Mark 6:37 - Kobon

³⁷ Hageila, Jisas haga, “Kale ke kalɨp nan magö rɨmnap ñɨmim,” a ga. Hageia hagla, “Anɨg hagpan u, bɨ rakɨn unbö raleb jɨŋ wög göm mani udpal rö udun nan magö rau dapun, kalɨp ñun aka?” gɨla.

Mark 6:37 Iomraidhean Croise

Madyu 14:16

Anɨg hageila, Jisas kalɨp haga, “Wasö, kale aragnaböl. Kale ke kalɨp nan magö ñɨmim,” a ga.

Madyu 18:28

“Anɨg göm arö gö nɨŋöl gɨ, bɨ wög gɨ ñeb anɨbu nɨpe pen amöm nɨŋnab, bɨ nɨpe aip wög gɨmɨdil bɨ ap mɨdeinab. Nɨp nɨŋöm, uŋam ud sɨsɨ löm hagnab, ‘Nöp mani ilöŋ añɨ ap ñɨnö u, naböŋ ral!’ a gɨnab.

Mark 6:36

Anɨb u, nɨbi bɨ gai i hag yuö, kale am ram rɨƚɨg agƚö ram mɨnöŋ yöp söl gai i aramöm, nan magö kale rɨmnap rau ñɨŋlaŋ,” a gɨla.

Mark 6:38

Hageila, Jisas haga, “Bred magö kale aigöl gɨ rö mɨdöp? Am nɨŋim!” a ga. Hageia, am nɨŋöm hagla, “Hon bred magö unbö mamɨd u, kabsaƚ mɨhöp halö mɨdöp,” a gɨla.

Luke 7:41

Hageia, Jisas manö hod rɨköm haga, “Bɨ ap uraköm, bɨ mɨhöp kalɨp bɨ ap paip hadred (500) denariai ñöm, ap pipdi denariai (50) ñɨnab.

Luke 9:13

Anɨg hageila, Jisas pen haga, “Kale ke nan magö kalɨp ñɨmim,” a ga. Hageia, kale hagla, “Hon nan ñɨŋeb iru mɨdagöp. Yɨharɨŋ bred magö unbö mamɨd u mɨdöm, kabsaƚ mɨhöp mɨdöp. Ne nɨhön gasɨ nɨŋban? Nɨbi bɨ gai i iru nöp mɨdpal u, hon am nan ñɨŋeb kalɨp rɨmnap rau dapun aka?” gɨla.