LÚKAS 4:35 - KARÚK-PËRIM KAWALU Nouveau Testament

³⁵ Yeesu leentsar wul, aja: “Yëŋandari, kë pën tsi nul!” Tsi pëncuaf bañaan, ucaay wat ni u niaj unk; awatul tsi utsia, a u pën tsi nul, maa rootsul ko.

LÚKAS 4:35 Iomraidhean Croise

MATEU 17:18

A Yeesu yënt ucaay, a u pën di napäts, a na yës tsi uyëk umënts wun.

MATEU 8:26

A Yeesu ja bukul: “We ka wun nda lal, ind batienkëts uwak?” Din a na natsa, a na leentsar ufuts, ni bërëk, a tsëko juabuts jok.

MARKU 1:26

A ucaay lic-lican niints ni pëyëlan, a u lië mak, u pën tsi nul.

MARKU 4:39

A na teeni, a na leentsar ukëk, a na ja bërëk: “Tsëkandari! Yëŋandari!” A ukëk nats, a tsëko juabuts jok.

MARKU 9:26

Ucaay lië, a u lic-licanul ni yilaani, a u pën. A napäts naam pi acӓts, a bañaan bacumal kë ja bëlieng acӓts.

LÚKAS 11:22

Maa, nan peuli uyëlan bi baandi a na yëlanul, në caul iŋi-ukam i na watsaraan yi, në fa ngëko ngi na caanul ngi.

LÚKAS 4:23

Yeesu ja bëkul: “Ane ndu tibin ank përim pi: Nacuunkan, cuunkandari-e! Doon tsi ucaaku tsi, ko wi wund te wi m do bëlieng di Kafarnaum.”

LÚKAS 4:39

A në jíntsanul, na leentsar pëmaak, a pa pën tsi nul; na natsa uyëk umënts wun, na mob pëkëmand bëkul.

LÚKAS 4:41

Ngëcaay pën bëts tsi bañaan bacumal, a nguu lie, koo ja: “Wi ci-un Abuk Nasien-batsi!” Maa, Yeesu leentsar ngul, na laaŋ ngul pëja ko. Par ngul, ame nul ci-un Këristu.

LÚKAS 8:24

Ba ya ee wamb Yeesu, ba jaul: “Nawiak, nawiak, pëcäts abaandë-ni inja!” Yeesu natsa aleentsar ufuts ni ngëmaroŋ, a nga tsëk; a tsëko juabëts jok.

LÚKAS 9:39

Aka ucaay un ja wi u mobul, din në lie ucar umënts wun, në yër bëcats, mtum kë pën pëlëts, uu lupanul, te di ka car pëwëtanul.

LÚKAS 9:42

Bi nu wokani bi Yeesu, ucaay watul tsi utsia, u tsuul a na yër bëcats. Din Yeesu leentsar ucaay ujuatsal umënts, na yësan napäts, a na kakanul asinul.

UPIBAN 12:12

Wul ka wun, batsi ni ban ciina biki batsi, nda ciin tsi ulílan! Maa, cay ind ban ciina biki utsia, ni ban ciina biki bërëk! Par Ujabël awelee pëbi di ind; ariabats mak, par ame, ko unduka wi tsi uwal wul aci ko uties.”