Jang 19:5 - Sră Goh 2018

⁵ Behơ̆ Yàng Jesu ndau sơgơn lò, soh ào gur mơ lik, gen Pilat đơs mơ bol khai lah: “Do, sền cau do!”

Jang 19:5 Iomraidhean Croise

Jang 19:2

Ală cau ling tàñ dô nơm sơgơn mơ lò, tơndau di bồ Kơnràñ, mơ tơnsoh Kơnràñ in dô nơm ào gur.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 40:9

Mê guh tĕ hơđang mơnơm jơnhoa. Ơ Siôn, Mê la cau cèng jơnau niam, ai tĕ jơh pràn tơngguh sap đơs mê dê! Ơ Jerusalem yal tĕ jơnau niam, driau dờng tĕ, bañ rngòt! Đơs tĕ mơ ală ƀòn dờng Juda dê lah: “Do la Yàng Tom Trồ bol mê dê!”

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Mathiơ 27:29

Bol khai tàñ dô nơm sơgơn mơ lò tơndau di bồ Kơnràñ, mơ ơn dô nơm gai proh tòm tê ma Kơnràñ. Bol khai cùn gơltang di đap Kơnràñ mơ dơñŏ tơnhial lah: “Khoai Bơtau làng bol Juda dê!”