LÚKAS 4:6 - KARÚK-PËRIM KAWALU Nouveau Testament

⁶ U jaul: “Mán wëlu uyëlan wi bëlieng, ni përëmb msien mi. Par mawëla pul, a ndu n wël pul ni n ŋali.

LÚKAS 4:6 Iomraidhean Croise

LÚKAS 4:7

Uci m jintëlain, pë ci piicu bëlieng.”

KAKÚRAN-KAWAR YEESU KRISTU BI JOŊ LEENŢ BI KUL AJA 12:31

Inkri, kawat umundu wi pëleents abaandi; a tsi inkri, kantsijëna umundu wi ka gutsa di utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 14:30

Nji n katse ink ka ñakanaan ind ngëko ngëcumal, par kantsijëna umundu wi ka bi ink, a yëlaants ko tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 8:44

Ind, Ujabël ci wun asin ind, a nda ŋal përo ngi asin ind ŋal ngi. Wul, aci ufiŋ bañaan ki ujuundi. Aja u roon di ka baar tsi ucär, par ucär cits tsi wul. Aja uu tsup, u leents ko un ci wi wíic wul, par wul aci utsup, a u ciind usín bëtsup.

2 KORINTU 11:14

A ko wan pikranats, par ŋal Useetaani bërier wul awitsësar anaam uwaanju ufac.

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

1 PER 1:24

Par ñaan nan ci ba këci, aci pi pëtsats, a përëmbul ci pi pëtsiañ pëtsats; pëtsats ka kay, pëtsiañ ka yër,

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 13:2

U n jar wi n win wi, anaam unk uwëts, a iyots wul naam ni yi ubuus-bëreeŋ, a mtum wul naam ni mi ulioŋ. A Uncababaan jej pëyëlan wul, ni pëtsoari wul pi pësien, ni pëyëlan wul pëwiak, awël un jar.

UPIBAN 13:7

A u wëla pëkaman bayëman, u kuk bukul. A u wëla pëyëlan tsi kara pëbuka, tsi kara bañaan, tsi kara uliingu, ni tsi kara ucaak.