene bi: “Yava akuna vene moi kekevata uyadi fore bi yava moi gira redo fore iniye niyo.”

1 Peter 5:4

Kamini mina mamoe dogo redo Varika amiye ogau nigori, ya bi ini vabara di kini kana ada bou moigedi; ini vabara di yeiva bi keika de nigo.