Jeremi 44:10 - Sră Goh 2018

¹⁰ Bol khai ò tơnliah să jơl tus ngai do, ò duh rngòt, ò lòt jat bơta boh lam gơnoar sồr Añ neh ơn di đap bol mê mơ ồng pàng bol mê dê.’

Jeremi 44:10 Iomraidhean Croise

I Ală Bơtau 21:29

“Mê neh gŏ mbe lơi Ahap pìn pơndêt să di đap mat Añ sơl? Tài bơh khai pìn pơndêt să di đap Añ, Añ rơp ò cèng tus bơta rung rài tòm rài khai; mơya tòm rài kòn klau khai Añ rơp cèng bơta rung rài hơđang hìu khai dê.”

II Ală Bơtau 22:19

Tài bơh nùs mê neh git gơjrañ sang glài, mơ pơndêt să mê di đap Yàng Jehôwa; tòm tŭ mê neh kơno jơnau Añ đơs tòmdră mơ tiah do, mơ tòmdră mơ làng bol ơm tòm hơ̆, bol khai rơp gơlik dô bă tiah sang lòi srau gòi mơ srat rma, tài bơh mê neh crè ồi ào mê mơ ñìm rac di đap Añ, mơ Añ neh iat jơnau mê, Yàng Jehôwa đơs behơ̆.

II Yal Yau 32:26

Gen Ejekia tơnliah să bơh bơta pơnhừ să tòm nùs khai dê, làng bol Jerusalem kung lơh behơ̆, gen tàng bơta gơjrañ dờng Yàng Jehôwa dê neh ò tus hơđang bol khai tòm rài Ejekia dê.

II Yal Yau 33:12

Tòm bơta bòl glar kalke khai dê, khai jòi jat bơta nđàc sơngit Jehôwa Yàng Tom Trồ khai dê mơ jơh nùs tơnliah să khai di đap Yàng Tom Trồ ală ồng pàng khai dê.

II Yal Yau 33:19

Jơnau hòi dan khai dê mơ mbe Yàng Tom Trồ neh dòp jơnau khai rac dan, kung be jơh ală bơta tồi glài ò dòn song khai dê, mơ ală tiah jơnhoa duh khoai mơ khai neh bơt mơ bơtào ală jrong duh khoai mơ ală rùp ràk Asera lài mơ tŭ khai tơnliah să tòm khai dê, jơh ală bơta hơ̆ neh geh cih tòm sră yal broă ală cau gơnoar git lài dê.

II Yal Yau 34:27

‘Tài bơh nùs mê neh rcang sir nàng lơh jat mơ mê neh tơnliah să tòm mê di đap Yàng Tom Trồ tòm tŭ mê neh kơno ală jơnau Kơnràñ neh đơs tòmdră mơ tiah do mơ làng bol gơ dê, mơ tài bơh mê neh tơnliah să tòm mê di đap Añ mơ neh crè ào jrùh mê dê mơ ñìm di đap mat Añ, Añ neh kơno jơnau mê dê, Yàng Jehôwa đơs behơ̆.

Đơs Crih 34:18

Yàng Jehôwa ơm rềp mơ ală cau gơs nùs jê sồt, Mơ dong klàs ală cau ò gam gơs bơta gơn kơnòm.

Đơs Crih 51:17

Phan ơn duh khoai niam nùs Yàng Tom Trồ dê hơ̆ la hwềng nùs jê sồt; Ơ Yàng Tom Trồ, nùs jê sồt moat jrùng, Yàng ò di sền òsơp ò.

Đơs Crih 78:10

Bol khai ò prap gàr bơta ho bal Yàng Tom Trồ dê, Kung ò bài lơh jat bơta boh lam Kơnràñ dê.

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Lik Ejiptơ 9:17

Mê gam bơtào is să tòm mê nàng tòmdră mơ Añ, ò lòi làng bol Añ in lik lòt.

