Hibru 3:8 - Kobon

^8-9 Napɨs nahai bɨ hadame nöp, mɨ ñɨn juöl mɨhau ram mɨnöŋ kabö nöp mɨdöp aŋ gau mɨdlö, kalɨp nan gagep rö gau göl gɨ, abad mɨd aij gainö u pen God nɨpe hanɨp nɨhön gɨnab a göm, manö yad u nɨŋagöm, gasɨ kale ke nöp nɨŋöm gɨlö armɨdöp. Napɨs nahai bɨ gɨla rö u, kale God manö hag juagmim.

Hibru 3:8 Iomraidhean Croise

Madyu 13:15

Nɨbi bɨ gai i manö yad hagpin u kalɨp iru gö nɨŋagpal. God Manö nɨŋno, hanɨp gö, nɨbi bɨ nɨpe mɨdaiun rö löp a göm, rɨmɨd pɨƚ göm, amgö ju göm nöp mɨdpal,’ a ga.

Aposɨl 19:9

Pen nɨbi bɨ rɨmnap gasɨ mɨdmagö kale u gasɨ mɨdmagö kale aŋ gau nöp mɨdeia nɨŋöm Pol manö haga u udagnabun, a göm, nɨbi bɨ magöŋhalö mɨdeila aŋ au amöm, Bɨ Kub Adan Arep u manö naij hagla. Anɨg haglö, Pol nɨbi bɨ Jisas nɨp nɨŋ udla gau kalɨp nöp uɫ gɨ dam, Diranas skul ram kub u amöm, kalɨp manö hag ñɨ mɨdmɨdöp.

Aposɨl 7:36

Pen Mosɨs Ijip aramöm, nan gagep rö rɨmnap gau göm, nɨbi bɨ nɨpe Isrel kalɨp udöm ñɨg solwara ‘Aɫɨ’ a gɨpal u amöm, nan gagep rö rɨmnap gau göm, hainö Isrel nɨbi bɨ uɫ gɨ dam ram mɨnöŋ aipɨƚ nöp aŋ gau aramöm, nan gagep rö rɨmnap gau göl gɨ mɨdmɨdöp. Anɨg gɨ mɨdö mɨdö, mɨ ñɨnjuöl mɨhöp (40) ina.

1 Korid 10:9

Kale rɨmnap Bɨ Kub nɨp aƚeb aƚeb ñɨmɨdal; hon unbö rö gagun. Nɨbi bɨ anɨb gau anɨg geila u, God nɨpe gö re hauaɫ gau kalɨp haua hadö umla.