Jeremi 44:3 - Sră Goh 2018

³ tài bơh glài iơh bol khai neh bơrcek Añ gơjrañ, lòt chu kơlhô mơ duh khoai ală yàng ndai mơ bol khai, bol mê bal mơ ồng pàng bol mê kung òhềt tŭ lơi git.

Jeremi 44:3 Iomraidhean Croise

Nehemi 9:33

Tòm kòp bơta neh gơlik bol hi in, Kơnràñ ngan song ring; tài bơh Kơnràñ lơh dô bă dòn song ai bol hi neh lơh bơta iơh bơsak.

Esai 3:8

Bơh Jerusalem gen gơtup pừ, Juda gen gơtơrlơm; tài bơh ală jơnau đơs mơ broă lơh bol khai dê tòmdră mơ Yàng Jehôwa, bol khai sền òsơp di bơta gơs mat gơklŏ Yàng Tom Trồ dê.

Jeremi 11:17

Yàng Jehôwa Gơnap Gơnoar Làm Jơh, la Bơtau neh tam mê, neh yal tơnggit bơta rung rài tòmdră mơ mê, tài bơh bơta iơh bơsak hìu Israel mơ hìu Juda neh lơh, nàng bơrcek Añ in gơjrañ bơh neh chu kơlhô Baal in.”

Jeremi 16:10

Tŭ mê cèng jơnau do yal wơl làng bol in, bol khai ngan rơp lùp mê lah: ‘Ñchi bơh tài Yàng Jehôwa yal tơlik ală bơta rung rài do bol hi in taih? Bol hi gơs glài lơi? Tồi glài tòmdră lơi mơ bol hi neh tìs mơ Jehôwa Yàng Tom Trồ bol hi taih?’

Jeremi 22:9

Rơp gơs cau ho lah: ‘Hơ̆ la tài bơh bol khai neh sang bơta ho bal Jehôwa Yàng Tom Trồ bol khai dê, mơ duh khoai duh broă ală yàng ndai.’

Jeremi 29:19

Yàng Jehôwa đơs: “Hơ̆ la tài bơh bol khai ò iat jơnau Añ, tŭ Añ neh kong ơt mơ sồr dĭ gơna Añ, la ală cau gơnoar hwơr, ai jơnau hơ̆ lòt tus mơ bol khai; mơya bol mê ò bài iat,” Yàng Jehôwa đơs behơ̆.

Jeremi 32:30

Mơ tai, kòn sau Israel mơ kòn sau Juda, bơh tŭ gam kơnòm să, mìng lơh bơta iơh bơsak di đap Añ; bơh kòn sau Israel mìng ai broă lơh tê he mơ bơrcek Añ gơjrañ, Yàng Jehôwa đơs behơ̆.

Jeremi 44:23

Hơ̆ la tài bơh bol mê neh chu kơlhô mơ neh tìs glài tòmdră mơ Yàng Jehôwa, bơh bol mê ò dòn jat jơnau Yàng Jehôwa, mơ ò cơnđòa jat bơta boh lam, gơnoar sồr, mơ bơta bơto sồr Kơnràñ dê, gen tàng bơta rung rài do neh dùh bol mê in, kung be neh gơs jơl tus ngai do.”

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Jeremi 5:19

Gen tòm tŭ làng bol mê đơs lah: ‘Ñchi bơh tài Jehôwa Yàng Tom Trồ bol he dê neh lơh ală bơta do bol he in taih?’ gen mê pal yal bol khai in lah: ‘Kung be bol mê neh sang lòi Añ mơ duh broă ală yàng cau bơdìh tòm lơgar he mbe lơi, gen bol mê kung rơp duh broă ală làng bol bơdìh tòm dô nơm lơgar ò gơrê bal mơ bol mê behơ̆ sơl.’

Jeremi 5:29

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? Mơ Añ rơp ò cèng bơta sal tê hơđang dô nơm lơgar behơ̆ ơ?

Jeremi 7:19

Yàng Jehôwa đơs: “Añ la cau bol khai bơrcek di sơl? Hơ̆ ò di să tòm bol khai, cèng wơl bơta jê sồt bol khai in ò ơ?”

Ñìm Rac 1:8

Jerusalem neh tìs glài dờng ngan, behơ̆ tàng khai gơlik gơs dô bơta dơñŏ tơnhial. Jơh ală cau sền dờng màng di khai sền òsơp khai wơl, bơh bol khai neh sền gŏ bơta ơm kuh lòi rồ khai dê. Ai să tòm khai gen rơnđơh mơ wèt muh mat khai dê hơ tiah ngài.

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Daniel 9:5

Bol hi la cau tồi glài mơ lơh tìs, bol hi la iơh bơsak mơ tòmdră mơ Yàng, bol hi neh pơrlơ̆ sang ală bơta sồr lam mơ ală bơta boh lam Yàng dê.

Yal Wơl 13:6

Dilah oh mi tòm bol mê dê, hala kòn klau kòn ùr bol mê dê, hala bau ùr mê kòñ gơboh, hala cau bơyô đềt mềr rlau jơh bol mê dê ơniai òm bol mê mơ đơs lah: “Bol he lòt tĕ duh khoai ală yàng ndai,” la ală yàng mơ bol mê mơ ală ồng pàng bol mê dê kung ò git,

Yal Wơl 29:25

Mơ jơnau ho wơl lah: ‘Hơ̆ la tài bơh làng bol do neh sang lòi bơta ho bal mơ Jehôwa Yàng Tom Trồ la Yàng Tom Trồ ală ồng pàng bol khai dê, la bơta ho bal mơ Kơnràñ neh bơtào mơ bol khai tòm tŭ Kơnràñ neh cèng bol khai lik bơh di Ejiptơ.

Yal Wơl 29:26

Bol khai neh sang lòi mơ duh khoai ală yàng ndai mơ cùn khoai di đap bol gơ la ală yàng mơ bol khai ò git, ală yàng mơ Kơnràñ ò ai bol khai in.’

Yal Wơl 32:17

Bol khai ơn phan duh khoai chu pơrguc ală cà in, ò di la Yàng Tom Trồ, la ală yàng mơ bol khai òhềt git, ală yàng pa tơlik mat, ală yàng mơ ală ồng pàng bol mê dê ò duh rngòt.

Hebrơ 3:16

Ñcau la cau neh kơno gen tòmdră taih? Ò di la jơh ală cau neh geh Môise lam lik lòt bơh Ejiptơ ò ơ?