Mark 16:1 - Kobon

¹ Juda God nɨp sabe gep ñɨn kale u ap padiö, Maria Magdala u, Maria Jems nɨme u, nɨbi Salomi u, wip he u wel lɨ ñun, a göm, am wel haƚɨŋ aij auep rɨmnap rau dap lɨlö hana.

Mark 16:1 Iomraidhean Croise

Mark 14:3

Jisas ram rɨƚɨg agƚö Bedani amöm, Saimon ram u am asɨköm, nan ñɨŋeila. Bɨ Saimon anɨbu, nöd wös hapeb la u, Jisas gö, kamɨŋ la. Pen nan ñɨŋlö nɨŋöl gɨ, nɨbi ap wel haƚɨŋ aij auep mani kub raubal u, barol halö dapöm, aŋ au pa jö göm, Jisas nɨp nabɨc adö laŋ hoŋ ga.

Mark 14:8

Nɨbi anɨbi, nan nɨpe gep rö u, göp. Umnö, wel haƚɨŋ aij auep u lɨ ñöm rɨgöl gɨnaböl rö, yɨp nöd lɨ ñab.

Mark 15:40

Nɨbi iru nöp Jisas aip Jerusalem aula gau, apöm goƚ au mɨdeila. Aŋ anɨbu, nɨbi mɨhau nɨgaŋ Jisas nɨp wög pro pro rɨmnap gɨ ñɨmɨdal ram mɨnöŋ Galili. Nɨbi Maria mɨhöp mɨdailö; nɨbi hib aƚog anɨb mɨhau, ap Magdala daun nɨbö, ap Jems Josep madöl mɨhau nɨme kale u. Nɨbi ap hib nɨpe Salomi. Nɨbi anɨb gau magöŋhalö nɨŋ mɨdlö nɨŋöl gɨ, Jisas uma.

Mark 15:42

Josep bɨ Arimadia daun nɨbö, Juda Kansol kub bɨ gep ap, God nɨbi bɨ udöm abad mɨdeinab ñɨn anɨbu abad mɨdmɨdöp. Bɨ anɨbu, rol God nɨp sabe gep ñɨn u, a göm, nan gɨ jɨn geia. Jisas uma u nɨŋöm, ram söl dugnɨg gab, a göm, mɨñi wip he ud asɨk dam rɨgöl gɨnam, a göm, pɨñɨŋ gaga; Pailod mɨdeia u amöm, hag nɨŋa.

Mark 15:47

Maria Magdala aip, Maria Josep nɨme u aip, nɨŋ mɨdlö nɨŋöl gɨ, wip rɨgöl gɨla.

Mark 16:2

Ruö Sade ñɨn u, sɨb halö uraköm, wip rɨgöl gɨla u areila.

Mark 16:8

Anɨg hagö, nɨbi gau anɨnɨn gö, ñɨn ma gɨl gɨl göm, wip rɨgöl höŋ amöm arö göm, gɨ dö gɨ arla. Pɨñɨŋ gɨla nɨŋöm nɨbi bɨ rɨmnap kalɨp manö anɨbu hag ñagla.

Luke 23:54

Pen Juda God nɨp sabe gep ñɨn u söl auub, a göm, Praide dugo dugo magö u wip rɨgöl ga.

Luke 23:56

Ram kale amöm, agnoŋ ñɨg haƚɨŋ aij auep rɨmnap wip he lɨ ñɨnɨg göm, gɨ lɨ aij gɨla. Ruö mañu nöp daublap u pen Sarere ñɨn kub kale yɨharɨŋ mɨdep u nɨŋöm me, yɨharɨŋ mɨd mɨd hanla.

Luke 24:1

Ruö Sade ñɨn u, ram gɨsön rua magö u, nɨbi ugan anɨbu agnoŋ ñɨg haƚɨŋ aij auep u udöm, wip he hañ romaŋ anöŋ lɨ ñun, a göm, dam wip rɨgöl gɨla u arla.

John 19:25

Pen ñɨn anɨbu, Jisas nɨme u, nɨmañ u, Klopas nɨbin Maria u, Maria Magdala u, ap Jisas nɨp al pak lɨla goƚ söl anɨb au mɨdeila.

John 19:31

Pen Juda bɨ kub gau, kagoƚ ñɨn u dugo magö u hadö auajɨp nɨŋöm hagla, “Rol God nɨp sabe gep ñɨn hon u, wip gau mab ba laŋ mɨdagaiöl,” a göm, am Pailod nɨp hagla, “Bɨ mab ba laŋ al pak lɨbal gau, ami bɨ gau ma kalɨp gau pa jö gɨlö, yɨŋɨd umlö, ud mɨnöŋ yaŋ löl,” a gɨla.