Jeremi 42:3 - Sră Goh 2018

³ Dan Jehôwa Yàng Tom Trồ ồng dê sơnio bol hi in tềng đah bol khai pal lòt mơ ñchi broă bol hi pal lơh!”

Jeremi 42:3 Iomraidhean Croise

I Ală Bơtau 8:36

gen dan Yàng ơm đang trồ iat tĕ, toh glài ală dĭ gơna Yàng, mơ làng bol Israel Kơnràñ in, tòm tŭ Yàng bơto bol khai in gùng niam hơ̆ la gùng bol khai pal lòt, mơ ai mìu hơđang ù tiah Yàng dê mơ Kơnràñ neh ai làng bol Kơnràñ in lơh gơs sre brê.

Ejra 8:21

Gen añ yal tơnggit dô bơta ơt sa tềng hơ̆, di gah hiòng Ahaba, mơ tơnliah să bol hi di đap Yàng Tom Trồ bol hi dê, mơ jòi jat Kơnràñ ai bol hi in bơta ring lơngai tòm gùng lòt bol hi dê, kòn sau bol hi dê mơ ală phan mơna bol hi dê.

Đơs Crih 27:11

Ơ Yàng Jehôwa, dan bơto añ in git gùng dà Kơnràñ dê; Mơ tài bơh ală cau sò tơm di añ, dan lam añ tòm gùng ring drik.

Đơs Crih 86:11

Ơ Yàng Jehôwa, dan bơto añ in git gùng dà Kơnràñ dê, Nàng añ rơp lòt jat jơnau song Kơnràñ dê; Dan lơh añ in gơs nùs song ngan nàng duh rngòt di sơnđan Kơnràñ.

Jơnau Pơnđik 3:6

Tòm jơh ală gùng dà kòn dê, dòp git tĕ Kơnràñ, Gen Kơnràñ rơp bơsong ală gùng dà kòn dê.

Esai 2:3

Oă làng bol rơp tus mơ đơs lah: “Tus tĕ, bol he guh lă hơđang mơnơm Yàng Jehôwa dê, tus hơ hìu Yàng Tom Trồ Jakôp dê; Kơnràñ rơp bơto bol he in gùng dà Kơnràñ dê, tồ bol he rgơi lòt tòm ală gùng Kơnràñ dê.” Bơh bơta boh lam rơp lik bơh Siôn, jơnau đơs Yàng Jehôwa dê rơp lik bơh Jerusalem.

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Mice 4:2

Oă lơgar rơp tus mơ đơs lah: “Tus tĕ, bol he guh tĕ hơ mơnơm Yàng Jehôwa dê, tus hơ hìu Yàng Tom Trồ Jakôp dê. Kơnràñ rơp bơto bol he ală gùng dà Kơnràñ dê, nàng bol he lòt tòm ală gùng Kơnràñ dê.” Jơnau nting sồr rơp lik bơh Siôn, mơ jơnau đơs Yàng Jehôwa dê tus bơh Jerusalem.

Yal Wơl 5:26

Bơh tŭ lơi gơs kòn mơnus lơi neh kơno sap đơs Yàng Tom Trồ kis gam sùm sùm đơs bơh tòm ồs kung be bol hi neh kơno mơ gam kis taih?

Yal Wơl 5:29

Dilah làng bol do gơs nùs duh rngòt di Añ sùm, mơ òs prap gàr jơh ală jơnau sồr Añ jê, behơ̆ sồng khai mơ kòn sau bol khai rơp geh lơngai sùm sùm!