Lik Ejiptơ 9:30

Mơya añ git lah bơtau mơ ală cau kwang duh broă bơtau dê òhềt rngòt di Jehôwa Yàng Tom Trồ.”

Jơnau Pơnđik 14:16

Cau jak chài rngòt mơ pleh klàs di bơta iơh; Mơya cau tùl gơla pơnhừ să, mơ ò git kơrhia.

Jơnau Pơnđik 16:6

Kơnòm di bơta kòñ gơboh kơ̆ dơn mơ dòn song gen glài geh tơwài; Bơh bơta duh rngòt Yàng Jehôwa cau pleh ngài bơta iơh.

Jơnau Pơnđik 28:14

Cau lơi òs duh rngòt sùm sùm gơs lơngai ngan; ai cau lơi kơldang nùs rơp dùh tòm bơta sơbơng rơng.

Jơnau Pơnđik 8:13

Bơta duh rngòt di Yàng Jehôwa, hơ̆ la gơjrañ di bơta iơh; Añ gơjrañ bơta pơnhừ să, tràl sơrbil, Añ gơjrañ gùng dà iơh mơ jơnau đơs lac lèo.

Esai 42:24

Ñcau neh jào Jakôp nàng gơkòl cau kup geh, mơ phi Israel nàng cau phà kơñau taih? Hơ̆ ò di la Yàng Jehôwa, la Bơtau mơ bol he neh tìs glài tòmdră mơ Kơnràñ ò ơ? Bơh bol khai ò bài lòt jat ală gùng dà Kơnràñ dê; bol khai ò dòn bơr lơh jat bơta boh lam Kơnràñ dê.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Jeremi 10:7

Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Jeremi 26:4

Mê pal đơs bol khai in lah: Yàng Jehôwa đơs be do: ‘Dilah bol mê ò bài iat Añ, ò lòt jat bơta boh lam Añ neh ơn di đap bol mê;

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 36:24

Bơtau mơ ală làng bol neh kơno ală jơnau hơ̆, ò rngòt dô êt lơi, ò crè ào he.

Jeremi 44:23

Hơ̆ la tài bơh bol mê neh chu kơlhô mơ neh tìs glài tòmdră mơ Yàng Jehôwa, bơh bol mê ò dòn jat jơnau Yàng Jehôwa, mơ ò cơnđòa jat bơta boh lam, gơnoar sồr, mơ bơta bơto sồr Kơnràñ dê, gen tàng bơta rung rài do neh dùh bol mê in, kung be neh gơs jơl tus ngai do.”

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 6:15

Bol khai lơh broă bềng bơta ƀàssìl, mơ tìs glài iơh rmơh; Mơya bol khai ò git ƀàssìl. Bol khai ò dum mat ƀàssìl dô êt lơi. Gen tàng bol khai rơp gơpừ digùl ală cau gơpừ. Di di tŭ Añ lơh glài bol khai, bol khai rơp kong tuh tơlup.” Yàng Jehôwa đơs behơ̆.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 27:54

Cau at dô rhiang ling bal mơ ală cau ling kơp gàr Yàng Jesu, gŏ ù gơlơnggơr mơ ală bơta neh gơlik gơs, gen rngòt rngơt oă ngan mơ đơs lah: “Ngan, Cau do la Kòn Yàng Tom Trồ.”

Luka 23:40

Mơya cau ne lah pơrhơng khai lah: “Mê kung kong bal dô bơta lơh glài mơ mê ò rngòt di Yàng Tom Trồ ơ?

Rôma 11:20

Hơ̆ la song ngan; ală ntê neh jơh koh tài bơh ò dòn, mơ mê gam ntào tài bơh bơta dòn. Mê bañ pơnhừ să, mơya rngòt rngơt tĕ.

I Pier 5:6

Behơ̆ gen tơnliah tĕ să he hơđơm tê gơnap gơnoar Yàng Tom Trồ dê, nàng di di tơngai Kơnràñ rơp yò tơngguh oh mi.

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”