Jeremi 44:5 - Sră Goh 2018

⁵ Mơya bol khai ò kơno, ò ơn tồr iat, ò sang bơta iơh kư̆ chu kơlhô ală yàng ndai in.

Jeremi 44:5 Iomraidhean Croise

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Esai 48:18

Ơ hơh kơp kòñ bol mê mìng ơn nùs tồr di ală jơnau sồr Añ jê, gen bơta pas gơs bol mê dê rơp kung be dô nơm hiòng dà, bơta cồng nha bol mê dê rơp be ală ryà dàlềng.

Esai 48:4

Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Jeremi 11:10

Bol khai wèt wơl hơ tồi glài iơh bơsak ồng pàng bol khai dê bơh yau òr, la ală cau neh ò bài iat jơnau Añ; bol khai neh lòt jat ală yàng ndai mơ duh broă bol gơ. Hìu Israel mơ hìu Juda neh sang lòi bơta ho bal mơ Añ neh bơt bơtào bal mơ ồng pàng bol khai dê.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 11:17

Yàng Jehôwa Gơnap Gơnoar Làm Jơh, la Bơtau neh tam mê, neh yal tơnggit bơta rung rài tòmdră mơ mê, tài bơh bơta iơh bơsak hìu Israel mơ hìu Juda neh lơh, nàng bơrcek Añ in gơjrañ bơh neh chu kơlhô Baal in.”

Jeremi 11:8

Mơya bol khai ò dòn bơr, ò ơn tồr iat; mơ kòp nă kư̆ jat bơta kră kơldang nùs kòñ iơh he dê. Tài behơ̆ tàng Añ neh cèng hơđang bol khai jơh ală jơnau tòm bơta ho bal do dê, la bơta Añ neh nting sồr bol khai lơh jat mơya bol khai ò lơh jat.”

Jeremi 13:10

Làng bol iơh do ò bài iat jơnau Añ, cơnđòa jat bơta kơldang nùs bol khai dê, jat ală yàng ndai duh broă mơ duh khoai bol gơ, gen rơp gơlik kung be che but do ò gam niam dô êt lơi.”

Jeremi 19:13

Ală hìu Jerusalem dê mơ hìu gơlang ală cau bơtau Juda neh gơlik gơs ƀơ̆ iơh, kung be tiah Tôphet; ngan, hơ̆ la hơđang rkàng ală hìu hơ̆ cau neh chu kơlhô ală sơmañ đang trồ, mơ ơn phan ơn ñô ală yàng ndai in.’”

Jeremi 43:4

Behơ̆ gen, Jôhanan kòn klau Kareah, ală cau at bồ ling mơ làng bol, ò dòn jơnau Yàng Jehôwa neh sồr ơm wơl tòm lơgar Juda.

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Daniel 9:6

Bol hi neh ò iat jơnau ală cau duh broă Kơnràñ dê la ală cau gơnoar hwơr neh ai sơnđan Kơnràñ mơ đơs mơ ală cau bơtau, ală cau kwang at bồ, ală ồng pàng bol hi dê, bal mơ jơh làng bol tòm lơgar.

Sră Ôse 11:2

Añ sơlo hòi bol khai, gen sơlo bol khai lòt ngài bơh Añ. Bol khai neh ơn phan duh khoai ală Baal in, mơ chu kơlhô ală rùp ràk in.