Daidas 2:3 - Kobon

³ Nɨbi majö rö gau kalɨp u rö nöp hag ñɨ aij gɨmön, kale nɨbi God Manö hagöp rö nöp göm gɨ aij gɨpal rö nöp göl; kale nɨbi bɨ rɨmnap hib hag juöm haglö lugagnɨm; ñɨg wain iru ñɨŋagöl; kale nɨbi ñɨ pai bɨ gau kalɨp nagɨ aij adö u nöp hag ñɨ aij göl.

Daidas 2:3 Iomraidhean Croise

Romans 1:29

Pen kalɨp nan naij gep adö u gasɨ añɨ u nöp lö, kale naij yabɨƚ nöp göl göm, nan gau hon nöp mɨdaŋ, a göm, gasɨ u nɨŋöl göm, haƚöwaƚö gɨ naij göl göm, gɨpal. Nɨbi bɨ nan aij kale gau yad rö lagöp a göm, gasɨ naij nɨŋöm, wip alöm, pen pen göm, piral hagöm, gasɨ naij nöp nɨŋbal. Pen, nöp hagöp yɨp hagöp, a göm,

Romans 16:2

Yɨp aij gɨnab u, kale mɨdpim u amjakö, kale Bɨ Kub nɨŋ udpim rö, Bɨ Kub nɨbi bɨ nɨpe pen pen ud aij gɨpal u rö, nɨp ud aij gɨmim. Nan rɨmnap mɨdagainɨm, haƚöwaƚö ñɨmim. Nɨpe nɨbi bɨ gau iru nöp kalɨp ud aij göm, yɨp abe ud aij göm göp.

Epesas 5:3

Pen God nɨbi bɨ nɨpe ke yabɨƚ mɨdpim u, nɨbi si bɨ si gɨmim, gau ajmim haƚöwaƚö gɨmim, nan aij kale gau yad udnam a gɨmim, nagɨ adö anɨbu rö magöŋhalö böŋ nöp arö gɨmim.

1 Dimodi 3:11

Pen bɨ abadep kalɨp wög gɨ ñeb nɨbi rɨmnap udun, a gɨnabim u, u rö nöp nɨŋ aij gɨmim udmim. Nɨbi anɨb gau u rö nöp nɨbi aij nöp mɨdaiöl. Nɨbi bɨ gau, nɨbi u nɨbi aij, a göm gasɨ nɨŋbal, nɨbi anɨb rö nöp nɨŋmim udmim. Nɨbi bɨ rɨmnap kalɨp hag juagöm, nɨbi agamɨj hain rɨköm, ñɨg wain iru ñɨŋagöm, manö piral hagagöm, nan rɨmnap si udagöm, pör gasɨ nɨŋ aij gɨ mɨdeinaböl, nɨbi anɨb rö nöp nɨŋmim udmim.

1 Dimodi 3:8

Pen kale bɨ abad mɨdep kalɨp wög gɨ ñeb bɨ rɨmnap udun, a gɨnabim u, nɨŋ aij gɨmim udmim. Nɨbi bɨ gau, bɨ u bɨ aij, a göm gasɨ nɨŋbal, bɨ gau nöp nɨŋmim udmim. Kale manö nɨŋö nöp hagöm, manö piral hagagöm, ñɨg wain iru ñɨŋagöm, uɫpö kɨƚno mani nan ɫɨp gɨ udagöm, gɨpal bɨ gau nöp nɨŋmim udmim.

1 Dimodi 5:23

Pen nöp nan pör pör göm, yuö hauub u, ne uri ñɨg nöp ñɨŋagmön, ñɨg wain pro pro rɨmnap halö ñɨŋmön.

Daidas 1:7

Krais nɨbi bɨ nɨpe abad mɨdep bɨ gau kale God wög nɨpe ke abad mɨdpal. Anɨb u, bɨ abad mɨdep bɨ gau kale gɨ aij nöp gɨlö, nɨbi bɨ rɨmnap kalɨp manö hag juöl rö lagnɨm. Pen bɨ manö pen pen hagpal gau, bɨ yɨŋɨd kal jubal gau, bɨ ñɨg kƚö ñɨŋöm hauƚ lɨbal gau, bɨ urak pen pen pakpal gau, bɨ uɫpö kɨƚno mani si udnɨg gɨpal gau, kalɨp nɨŋmön udagmön.

Daidas 2:4

Anɨg göl mɨd aij göm, kale nɨbi ma iƚ gɨsön lɨbal gau kalɨp hag ñɨ aij gɨlö, kale pen nugmul bɨ kalɨp mɨdmagö löm, ñɨ pai kale gau kalɨp mɨdmagö löm, hañ romaŋ kale ke gasɨ göp rö nöp gagöm, asɨŋ mɨdagöp rö nöp mɨdöm, wög ram kale gau gɨ aij göm, nɨbi bɨ rɨmnap gau ud aij göm, nugmul bɨ manö hagöl mo gau mɨdöl. Anɨg gɨlö, nɨbi bɨ rɨmnap nɨŋöm, God Manö u hag juagnaböl.

Hibru 5:12

Kalöp God Manö pör hag ñɨbun u nɨŋ aij gɨmim nɨbi bɨ rɨmnap kalɨp hag ñɨbep u pen yɨŋɨd nɨŋagpim rö, manö nöd nɨŋeb gau kalöp kauyaŋ hag ñun rö löp. Mɨñi nan kƚö ñɨŋbep rö u pen ci ñɨŋ nöp mɨdpim.

Repelesin 2:20

Pen manö ap mɨdöp. Nɨbi Jesebel u hag yuagpim. Manö piral hagöm, yad nɨbi God manö hagep mɨdpin a göp. Nɨbi bɨ yɨp nɨŋ udpal gau kalɨp manö piral hag ñöm, ɫɨp gɨ ud arö, kale yɨp arö göm, nɨbi si bɨ si gɨpal. Nɨpe kalɨp hagö, nan ñɨŋeb nan yɨharɨŋ god piral gau nɨp pak sabe gɨ ñɨmɨdal u ñɨŋbal.