LÚKAS 8:13 - KARÚK-PËRIM KAWALU Nouveau Testament

¹³ Utul u yër wunk tsi tsëko ilaak, aci ba nja biki ba te përim Nasien-batsi, bu ka niiran pul ni ulílan, maa bu liincats. Uwak bukul di ka jon; u band uwal mteen-teenana, din bu ka fats ufets.

LÚKAS 8:13 Iomraidhean Croise

MARKU 6:20

par Eroodis alal Joŋ, ame na ci niints namabal, najënts; a na waayul. Aja na teul, katse ka me ko wi nu ro wi, maa në ŋal aatsum puu cikëndënul.

LÚKAS 8:12

Utul u yër wunk tsi kambaŋ bëga, aci ba nja biki ba te përim Nasien-batsi, a uu ba, Ujabël ka bi kee pënan pul tsi ngëwaas bukul, pa ba rits wak tsi pul bu ka buër.

LÚKAS 8:14

Utul u yër wunk tsi myu, aci ba nja biki ba te përim Nasien-batsi a uu ba, pëya tsi bërun, kawejats ngëko umundu, ni kaka bëka, ni ulílar ngëko umundu ka nëts bukul, u tsu bukul përits jëŋ.

KAKÚRAN-KAWAR YEESU KRISTU BI JOŊ LEENŢ BI KUL AJA 15:2

Kana kan ci ki-ba këci tsi nji a tsijats mbuk, në fal kul; a kan tsij ki mbuk, në jëntsan kul pa ka pe këpe pëtsij mbuk.

KAKÚRAN-KAWAR YEESU KRISTU BI JOŊ LEENŢ BI KUL AJA 15:6

Na mobatsi tsi pëci tsi nji, agutsara utsand pi kana, a na kay; ina ka contsaa, i gutsa di bërua, i yëk.

KAKÚRAN-KAWAR YEESU KRISTU BI JOŊ LEENŢ BI KUL AJA 5:35

Joŋ aro ci ulamp wi ka yëk wi, a uu fiets; a ind, nda ro ŋal pëlilan tsi ufacul, tsi uwal un jonats wi.

1 KORINTU 13:2

Ŋal ka tsij utseend pa pëleents u meaatsa wi, a me bëlieng ngëtsaag ngan doots ngi meaa, a meend ngëko bëlieng; ŋal ka tsij uwak awiak pa pëkikës ngëntunda, maa uci n kaats bëŋal, in di ka n ci ko.

1 KORINTU 15:2

tsi wul buts tsi nda buerëna tsun, uci nda gaang wul bi n leents ind bi wul; uci nda roots unk ba, uwak ind di ka ka bëkat.

GALAASIA 3:1

Cay bañaan Galaasia bafuur! Yën fäl ind un? Ind ban pibana biki tsi këkës ind bi Yeesu Këristu rieŋa bi di kruus.

GALAASIA 3:4

Ane unoor wi nda miira wink bëlieng aci-un kaats wi bëkat-a? Uci u ci ank, kaats bëkat.

EFEESU 3:17

A tsi undo uwak, Këristu na ciin di ngëwaas ind pa ndë jab ibuul ndë liinc tsi bëŋal.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

KOLOS 2:7

nda ciin ba n jab biki tsi nul, ndë liinc, nduu pe këpe pëka uyëlan tsi uwak, bi nda jukana bi; din ngëwaas ind kë cum ni puu baran.

1 TESALONIKA 3:5

Wul ka wun, bi katse bi yëlan pëmiira, a n yëli Timoteu pa pëme uleka uwak ind. Man lënkar pëjaa Nateen-teenan a bi teen-teenan ind, a mcibi wund ka ruka ci man kaats mi bëkat.

1 TIMOTEU 1:19

kë moband tsi uwak, ni tsi uwejats un fac wi. Uwejats umënts wun, balon awëtan wul, din a ba niaman uwak.

BAYEBËREU 10:39

Maa n ja, ngë bofats tsi kafats ufets pa pëniam, maa ngë bof tsi uwak pa ngëwaas buer.

JAKOB 2:26

Bi uja bunk uliaf kaats uyafënts u cats, unk buts uwak a cäts uci u pibanats ngëwar.

2 PER 2:20

Bi u ci bank, uci ba bueri di mtsopi umundu, tsi undo ume Yeesu Këristu Ajug nja Nabueran, a uu ba, a ba kaka witsa ka tsopandar tsi mul, a man pe bukul pëyëlan, bëci bukul butuami ka witsa ka pe bucak pëjuats.

2 PER 2:22

Unk, a ko un jaka wi tsi katib-përim kacär, rolaa tsi bukul; iink jaka run: “Ubuus awitsara mgac wul;” a u jaka buts: “Unkambe u ñawa wi awitsa lam di bupat.”

1 JOŊ 2:19

Bukul bë pënëna tsi pëncuaf nja maa bë cits bayiic inja; par uci ba ro ci bayiic nja bu ka ro mob tsi pëci ni inja. Maa bë pën atsëp, a u piban, bukul bëlieng bë cits bayiic inja.

JÚDAS 1:12

Bañaan bamënts biki bë ci mtsopi tsi ufesta ind wi butsaar. Bu kaats urispiitu uwal wi ba ci wi tsi bariala ni ind. Bu ci bayafan biki ka yafan biki iyeen bukul; a ba ci pi isa in kaats yi mlik, yi ufuts kë tsëpand yi. Bu ci pi mko man bëkats mi tsi uwal mul, a man dëtaa, man cäts ngëyaas ngëtëb.