LÚKAS 8:14 - KARÚK-PËRIM KAWALU Nouveau Testament

¹⁴ Utul u yër wunk tsi myu, aci ba nja biki ba te përim Nasien-batsi a uu ba, pëya tsi bërun, kawejats ngëko umundu, ni kaka bëka, ni ulílar ngëko umundu ka nëts bukul, u tsu bukul përits jëŋ.

LÚKAS 8:14 Iomraidhean Croise

MATEU 13:22

A utul u yër wunk tsi buwuul iyu, aci ban te biki përim, maa gëtaag ubira ni karí përëmb umundu nëts përim a kaats bëkat.

MARKU 4:19

a bu kë wejats ngëko umundu, bëka ni karí-ko kë raac bukul; a ngëmënts ngan nëts përim, atsu pul kakaats-bëkat.

LÚKAS 16:13

Kaats naleemp nan yëlani pëleempar bawiak batëb tsi uyaas uloole. Par, na ro ank ba, në ka ni nu ñaasi, në ŋal nacints; oo në mob tsi nalon, në beeng nacints. Nda yëlants pëleempar Nasien-batsi, ndë tankëlaand pëleempar Bëka.”

LÚKAS 21:34

Nda rukan ibats tsi uleka ind bërier ind, ngëwaas ind përits cum ni bëwaamal, ni ukuj, ni kawejats ngëko ubiira, pa unu umënts përitsii baandë-ni ind ucar umënts

LÚKAS 8:13

Utul u yër wunk tsi tsëko ilaak, aci ba nja biki ba te përim Nasien-batsi, bu ka niiran pul ni ulílan, maa bu liincats. Uwak bukul di ka jon; u band uwal mteen-teenana, din bu ka fats ufets.

LÚKAS 8:15

Utul u yër wunk tsi tsëko mgiji, aci ba nja biki ba te përim Nasien-batsi, bu ka gaang pul di ngëwaas nga wara ngi a nga maband, ba tambandar, a bu kë buk mbuk.”

LÚKAS 8:7

Ucínts yër tsi umetaari myu, myu natsa ni wul, a ma nëts wul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:6

Na mobatsi tsi pëci tsi nji, agutsara utsand pi kana, a na kay; ina ka contsaa, i gutsa di bërua, i yëk.

1 TIMOTEU 6:17

Tsuun barëmb umundu wi përits guukandër, ni përits tsu uwats bukul tsi bëka ban dits bi ka fiaara; maa ba tsuun uwats bukul tsi Nasien-batsi, nul na njai na roon nuu wël nja ngë ko bëlieng, ngan kës ngi, pa n ja pëlilanaan.

2 TIMOTEU 4:10

par Demas afatsin ufets, uleka aŋal umundu untsari; apën atsëp Tesalonika, a Këreskes tsëp Galaasia, a Tiitu tsëp Dalmaasia;

BAYEBËREU 6:1

Wul ka wun, nda ju ngë wëtan bëjukan ngëko ngëcäk tsi uleka Këristu, nja ka pënar ngëko këjëŋal. Nja tsë tsu kak ucak-cakan, un ci wi, kayaar-ibats tsi uleka ngi ñaando ngi, ngi kan tsëpandul ngi pëcäts, ni un ci wi uwak tsi Nasien-batsi,