MARKU 10:2 - KARÚK-PËRIM KAWALU Nouveau Testament

² A balon tsi Bafariseu tsëp di Yeesu pii teen-teenanul, ba yeparul aja: “Aniirana niints pëwëtan aarul-a?”

MARKU 10:2 Iomraidhean Croise

MATEU 15:12

Din, a bafetsul kika awokul a ba jaul: “Me aatsum Bafariseu te përim pan a pa re bukul-a?”

MATEU 16:1

A Bafariseu ni Basaduseu tsëp di Yeesu. Pa pëgunganul, a ba yepul na piban bukul upibanaani un pëni wi batsi.

MATEU 19:3

A balon tsi Bafariseu tsëp di Yeesu pii teen-teenanul; a ba jaul: “Niints pëgar bënim ni aarul tsi uleka ko un ci wi-ba këci, aci ko un tsua wi-a?”

MATEU 22:35

Nalon tsi bukul, aci najukan-ulua, a na yepar Yeesu përim pi, pa pëteen-teenanul:

MATEU 23:13

Cay bapican-ulua ni Bafariseu, ind banguungu! Par nda ja nda roon nduu ríc bañaan Pësien batsi tsi këkës bukul. Maa ind bërërind nda ri ka niaj, nin pëwëtan biki kan këmand biki pëniaj ba niaj.

MATEU 9:34

Maa, a Bafariseu ja: “Aci uwiak ngëcaay wi nuu ruakëna wun ngëcaay.”

MARKU 10:1

A Yeesu pën tsul atsëp pëboos Judeeya, a na lut kajara bërëk Jordan. A kandënd bañaan kaka júk tsi nul, a na kaka ci tsi puu jukan bukul, bi na ro bi Uwakëtsa përo.

MARKU 10:3

A Yeesu yank bukul aja: “We wi Moises picandar ind wun?”

MARKU 8:11

Bafariseu pëni ee kur pëyepar Yeesu irim. Ba yepul upibanaani un pëni wi batsi, pa pëteen-teenanul.

MARKU 8:15

A Yeesu car aja bukul: “Nda teenan-e, nda rukan ibats tsi uleka bëko Bafariseu bëlëntsantsaani, ni bëko Eroodis bëlëntsantsaani.”

LÚKAS 11:39

Din Ajug jaul: “Teenan-e, ind Bafariseu, nda ja nda roon ndu jëntsan bafetsu karaani, ni bafetsu përialaani; maa bametsu ngëwaas ind acum ni kaca ngëko bañaan, ni kawaraatsa.

LÚKAS 16:14

Bafariseu, bukul baŋal-uncaam, bu kë te ko wan bëlieng a ba ci tsi përiatul.

LÚKAS 5:30

Din, Bafariseu, ni bapican-ulua ba ya biki kajara Bafariseu ci tsi pëŋëmŋëm, a ba ja bafets Yeesu: “We ka wun nduu riala, a nduu raan ni bayep bëluk-uraasa, ni bajuban?”

LÚKAS 6:7

bapican-ulua, ni Bafariseu tsuuna Yeesu këkës, ne ka yësan ank ñaan tsi Unu-pënaakësa, din bu ka kaana tsul bëga pëtumtsarul.

LÚKAS 7:30

Maa Bafariseu ni bajukan-ulua, bë bër ko wi Nasien-batsi ŋalar wi bukul, undo bë mijanaatsa bëmijan Joŋ.

KAKÚRAN-KAWAR YEESU KRISTU BI JOŊ LEENŢ BI KUL AJA 11:47

A bawiak-bajakan, ni Bafariseu, ru kato kawat-pëleents kawiak ba júk, a ba ja: “Wee ngë ci-un tsi përo? Ñaani aci tsi përo ngëpibanaani ngëcumal.

KAKÚRAN-KAWAR YEESU KRISTU BI JOŊ LEENŢ BI KUL AJA 11:57

A bawiak-bajakan, ni Bafariseu, wëtan irim pa, na mei ba këme tsi Yeesu ci tsi, në leents, pa në mobaa.

KAKÚRAN-KAWAR YEESU KRISTU BI JOŊ LEENŢ BI KUL AJA 7:32

A Bafariseu te kandënd bañaan kë ŋëmŋëm ngëmënts ngan tsi uleka Yeesu; din a bawiak-bajakan, ni Bafariseu, yël bagaarir kato-kayëman pa pii mobi Yeesu.

KAKÚRAN-KAWAR YEESU KRISTU BI JOŊ LEENŢ BI KUL AJA 7:48

Ane, aka nalon tsi bawiak, oo tsi Bafariseu, na waki tsi nul-a?

KAKÚRAN-KAWAR YEESU KRISTU BI JOŊ LEENŢ BI KUL AJA 8:6

Bë jaul ko wan, pa pëteen-teenan nul, bu ka ka tsi bu kë mobunul tsi. Maa, a Yeesu ŋëp, a nuu pican ni pëkuanj tsi utsia.

1 KORINTU 10:9

Nja tsë teenaman Këristu, pi balon do pi ba tsi bukul; a ngëko-pëtsats ba ni bukul.